Matiu 23:8 - Maləmce Məfele mala Ɓakuli: Kurcau Məbəshe

⁸ Wu kǝa eare ɓǝa tunǝ wun ama “Malǝm” ɗang. Wu ndaka amǝ'eamrǝarǝu kat. Malǝm ma'wun ngga nda mwashat ɓǝrɓǝr.

Matiu 23:8 ပူးပေါင်းရင်းမြစ်များ

Matiu 10:25

Mǝ'eaulǝkigir ka ɓǝ̀ alte ɓǝ̀ kum do kǝla malǝm male, sǝ muna-ɓala ka ɓǝ̀ alte ɓǝ̀ kum do kǝla mǝtala-ɓala male. Ɓǝ̀ mǝtala-ɓala ka à tunǝi ama Murǝm mala akukwar ka, acili amǝɓala ka lullǝu mana à nǝ̀ tunǝia nǝi ka nǝ̀ ɓike nǝ̀ kutibanì!

Matiu 17:5

Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Matiu 23:10

Sǝ ɓǝa kǝa tunǝ wun gbal ama “Ɓwamǝgule” ɗang acemǝnana kǝ ɓwamǝgule ma'wun nda Kǝrǝsti.

Matiu 23:7

À earce ɓǝ̀ aɓwana makkiakun nǝ pagulo aɓa limo, sǝ ɓǝa kǝ tunǝia ama, “Malǝm.”

Matiu 26:25

Pǝlǝa Yahuda, mana nda nǝ̀ ngga me ka ɗi ama, “Malǝm, Mǝ nda le?” Yesu eari wi ama, “E, a nda.”

Matiu 26:49

Yahuda gya yi kútí kporong aban Yesu, ne wi ama, “Malǝm, ǝn nggǝ makko kun.” Pǝlǝa yi mǝn abui kùr Yesu zǝp.

Markus 10:51

Yesu ɗi ama, “Mana a earce ama mǝ pakko?” Nte man pǝlǝa ne wi ama, “Malǝm, ǝn nggǝ earce sǝnban!”

Markus 11:21

Ɓalǝ Bitǝrus kasǝa arǝ cau mǝnana Yesu banggi nggunî ka, pǝlǝa ne Yesu ama, “Malǝm, sǝni! Nggun vwari mǝnana a suí ka imǝna!”

Markus 14:45

Yiu mala Yahuda ka yi kuti nǝ kutio aban Yesu, ne wi ama, “Malǝm!” Sǝ kùrrì zǝp.

Markus 9:5

Bitǝrus ne Yesu ama, “Malǝm, yàwá, mǝnana ado sǝm ndakani ka. Sǝm nǝ̀ kar gumli tārú, mwashat ka nda aceo, mwashat ka nda ace Musa, sǝ man mwashat ka nda ace Iliya.”

Luka 22:32

Sǝ mim ngga ǝn pangŋa hiwi aceo we Shiman, ace mǝnana paɓamuru mo ɓǝ̀ kǝa kpa ɗang. Sǝ ɓǝa longŋa ka, ɓak ɓabum amǝ'eambǝo.”

Yohana 1:38

Yesu nǝ̀ pǝlǝ rǝì ka, kara sǝnia aban yiu ate, sǝ ɗia ama, “Mana wu earki ce?” À eare ama, “Rabbi a ya ban sǝ a pa?” (Rabbi ka ɓālǝi nda Malǝm.)

Yohana 1:49

Pǝlǝa Nataniyel ne Yesu ama, “Rabbi, a nda Muna mala Ɓakuli! A nda Murǝm mala amǝ Isǝrayila!”

Yohana 11:8

Sǝ alaggana male ne wi ama, “Malǝm, àkǝ̀ dyan tu, sǝ amǝ Yahudi lo ama à nǝ̀ ɓukkio nǝ atali, sǝ a kǝ na ama a nǝ nyar kano ɗǝm le?”

Yohana 20:16

Pǝlǝa Yesu tunǝi nǝ lullǝi ama, “Maryamu!” Pǝlǝa pǝlǝ rǝì abani sǝ na ama, “Rabbonai!” (Mǝnia nǝ kun Ibǝru ka nda “Malǝm.”)

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 3:26

Sǝ alaggana mala Yohana yiu abani à yì ne wi ama, “Rabbi, ɓalǝo kasǝa arǝ ɓwa mǝnana wu nda wunǝi a nkaring Nggeasala Jodan, yì mǝnana a bangga sǝm cau amuri ka? Nda kǝ̀ pakki aɓwana batisǝma ka, sǝ aɓwana pwanǝna rǝia kat aban ká abani.”

Yohana 4:31

Anggo ka, alaggana mala Yesu zǝmbǝi wi ama, “Rabbi, yiu li girlina.”

Yohana 6:25

Lang à yì kumǝni a ɓe nkaring garang ngga, à ɗi ama, “Rabbi, a ya pwari sǝ a yiu kani?”

Yohana 9:2

Alaggana male ɗi ama, “Malǝm, cauɓikea mala yana tsǝa sǝ à ɓǝl ɓwa mǝnia ka nte? Cauɓikea male na le, ko mala angge na andǝ tarrí?”

2 Amǝ Korinti 1:24

Sǝm pa aban ɓariki ama sǝm nǝ̀ tsǝk wun ɓǝ̀ wu kpata gir mǝnana sǝm earkiyice amur paɓamuru ma'wun ngga ɗang; a kun mani ka sǝm ndarǝ pak turo sǝnǝa wun ace banɓoarnado ma'wun. Acemǝnana paɓamuru ma'wun na tsǝa sǝ wu cam kàngkàng ngga.

2 Amǝ Korinti 4:5

Yì Yesu Kǝrǝsti Mǝtalabangŋo ka, nda mana sǝm nggǝ hamnǝi ka, ɓamur rǝ sǝm na sǝm nggǝ hamnǝi ka ɗang. Sǝm ngga, sǝm nda ka amǝturo ma'wun à kǝ ce Yesu.

Amǝ Afisu 3:15

mǝnana nǝ bani sǝ amǝɓala male kat, amǝnana a kuli andǝa mǝnana a nzali ka à kum lullǝia ka.

Filimon 1:16

A dyan ngga, yì ka, pa kǝla guro ɗǝm ɗang. Kutini bancame mala guro. Abanam ngga, mǝ'eamrǝarǝu na mǝnana ǝn earkiyi ace raka, sǝ abano ado ka nǝ̀ kuti mǝno, dumǝna kǝla ɓwa sǝ kǝla mǝ'eamrǝarǝu aɓa dotarǝu sǝnǝa Mǝtalabangŋo.

Jemis 3:1

Wun amǝ'eamrǝarǝu, bangula wun ɓǝa kǝa duk amǝkanigir aban kpapi mala amǝkwaɗi ɗang, kǝla mǝnana wu sǝlǝna ka, sǝm amǝkani cau mala Ɓakuli ka, ɓashi ma'sǝm aban Ɓakuli ka nǝ̀ cande nǝ̀ yalî mala acili aɓwana.

1 Bitǝrus 5:3

Aɓwana mǝnana à tsǝk wun amuria ama wu ɗenyi nǝia ka, wu kǝa lǝmndǝia wia rǝcandǝa ɗang, wu duk girkani abania.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”

Sǝna 22:9

Sǝ yì ka, nam ama: Awo, kǝa peri abanam ɗang. Mǝ nda guro mala Ɓakuli, kǝla we wunǝ amǝ'eambǝo, amǝ'ɓangna mala Ɓakuli, andǝ aɓwana kat mǝnana à kǝ kpata gir mǝnana à gilǝì aɓa mǝnia yì malǝmce ka. Peri aban Ɓakuli nǝmurǝì ɓǝrɓǝr!