Matiu 23:4 - Maləmce Məfele mala Ɓakuli: Kurcau Məbəshe

⁴ Pak ka à kǝ yiu nǝ acau mǝkwane sǝ à nǝ̀ tsǝk aɓwana ama ɓǝa pea. Sǝ yia nǝ nggearǝia ka à pà nǝ̀ pak ko mwashat ata mǝno yì agir ka ɗang.

Matiu 23:4 ပူးပေါင်းရင်းမြစ်များ

Matiu 23:23

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu kǝ pe Ɓakuli gauwe mwashat aɓalǝ agauwe lum mala agir mǝkeke kǝla ambukagir ɓaban ma'wun, sǝ wu burice agir mǝɓoarne mǝnana nggurcau kànì ka, kǝla bang mǝsǝcau, andǝ ɓwamuru, andǝ pak mǝɓoarne. Amǝnia ka à ndaka gir mǝnana ɓoaro ɓǝ̀ wu kǝ pea a tarǝia andǝ acilia mǝno ka.

Matiu 23:3

Ace mani ka wu kpata gir mana à kania wun ngga, ɗǝm ngga wu pak gir mana à bangga wun ama ɓǝ̀ wu pak ka. Sǝa ma wu kǝa kpata aturo malea ɗang, acemǝnana gir mana à kǝ kani ka à kǝ pe ɗang.

Luka 11:46

Yesu pa eare ama: Wun amǝsurǝ Nggurcau mala Musa, caukwanban nǝ wun! Acemǝnana wu kǝ parì aɓwana twalo mǝnana à pà nǝ̀ gandǝ twale raka, sǝ wun nǝ ɓamurǝ wun ngga, ko munabu wun mwashat ka wu pà nǝ̀ loasǝi ama wu nǝ̀ tsǝkia wia ɗang.

Amǝ Mishan 15:10

Sǝ palang ado, sǝ wu kǝ earce ama wu nǝ̀ karǝki Ɓakuli, nǝ tsǝki aɓwana mǝnia amǝ Yahudi na raka sǝ à pǝlǝ amǝkwaɗi ka, twalo mǝdǝmbǝre mana nggearǝ aká sǝm, ko sǝm nǝ ɓamurǝ sǝm ngga, sǝm gandǝ twale raka?

Amǝ Mishan 15:28

Nǝ́ eare mala Bangŋo Mǝfele ka sǝm sǝni ka ndanǝ ɓoaro ɓǝ̀ sǝm ngga tsǝka wun twalo amur wun nǝ anzongcau pas mala amǝ Yahudi ama ɓǝ̀ wu kpatea ka ɗang. Kǝ amǝnia na wu nǝ̀ ɗenyinia ka:

Amǝ Galati 6:13

Ko nggearǝ aɓwana mǝnana à camnggiyi kingging arǝ cau mala kasǝ-ɓatau ka, yia nǝ nggearǝia ka, à kǝ kpata nggurcau kat ɗang. Eare malea ka, ɓǝa kasǝa wun ɓatau sǝ à nǝ̀ nggǝ nggori nǝ wun ama à nda à yinǝ wun aɓa kwaɗi mala amǝ Yahudi ka.

1 Yohana 5:3

Acemǝnana earce Ɓakuli ka nda kpata anzongcau male. Sǝ anzongcau male ka, kpatea kwan ɗang.

Sǝna 2:24

Aɓea aɓwana aɓalǝ wun a Tiyatǝra ka à kǝ̀ kpata mǝno yì kanigir mǝɓane ka ɗang. Wu kutia surǝ kanigir nyir mǝnana aɓea aɓwana tunǝi ama “agir ɓa-sǝmbǝrǝa mǝlime mala Shetan” ngga ɗang. Ace mani ka, pa mǝ nǝ tsǝka wun ɓe kǝgir mǝdǝmbǝre amur mǝnana ǝn pana wun ngga ɗang.