Matiu 23:13 - Maləmce Məfele mala Ɓakuli: Kurcau Məbəshe

¹³ Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

Matiu 23:13 ပူးပေါင်းရင်းမြစ်များ

Matiu 23:16

Caukwanban nǝ wun, wu ndaka ante mana à kǝ bwali ante gara ka! Wu kǝ kani aɓwana ama: “Ɓǝ̀ ɓwa kan nǝ Ndàmǝgule mala Ɓakuli ka kángir nî pà nǝ̀ bwali ɗang; sǝa ma ɓǝ̀ ɓwa kan nǝ zǝnariya mana aɓa Ndàmǝgule ka, kángir nî nǝ bwali.”

Matiu 23:23

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu kǝ pe Ɓakuli gauwe mwashat aɓalǝ agauwe lum mala agir mǝkeke kǝla ambukagir ɓaban ma'wun, sǝ wu burice agir mǝɓoarne mǝnana nggurcau kànì ka, kǝla bang mǝsǝcau, andǝ ɓwamuru, andǝ pak mǝɓoarne. Amǝnia ka à ndaka gir mǝnana ɓoaro ɓǝ̀ wu kǝ pea a tarǝia andǝ acilia mǝno ka.

Matiu 23:25

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu nda kǝla akwar andǝ atasau mana à lak nzǝmia pepe ka, sǝ ɓalǝ wun ngga lumsǝ nǝ aturo ɓealɓikea andǝ mɓali.

Matiu 23:27

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu nda kǝla aɓembe mana à tasǝ nzǝmia nǝ pyanti mǝpwasǝe ka; à ɓoar sǝna nǝ nza, sǝ ɓalǝia ka lumsǝ nǝ amú mala alú andǝ agir ɓyakǝno.

Matiu 23:29

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu kǝ ɓak aɓembe mala amǝ'ɓangna mana aká wun wal-luia, sǝ wu kǝ gilǝkice mala amǝ'cauɓoarna mana aká wun wal-luia ka.

Matiu 3:7

Sǝ lang Yohana sǝn amǝ Farisi andǝ amǝ Saduki à nǝ̀ nggǝ yiu pas abani ace mǝnana ɓǝa pakkia wia batisǝma ka, nea wia ama, “Wun amuna an'yau barya! Yan nun kir wun ama ɓǝ̀ wu ɓanggi ɓashi mala Ɓakuli mǝnana kǝ yiu ka?

Luka 11:52

Caukwanban nǝ wun, wun amalǝm Nggurcau! Wu ak kunɓala mala sǝlǝgir. Wun nǝ ɓamur rǝ wun ngga wu kuti ɗang, sǝ wu kasǝkun aɓwana mǝnana à kǝ earce kutio ka!

Yohana 9:22

Atarrí andǝ ngge ka à na mǝnia yì cau ka anggo acemǝnana à kǝ ɓanggi aɓwana-mǝgule mala amǝ Yahudi. Amǝnia yì aɓwana-mǝgule ka à bangŋǝna a dǝmbǝa ama, ɓwa mǝnana earnǝ Yesu ama nda Kǝrǝsti Mǝ'amsǝban ngga, à nǝ̀ pǝri pà nǝ̀ nggǝ yiu aɓa ndakpapi ɗǝm ɗang.

Yohana 9:24

Aɓwana-mǝgule nyar ɓaria à tunǝ ɓwa mǝno nte na ɗiɗyal ka, sǝ à ne wi ama, “Pe Ɓakuli gulo, na sǝm mǝsǝcau! Sǝm sǝlǝna ama ɓwabura mǝnana mǝnmbo amǝsǝo ka mǝ'cauɓikea na.”

Yohana 9:34

Pǝlǝa à ne wi ama, “We mǝnana gbal à ɓǝlo aɓa cauɓikea, sǝ à gulo aɓa cauɓikea ka, a kǝ ɓariki ama, a wu nǝ kania sǝm gir?” Kara à pǝri puri ɓa ndakpapi.

Amǝ Mishan 13:8

Sǝ mǝɓangna mǝ nyirì mǝno, mana gbal à tunǝki ama Elimas ka, camarǝ zurǝì kusǝcau, kǝ ɓariki nǝ̀ tsǝk nggwamna ɓǝ̀ kǝa surǝ mǝsǝcau ɓǝ̀ paɓamuri ɗang.

Amǝ Mishan 5:28

ama, “Sǝm nunkir wun nǝ rǝcandǝa ama, wu kǝa na ama, wu nǝ̀ kanigir nǝ lullǝ ɓwa man ɗǝm ɗang. Ado ka wu tsǝngŋǝna kanigir ma'wun akina ban kat aɓa Urǝshalima, nyar ɗǝm ngga, wu kǝ earce tsǝa ɓǝa na ama, sǝm nda sǝm wal Yesu ka!”

Amǝ Mishan 5:40

sǝ a tunǝ amǝ'mishan ɓǝa kutio abania, sǝ à nunkiria, à kwea. Pǝlǝa à nea wia ama, ɓǝa kǝa na ama à nǝ̀ ɓǝsǝlǝ na cau nǝ lullǝ Yesu ɗǝm ɗang. Pǝlǝa à nyia ɓǝa o anggo.

Amǝ Mishan 8:1

Sawul ka ban ɓoari wi arǝ wal-lú Itǝfanu. Àkǝ̀ pwari mǝno ka pàtanni lo arǝ ikǝlisiya mana a Urǝshalima ka. Amǝkwaɗi kat à mesǝki arǝ aban ɗàngɗáng aɓa nzali Yahudi andǝ Samariya, kǝ amǝ'mishan na nǝmurǝia à ueo aɓa Urǝshalima ka.

2 Timoti 3:8

Kǝla mǝnana Janis andǝ Jambǝris ɓinǝì Musa à earnǝi raka, anggo sǝ aman yì aɓwana ka, à ginǝki mǝsǝcau. Yia ka, aɓwana na mǝnana ɓabumia sharna aɓa cauɓikea, sǝ paɓamuru malea ka, mǝɓafoe na ɗang.

2 Timoti 4:15

We gbal ka, tsǝk kiro a rǝì, acemǝnana kǝ munǝ arǝ koya cau sǝm bang ngga.