Matiu 22:4 - Maləmce Məfele mala Ɓakuli: Kurcau Məbəshe

⁴ Nyare tur aɓea amuna-ɓala male ɓǝa kya ne aɓwana mǝnana à tunǝia ka ama, “Ən malǝna pak girlina kat. Ən walǝna ajamnda andǝ alo-nda amǝnyangge mem. Girbunda kat ka à malǝna pe. Wu yiua pakiɗire isǝban!”

Matiu 22:4 ပူးပေါင်းရင်းမြစ်များ

Matiu 21:36

Mǝtala-ɓaban nyare tasǝ aɓea amuna-ɓala mana à lakki à kuti amǝdǝmbǝa ka. Kǝgir mǝ'mwashati na amǝ'rya man yi pakkia wia ka.

Matiu 22:5

Amǝnia yì aɓwana à tunǝia ka à tsǝk kiria ɗang, à kutia pakkia agir malea mana ɓoaria wia ka. Ɓe ɓwa ka o a ɓaban male, sǝ ɓeɓwa ka o aban kurkuro male.

Matiu 22:8

Pǝlǝa tunǝ amuna-ɓala male sǝ nea wia ama, “Girbunda kat mala pakiɗire isǝban ngga à malǝna pe. Sǝ aɓwana mǝnana ǝn tunǝia ka à kārǝa à nǝ̀ yiu aban isǝban ɗang.

Luka 14:17

Lang pwari ligirlina karǝna ka, tasǝ guro male ɓǝ̀ kya ne aɓwana mana à tunǝia li ka ama, ɓǝa yiu, ko mana le ka à malǝna pe.

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 13:46

Pǝlǝa Bulǝs andǝ Barnabas nea wia nǝ mǝsǝkang-kangŋa ama: Wun amǝ Yahudi, wun nda mǝnana ɓoaro sǝm nǝ̀ bangga wun cau mala Ɓakuli peatu ka. Sǝ acemǝnana wu ɓinǝkini, sǝ wu lǝmndǝna ama wu gattini kum yilǝmu mana málá male pà kàm raka, adyan ngga sǝm ɗekina wun, sǝm nǝ̀ o aban aɓwana mana amǝ Yahudi na raka.

Amǝ Roma 8:32

Ɓakuli ka girban nǝ Muni ɗang, pa Muni ace sǝm kat! Sǝ ɓǝ̀ pa Muni ace sǝm ngga, pà nǝ̀ gandǝ pa sǝm ɓoro nǝ agir gbal kat re?