Matiu 22:3 - Maləmce Məfele mala Ɓakuli: Kurcau Məbəshe

³ Tur amuna-ɓala male ɓǝa kya ne aɓwana mǝnana à tunǝia ka ɓǝa yiua pakiɗire isǝban. À ginǝ yiu.

Matiu 22:3 ပူးပေါင်းရင်းမြစ်များ

Matiu 21:34

Kunɓǝla mala anap yi karǝna ka, tur aɓea amuna-ɓala male ɓǝa kya aki wi ɓǝla anap a bu amǝyal ɓaban.

Matiu 23:37

Oi amǝ Urǝshalima, amǝ Urǝshalima, wun amǝ'wal-lú amǝ'ɓangna mala Ɓakuli, wun amǝ'ɓukki aɓwana mǝnana Ɓakuli turia aban wun ngga. Kusǝ shen Mǝ nda arǝ earce mǝ mǝn abuam amur wun kǝla mǝnana nggu kǝ mǝnggi akpamtari amur amuni ka, sǝ wu ginǝ nkang!

Matiu 3:2

kǝ na ama, “Wu pwanzali wu pǝlǝ nzǝm wun arǝ acauɓikea ma'wun, ace mǝnana Domurǝm mala kuli gbashina.”

Matiu 9:15

Yesu nyesǝia wia ama: Lang sǝ agyajam mala bura-manfela nǝ̀ pak bumkiɗikea mǝnana nda abania peatu ka? Pwari nǝ̀ ngga yiu à nǝ̀ yia twal bura-manfela a rǝia; a pwarî sǝ à nǝ̀ gilmur.

Luka 13:34

Wun amǝ Urǝshalima! Wun amǝ Urǝshalima! Wun mǝnana wu kǝ wal-lú amǝ'ɓangna mala Ɓakuli ka. Aɓwana mǝnana à turia aban wun ngga wu kǝ ɓukkia nǝ atali, ɓǝa wu. Kusǝ shen Mǝ nda ban earce ram wun aban mǝ'mwashati, kǝla mǝnana nggu kǝ ramnggi amuni aɓa mkpamtari ka, sǝ wu ear ɗang.

Luka 15:28

Sǝ muna mǝgule ka bumi lullo, ginǝ kutia ɓala. Tarrí puro yi kumi, camarǝ ɓuakia rǝì.

Luka 19:27

Sǝ amǝno yì amǝɓinǝ muram mǝnana à ear ama mǝ duk murǝm amuria raka, wu yinǝia kani, wu yi wal-luia a ɓadǝmbǝam!”

Yohana 5:40

Kat andǝ amani ka, wu ɓinǝ yiu a banam ace kum yilǝmu.

Amǝ Mishan 13:45

Lang aɓwana-mǝgule mala amǝ Yahudi nǝ̀ sǝn aɓwabunda ka, kara mɓali pakkia wia, à kǝ makgir nǝ cau kat mǝnana Bulǝs bang ngga, à kǝ sanggì.

Amǝ Roma 10:21

Sǝ amur amǝ Isǝrayila ka, Ɓakuli na ama, “Ən mǝn abuam aɓa pwari kat ace ak amǝnia yì amǝ'mgbikiru andǝ amǝ'murcandǝa” ka.

Amǝ Ibǝru 12:25

Wu tsǝkir wun, cala wu ginǝ oki Ɓakuli mǝnana kǝ na wun cau ka ɗang. Ɓǝ̀ amǝ Isǝrayila mǝnana à ginǝ oki Musa, lang nunkiria akani a ɓanza ka, à au raka, lang sǝ sǝm nǝ̀ auwa, ɓǝ̀ sǝm pǝlǝì Ɓakuli nzǝm sǝm, mǝno ado kǝ nunkir sǝm nǝ kuli ka?

Amǝ Ibǝru 9:15

Nda gir mǝnana tsǝa sǝ Kǝrǝsti duk mǝkutio a nre-rǝarǝu mala bǝsa kurcau a nre Ɓakuli andǝ aɓwapǝndǝa ka. Ado ka kǝ yinǝ aɓwana mana kat à tunǝia ka, ɓǝa ak liɓala mǝnana tè pà nǝ̀ mal raka, a bu Ɓakuli mǝnana angŋa dǝmbǝa náná ama nǝ̀ pea wia ka. Mǝnia ka nǝ̀ gandǝ pa acemǝnana Kǝrǝsti wú ace panzǝia aɓata ɓashi mala acauɓikea mǝnana à pea aɓata kurcau mǝ'e ka.

Sǝna 22:17

Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.