Matiu 22:16 - Maləmce Məfele mala Ɓakuli: Kurcau Məbəshe

¹⁶ Pǝlǝa à tur amuna-ɓala malea andǝ aɓea ɓwana mala Hirǝdus abani. À na ama, “Malǝm, sǝm sǝlǝna ama we ka a nda ɓwa mǝɓafoe, ɗǝm ngga a kǝ kani tanjar mala Ɓakuli nǝ mǝsǝcau. A kǝ tar ɓwa ɗang, acemǝnana aɓwana kat abano ka à nda mwashat.

Matiu 22:16 ပူးပေါင်းရင်းမြစ်များ

Matiu 22:24

“Malǝm, Musa bangŋa ama ɓǝ̀ ɓwa wu pànǝ muna raka mǝ'eambǝi ɓǝ̀ al mami ɓǝ̀ ɓǝli lú amuna.

Matiu 22:26

Anggo gbal sǝ kum ɓaria andǝ tāruia, kya bwal bu tongno-nong-ɓaria.

Matiu 26:18

Pǝlǝa nea wia ama, “Wu kya ɓa nggeala aban ɓeɓwa na kam, wu ne wi ama, ‘Malǝm ama pwari mana Ɓakuli tsǝki wi ka gbashina, nǝ̀ li girlina Lamsan Yalimuru a ɓala mo andǝ alaggana male.’ ”

Matiu 26:49

Yahuda gya yi kútí kporong aban Yesu, ne wi ama, “Malǝm, ǝn nggǝ makko kun.” Pǝlǝa yi mǝn abui kùr Yesu zǝp.

Markus 10:17

Lang Yesu longŋǝna nǝ̀ o ka, ɓeɓwa ɓangŋa ate kya kūndǝo a ɓadǝmbǝi, sǝ zǝmbǝi wi ama, “Malǝm mǝɓoarne, mana gir ni mǝ nǝ pa sǝ mǝ nǝ kum yilǝmu mǝnana málá male pà kàm raka?”

Markus 12:13

Anzǝm man ngga, à tasǝî Yesu aɓea amǝ Farisi andǝ aɓwana mala Hirǝdus ace mǝnana ɓǝa bwali aɓa nacau male ka.

Markus 12:14

À yiu abani à yì na ama, “Malǝm, sǝm sǝlǝna ama we ka a kǝ came amur mǝsǝcau. Kǝɓwa pà kàm nǝ̀ pūrǝo ata bui male ka ɗang, acemǝnana ɓwapǝndǝa kat abano ka à twalia à nda mwashat. A kǝ kani njargula mala Ɓakuli nǝ mǝsǝcau. Sǝm ngge earce wu bangga sǝm; nggurcau eare ama ɓǝ̀ sǝm mbwe boalo-cemi aban Kaisar, yì murǝm mǝgule mala amǝ Roma le, ko pa a njari ɗang?

Markus 3:6

Kara amǝ Farisi puro a nza, à kya kum aɓwana mala Hirǝdus, à kurkun a rǝarǝia andǝia, amur wal-lú Yesu.

Markus 8:15

Lang à ndarǝ o aɓa waru ka, Yesu nun kiria ama, “Wu par kir wun arǝ yis mala amǝ Farisi andǝ mala Hirǝdus.”

Luka 20:21

Pǝlǝa amǝ'iucau ɗi Yesu ama, “Malǝm, sǝm sǝlǝ ama cau mo andǝ kanigir mo ka mǝsǝcau na kat. Aɓwana kat abano ka amǝ'mwashati na. A kǝ kani njargula mala Ɓakuli nǝ mǝsǝcau.

Luka 7:40

Yesu eari wi ama, “Shiman, mǝ ndanǝ cau mǝnana mǝ nǝ no ka.” Pǝlǝa pe eare ama, “Nam ce, Malǝm.”

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 18:37

Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

2 Amǝ Korinti 2:17

Sǝm pa kǝla acilia aɓwana, mǝnana à twal cau mala Ɓakuli gir nggaliki na ka ɗang. Sǝm, aɓa tárǝu ma'sǝm sǝnǝa Kǝrǝsti ka, sǝm nggǝ hamnǝ cau nǝ ɓabum sǝm mwashat a ɓadǝm Ɓakuli, kǝla aɓwana mǝnana Ɓakuli nǝ̀ turia ka.

2 Amǝ Korinti 4:2

Sǝm nyingŋǝna bu sǝm arǝ agir kǝsǝkya mǝnana à kǝ pea aɓa sǝmbǝrǝa ka, sǝ sǝm ginǝce ɓealǝu mala swarkiban. Pà sǝm nǝ̀ na cau mala Ɓakuli nǝ nyir ɗang. Sǝm nǝ̀ dukdo mǝsǝcau aɓa tǎlaban a ɓadǝm Ɓakuli, sǝ sǝm nǝ̀ ɓariki aban lǝmndǝ ɓamur rǝ sǝm a njar mǝɓoarne aban aɓwana kat mǝnana à kǝ gandǝ gakita mǝɓoarne andǝ mǝɓane aɓa ɗenyicau malea ka.

2 Amǝ Korinti 5:16

Ace mani ka, twal adyan aban ká dǝmbǝa ka, sǝm nggǝ sǝn ɓwapǝndǝa ɗǝm nǝ sǝne mala ɓanza aɓa nggurǝu ɗang. Kat andǝ amani ama ɗiɗyal ka, sǝm twal Kǝrǝsti aɓa sǝne mala nggūrǝu ka, adyan ngga, anggo sǝ sǝm twali ɗang.

Amǝ Galati 1:10

Ado ka, ɓwangsǝban mala ɓwapǝndǝa na ǝn alkiyite ka le, ko mala Ɓakuli? Ɓǝ̀ mǝ nda ban ɓariki mǝ nǝ pwasǝbum ɓwapǝndǝa ka, ɓǝ́ pa mǝ nǝ duk guro mala Kǝrǝsti ɗang.

Amǝ Galati 2:6

Sǝ amǝno yì aɓwana à twaliá ama à nda ka aɓwana amǝgule mala ikǝlisiya ka, à pànǝ kǝ kaɓe cau mǝnana à nǝ̀ tsǝa amur cau mǝnana ǝn nggǝ hamnǝi ka ɗang. Kat andǝ amani ama à ndaka aɓwana amǝgule aɓa dǝmbam ngga, ǝn eari mǝno ɓǝ̀ ciem ɓǝn nying kpata gir mǝnana Ɓakuli lǝmndǝam ngga ɗang, ko bǝti, acemǝnana Ɓakuli ka, kǝ lǝmndǝ tàrban ɗang.

1 Amǝ Tasalonika 2:4

Sǝm ngga, sǝm nggǝ na cau kǝla aɓwana mǝnana Ɓakuli earnǝ sǝm sǝ nyingga sǝm turo hamnǝ Cau Amsǝban a bu sǝm ngga. Sǝ sǝm pà aban pe ace mǝnana ɓǝa ɓwapǝndǝa ɓwangsǝ sǝm ngga ɗang; sǝm nggǝ pê ace pwasǝ ɓabum Ɓakuli mǝnana kǝ pelǝki ɓabum sǝm ngga.

Jemis 3:17

Sǝ sǝlǝe mǝnana pur nǝ kuli ka mǝɓoarnsari na, sǝ ndanǝ earce dotarǝu, nda ɓukɓuk aɓa pa male, kǝ ɗenyi nǝ aɓwana, lumsǝ nǝ mǝsǝswatǝr andǝ aturo mǝɓoarne, kǝ lǝmndǝ tàrban ɗang sǝ kǝ pak gir aɓa mǝsǝcau.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.