Matiu 22:11 - Maləmce Məfele mala Ɓakuli: Kurcau Məbəshe

¹¹ Lang murǝm kutio nǝ̀ sǝn abǝri ka mǝsǝì kpa arǝ ɓeɓwa na kam mana tur daura isǝban a rǝì raka.

Matiu 22:11 ပူးပေါင်းရင်းမြစ်များ

Matiu 13:30

Wu ɗekia ɓǝa gulo a tarǝia. Pwari wale ka mǝ nǝ ne amǝturo ɓǝa tar nkwangŋan ɓǝa kurkia sǝ ɓǝa pisǝia. Sǝ mǝssa ka ɓǝa soapa mi a ba.”

Matiu 22:10

Nda amuna-ɓala man puro à o arǝ agauwata anjarɓala sǝ à tunǝki aɓwana kat mǝnana à kum ngga, amǝɓane andǝ amǝɓoarne. À yì lumsǝ ɓala isǝban.

Matiu 3:12

Kwar sarǝgir male na a bui, nǝ̀ yia pusǝ kwá arǝ mǝsǝsa a katǝra, nǝ̀ so mǝsǝsa a ba, sǝ kwá ka nǝ̀ pisǝì a bǝsa mǝnana panǝ linggi raka.”

Amǝ Roma 13:14

A kun mani ka wu oasǝ Mǝtalabangŋo Yesu Kǝrǝsti arǝ wun, sǝ wu kǝa ká nǝ́ ɗenyicau ma'wun arǝ alita nggūrǝu njar mala loasǝ anpel male ɗang.

Amǝ Roma 3:22

À nǝ̀ pǝlǝ sǝm, sǝm nǝ̀ duk amǝ'cauɓoarna aban Ɓakuli ace paɓamur sǝm aban Yesu Kǝrǝsti. Mǝnia ka anggo sǝ pa nǝ koyana mǝnana paɓamuri aban Kǝrǝsti ka, tàrban pa kàm ɗang.

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

2 Amǝ Korinti 5:3

Acemǝnana ɓǝ̀ sǝm oasǝni ka, pà sǝm nǝ̀ duk gbǝrangtang ɗang.

Amǝ Galati 3:27

Sǝ aɓwana mǝnana kat à kum kpapi andǝ Kǝrǝsti aɓa batisǝma ka, à turǝna Kǝrǝsti a rǝia kǝla tur bǝsa daura a rǝǔ.

Amǝ Afisu 4:24

Wu twal bǝsa ɓealǝu, mǝnana à pusǝì ɓǝ̀ do kǝla Ɓakuli aɓa docauɓoarna, andǝ mǝsǝcau, andǝ do mǝfele ka.

Sǝna 16:15

“Wu sǝni, mǝ nǝ yiu aɓa yasǝlǝban kǝla mǝn'i. Tsǝkbu mala Ɓakuli na amur ɓwa mǝnana kat kǝ dum nǝ mǝsǝì aɓa kundǝmuram, sǝ kǝ bwal agir-nggurǝu male pepe, ace mǝnana ɓǝ̀ kǝa ging nǝ ɓate, ɓǝ̀ kum kǝsǝkya a mǝsǝ aɓwana raka!”

Sǝna 19:8

À pani wi nggurbyau linen mǝɓoarne, mǝpwasǝe pwapwat, ɓǝ̀ oasǝ a rǝì.” Nggurbyau linen mǝɓoarne ka, nda cam a kúnì aturo mǝɓoarne mala aɓwana mala Ɓakuli ka.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.

Sǝna 3:18

Ace mǝno ka, ǝn nggǝ kwarkiro wu kúr zǝnariya mǝɓoarne a buam, zǝnariya mǝnana à gilǝkice nǝ bǝsa ka, ace mǝnana wu duk mǝkume. Kúr agir-nggurǝu mǝpwasǝe a buam, mǝnana a nǝ túr a rǝo sǝ a nǝ kumsǝ do-gbǝrangtang mo mǝpà kǝsǝke ka. Sǝ wu kúr mùru-ɓuri mǝsǝu a buam, mǝnana a wu nǝ hasǝ a mǝsǝo ace mǝnana wu sǝnban ngga!