Matiu 21:32 - Maləmce Məfele mala Ɓakuli: Kurcau Məbəshe

³² Yohana Mǝbatisǝma yiu yi kania wun tanjar mǝɓafoe, sǝ wu earnǝi ɗang; sǝ amǝ'aki aboalo-cemi aɓa ɓǝmbǝriban andǝ aman-gung earnǝi. Kat andǝ mǝnana wu sǝn mǝnia ka, wu gine, pa wu nǝ̀ pwanzali, wu nǝ̀ nying acauɓikea ma'wun ɗang, sǝ wu earnǝ cau male ɗang.

Matiu 21:32 ပူးပေါင်းရင်းမြစ်များ

Matiu 11:18

Yohana yiu, liki kǝgir ɗang, sǝ nuki kǝgir gbal ɗang. À yì bangŋa ama, “Ndanǝ kukwar a rǝì.”

Matiu 21:25

Batisǝma mala Yohana ka, pur nǝ kǝshe? Pur nǝ ban Ɓakuli le ko pur nǝ ban ɓwapǝndǝa?” À kutia pǝlǝki ce a rǝarǝia ama, “Ɓǝ̀ sǝm na ama, ‘Pur nǝ ban Ɓakuli’ ka, nǝ̀ bangga sǝm ama, ‘Sǝ palang sǝ wu ginǝ earnǝi?’

Matiu 21:31

“Aɓalǝ amuna mǝnia ɓari ka yana pak gir mǝnana tarrí earce ka?” Pǝlǝa à eari Yesu ama mǝdǝmbǝa na. Yesu pǝlǝa nea wia ama: Ən nggǝ bangga wun mǝsǝcau, amǝ'aki aboalo-cemi aɓa ɓǝmbǝriban andǝ aman-gung à nǝ̀ aka wun dǝmbǝa kutio a Domurǝm mala Ɓakuli.

Matiu 5:46

Ɓǝ̀ earcearǝu ma'wun ngga nda ace amǝ'earce wun nǝmurǝia ka, ya tangnakusǝu na wu ndanǝi? Nggearǝ amǝ'cauɓikea ka anggo sǝ à pakkiyia.

2 Timoti 2:25

Aɓa pê ɓukɓuk ka, kwarkir aɓwana mǝnana à kǝ ɓinǝ earnǝ mǝsǝcau ka. Yakǝla ka, Ɓakuli nǝ̀ nggaɗi ɓabumia, sǝ à nǝ̀ vwaki buia arǝ cauɓikea à nǝ̀ pwanzali, ɓǝ̀ kyan nǝia aɓa surǝ mǝsǝcau.

Amǝ Ibǝru 3:12

Wun amǝ'eamrǝarǝu, wu tsǝkir wun, ɓǝa kǝa kum kǝɓwa aɓalǝ wun mǝnana ndanǝ ɓabum mala ɓealɓikea andǝ ɗwanyi earnǝ cau mana nǝ̀ ci nǝ̀ bwaki bui arǝ kpata Ɓakuli mǝyilǝmuì ka ɗang.

2 Bitǝrus 2:21

Ɗwanyi surǝ njar mala do ɓealɓoarna malea ka ɓǝ́ ɓoarǝni banì amur mǝnana à surǝni sǝ à pǝlǝ nzǝmia arǝ nzongcau mǝfele mǝnana à pea wia ka.

Sǝna 2:21

Ən kundǝ a rǝì ɓǝ̀ pwanzali ɓǝ̀ pǝlǝ nzǝmi arǝ acauɓikea male, sǝ eare ama nǝ̀ pǝlǝa nǝ̀ nying kìɗìkì mala nongginǝ rǝarǝu male ɗang.