Matiu 21:19 - Maləmce Məfele mala Ɓakuli: Kurcau Məbəshe

¹⁹ Mǝsǝì kpa arǝ nggun vwari a girǝi njargula, pǝlǝa sana wario a tǝrí. Sǝ kya kum kǝ ɓǝle ɗang, mbui na nǝmurǝì. Pǝlǝa ne nggun ama, “A pà nǝ́ ɓǝl ɗǝm ɗang!” Àkǝ̀ banì kara nggun ime.

Matiu 21:19 ပူးပေါင်းရင်းမြစ်များ

Matiu 21:20

Alaggana nǝ yia sǝni ka gir nî pakkia wia gir'ndali gandǝa à ɗiban ama, “Lang sǝ nggun vwari man kaurǝ ime anggo?”

Markus 11:14

Pǝlǝa Yesu ne nggunî ama, “Kǝ ɓwa pà nǝ̀ li ɓǝleo ɗǝm ɗang!” Alaggana male ok mǝnia yì cau ne ka.

Markus 11:20

Ban fana nǝ dǝmbari à nǝ̀ nggǝ kuti nǝ ban nggun vwari mǝnana Yesu suí ka, kara à sǝni ka imǝna, yi bwal a nlerǝe.

Luka 3:9

Ko ado ka kun bero na a tǝrta anggun. Koya nggun mǝnana pà nǝ̀ pusǝ ɓǝle mǝɓoarne raka à nǝ̀ kasǝi à nǝ̀ turi a bǝsa.”

Yohana 15:2

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Yohana 15:6

Ɓǝ̀ ko ya ɓwa na sǝ do a ɓalǝam raka, nda kǝla bu-nggun mǝnana à turi sǝ im ngga; a'ulang abu-nggun mǝno ka aɓwana kǝ ramnggia, à nǝ̀ soea aɓa bǝsa à nǝ̀ pisǝia.

2 Timoti 3:5

À nǝ̀ lǝmndǝi a nza kǝla yia ka aɓwana mala Ɓakuli na, sǝ à ɓinǝ pà ɓamuria arǝ rǝcandǝa mala Ɓakuli mǝnana nǝ̀ cia à nǝ̀ duk do mala amǝkwaɗi ka. A ulang amǝnia yì aɓwana ka, wu ɓanggi bania.

Titus 1:16

Amǝnia yia aɓwana ka, à kǝ bang nǝ mburkunia ama à surǝ Ɓakuli, sǝ pakkiagir malea ka lǝmndǝ ama à surǝ Ɓakuli ɗang. Aɓwana na à nǝ̀ ɓinǝia, amǝ ɗwanyi okiru na, à kārǝa à nǝ̀ pak kǝgir mǝɓoarne ɗang.

Yahuda 1:12

Amǝnia yì aɓwana ka amǝ'kiɗiki agir na aɓalǝ wun aban kpapi likwar mala dotarǝu ma'wun, sǝ à panǝ ɓangciu ko kǝsǝkya ɗang. À nda kǝla ayalgir mǝnana à karǝ bumia à ɗenyi nǝi ka. À nda kǝla pǝrɓang mǝnana gung twali kǝ nya mbulo raka. À nda kǝla anggun mǝnana ko nǝ kún gbangŋan ngga à kǝ pa ɓǝlea raka, anggun mǝnana à ukkinia andǝ anlerǝia sǝ à wuna mak ka.

Sǝna 22:11

Ɓwa mǝnana kat kǝ pak gir mǝɓane ka, ɓǝ̀ lidǝmbǝa aɓa pakkiagir mǝɓane. Ɓwa mǝnana kat mǝɓealɓikea na ka, ɓǝ̀ lidǝmbǝa aɓa ɓealɓikea male. Ɓwa mǝnana mǝɓealɓoarna na ka, ɓǝ̀ lidǝmbǝa aɓa do-ɓealɓoarna. Ɓwa mǝnana tàr ɓamuri ɓǝ̀ duk mala Ɓakuli ka, ɓǝ̀ lidǝmbǝa aɓa do tàr ɓamuru aban Ɓakuli.