Matiu 20:24 - Maləmce Məfele mala Ɓakuli: Kurcau Məbəshe

²⁴ Lang acili alaggana mala Yesu mǝnia lum ok ce ka, bumia lul arǝ amǝ'eambu mǝnia ɓari ka.

Matiu 20:24 ပူးပေါင်းရင်းမြစ်များ

Matiu 20:23

Yesu nea wia ama, “Ɓafo, wu nǝ̀ gandǝ nu tanni mǝnana mǝ nǝ nu ka, sǝa ma pa ban-do a buam-mǝlì ko mǝnggare ka pà aɓa rǝcandǝa mem ɗang. Amǝnia yì aban ngga nda ace aɓwana mǝnana Tárram gilǝkia wia ka.”

Matiu 20:25

Yesu pǝlǝa tunǝia abanarǝia sǝ na ama, “Wu sǝlǝa ama amurǝma mala mǝnia yì ɓanza ka à kǝ lǝmndǝ gulo amur aɓwana malea, sǝ aɓwana-mǝgule malea kǝ lǝmndǝia wia rǝcandǝa.

Markus 10:14

Lang Yesu nǝ̀ sǝn mǝnia yì gir ka, bumi lullo arǝ alaggana male. Pǝlǝa nea wia ama, “Wu ɗekia amuna ɓǝa yiu abanam, wu kǝa pǝria ɗang. Acemǝnana domurǝm mala Ɓakuli ka, nda ace aɓwana mǝnana à nda kǝla amǝnia yia amuna ka.

Markus 10:41

Lang acilia alaggana mana lum nǝ̀ ok gir mǝno Jemis andǝ Yohana alkite ka, bumia lullo.

Luka 13:14

Sǝ ɓwamǝgule ndakpapi ka bumi lullo, acemǝnana Yesu twalban rǝkwana a pwari usǝlǝo ka. Ne aɓwana mana à ram ngga ama, “Anongŋo nakam tongno-nong-mwashat ace turo. Wu yiu ɓǝa twala wun ban arǝkwana ma'wun aɓalǝ amǝno yì apwari ka, wu kǝa yiu a pwari usǝlǝo ɗang.”

1 Amǝ Korinti 13:4

Earcearǝu ka ndanǝ munyi, andǝ pe mǝɓoarne. Earcearǝu ka kǝ pak mɓali ɗang, kǝ nggori, ko gusǝlǝ-muru ɗang.

Amǝ Filipi 2:3

Gir mǝnana kat wu nǝ̀ pè ka, wu kǝa pe nǝ earce-ɓamuru, ko twalɓamuru ɗang; wu nongsǝ ɓamur rǝ wun, wu twal aɓi wun kǝla à kuti wun.

Jemis 3:14

Sǝ ɓǝ̀ wu lumsǝ nǝ mɓali, andǝ ɓinǝmuru, andǝ earce ɓamuru a ɓabum wun ngga, wu ɗeki nggori, wu kǝa gìr mǝsǝcau nǝ nyir ɗang.

1 Bitǝrus 5:5

Sǝ wun alo-ɓwa gbal ka, wu kǝ nongsǝ mur wun aɓata aɓwana-mǝgule. Wun kat ka, wu do nǝ nyesǝmuru a rǝarǝ wun, acemǝnana Malǝmce na ama: “Ɓakuli kǝ mgbali amǝ'gusǝlǝ-muru, sǝ kǝ lǝmndǝì amǝ nyesǝ muru ɓwamuru.”