Matiu 20:19 - Maləmce Məfele mala Ɓakuli: Kurcau Məbəshe

¹⁹ À nǝ̀ tasǝi a bu aɓwana mǝnana amǝ Yahudi na raka mǝnana à nǝ̀ ɓǝsǝki, à nǝ̀ kwe, sǝ à nǝ̀ gballì a nggun-gangndi ka. A tāruia nongŋo ka nǝ̀ lo nǝ yilǝmu!

Matiu 20:19 ပူးပေါင်းရင်းမြစ်များ

Matiu 12:40

Kǝla mǝnana Yunana pak pwari tārú andǝ du tārú a bum nggea nji ka, anggo gbal sǝ Muna mala Ɓwa nǝ̀ pak pwari tārú andǝ du tārú aɓa nzali.

Matiu 16:21

Twal a pwari mǝno ka Yesu tita mǝnggi alaggana male ɓa cau ama, “Dumǝna púp mǝ nǝ ká a Urǝshalima, mǝ nǝ ká nu tanni kǝrkǝr a bu aɓwana-mǝgule, agbani pǝris andǝ amǝkani nggurcau. À nǝ̀ wal-luem, sǝa ma a tāruia nongŋo ka mǝ nǝ loapi ɓembe nǝ yilǝmu.”

Matiu 17:23

sǝ à nǝ̀ ngga wal-lui. A tāruia nongŋo ka nǝ̀ lo nǝ yilǝmu.” Kara ban ɓiki alaggana male kǝrkǝr.

Matiu 27:26

Bilatus pǝlǝa panzǝia wia Barabbas, sǝ Yesu ka tsǝa ɓǝa kwe, pǝlǝa tasǝi a buia ɓǝa kya gballì a nggun.

Matiu 27:63

À ne wi ama, “Ɓwamǝgule, ɓalǝ sǝm kasǝa ama mana mǝno yì mǝswarki aɓwana ndanǝ yilǝmu ka, bangŋa ama a nzǝm nongŋo tārú ka nǝ̀ loapi ɓembe.

Markus 14:65

Aɓea aɓwana atea à tita takki wi ntara a rǝì, à kur amǝsǝì, sǝ à tulki nǝ abuia, à na ama, “Bangga sǝm, ko yana walo!” Sǝ amǝyalban bwali à kwe a takiri, aban umne.

Markus 15:1

Nǝ dǝmbari ɗiɗyal ka, agbani pǝris andǝ akapana, andǝ amalǝm Nggurcau mala Musa, andǝ amǝɓashi kat, à yì ear amur cau mwashat. À ta bu Yesu, à um nǝi aban Bilatus.

Markus 15:15

Sǝ acemǝnana Bilatus earce ama nǝ̀ pwasǝ bumia ka, pǝlǝa panzǝia wia Barabbas. Tsǝa à kwak Yesu, pǝlǝa pea asoje mala amǝ Roma ɓǝa kya gballì a nggun-gangndi.

Luka 18:32

À nǝ̀ nyesǝi à nǝ̀ pea aɓwana mǝnana amǝ Yahudi na raka, à nǝ̀ oali, oalban zalǝkiban, à nǝ̀ sanggì, à nǝ̀ tapi wi ntara, à nǝ̀ kwe, sǝ à nǝ̀ wali nǝ̀ wu,

Luka 23:11

Hirǝdus andǝ asoje male pak ceì ɓa, à nyesǝi gir oalo na. À makki wi adaura murǝm a rǝì pǝlǝa à nyesǝi aban Bilatus.

Luka 24:46

Nyare nea wia ama, “Mǝnia ka nda gir mǝnana à gilǝ ka: Kǝrǝsti Mǝ'amsǝban, nǝ̀ nu tanni, nǝ̀ wu, sǝ nǝ̀ loapi ɓembe nǝ yilǝmu, a tāruia pwari.

Amǝ Mishan 2:23

Ɓakuli surǝna rǝ gir mǝnana nǝ̀ kumban ngga, sǝ nǝ kani male, sǝ wu mak Yesu aban aɓwana mǝnana amǝ Yahudi na raka, amǝ ɗwanyi kpata Nggurcau, mǝnana à yì gballì amur nggun-gangndi, à wal-lui ka.

Amǝ Mishan 21:11

Yiu sǝ yi twal nggur-ɓunu mala Bulǝs, pǝlǝa kùr akusǝ ɓamuri andǝ abui nǝi. Pǝlǝa bangŋa ama, “Bangŋo Mǝfele na aban na ama, ‘Anggo sǝ amǝ Yahudi nǝ̀ ngga kùr mǝtala nggur-ɓunu mǝnia ka a Urǝshalima, sǝ à nǝ̀ twali à nǝ̀ pea aɓwana mǝnana amǝ Yahudi na raka.’ ”

Amǝ Mishan 4:27

Acemǝnana anggo sǝ Hirǝdus andǝ Buntu Bilatus kpapi kunarǝia aɓa mǝnia yì la ka. À kpapi kunarǝia andǝ aɓwana mǝnana à surǝ Ɓakuli raka, andǝ amǝ Isǝrayila kat, nǝ ɓibura arǝ Yesu, yì guro mo Mǝfele, yì ɓwa mana a ci nda Kǝrǝsti Mǝ'amsǝban ngga.