Matiu 2:6 - Maləmce Məfele mala Ɓakuli: Kurcau Məbəshe

⁶ “ ‘We Betalami, a nzali Yahudi, a gatti pale ɗang a ta amurǝma mala nzali Yahudi. Acemǝnana a ɓalǝo sǝ murǝm nǝ̀ puro, mǝnana nǝ̀ yal aɓwana mem amǝ Isǝrayila ka.’”

Matiu 2:6 ပူးပေါင်းရင်းမြစ်များ

Matiu 2:1

À ɓǝl Yesu a Betalami, a nzali Yahudi, a baku mǝnana Hirǝdus nda murǝm ngga. Tu anzǝm ɓǝl Yesu ka, amǝ'sǝle amur anlero pur nǝ takuli sǝ à yiu a Urǝshalima,

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Yohana 21:16

Yesu ɗi ɗǝm ama, “Shiman muna mala Yohana, a earcem le?” Shiman ama, “E, Mǝtalabangŋo, a sǝlǝna ama ǝn nggǝ earceo.” Yesu ne wi ama, “Tsǝkir anzur mem.”

Yohana 7:42

Malǝmce na ama, Kǝrǝsti Mǝ'amsǝban ngga nǝ̀ pur a tau mala Dauda, sǝ à nǝ̀ ɓǝli a Betalami, la mǝnana Dauda dukam ngga.”

Amǝ Afisu 1:22

Ɓakuli nyesǝ koya gir ka aɓata rǝcandǝa mala Kǝrǝsti, sǝ tsǝk Kǝrǝsti amur girbunda kat, ace ɓoaro mala ikǝlisiya, yia amǝkpate.

Amǝ Kolosi 1:18

Kǝrǝsti ɗǝm ngga nda múr amǝkpate, yia amǝnana à nda ka nggūrǝi ka. Yì ka, nda tǝr bǝsa yilǝmu mala amǝkpate. Yì nda mǝdǝmbǝa loapi ɓembe, ace mǝnana aɓa ko man kat ka ɓe do nda mǝnana a dǝmbǝa amur agir kat ka.

Amǝ Ibǝru 7:14

Puro mala Mǝtala sǝm a tau mala Yahuda ka, gbara arǝ kǝgir ɗang. Sǝ Musa ka, kǝ cau pur a kuni ama tau mala Yahuda ka, apǝris nǝ̀ pur kam ɗang.

Sǝna 11:15

Pǝlǝa tongno-nong-ɓaria mǝturonjar twang njawe male, kara agiu lo kǝrkǝr a kuli à kǝ na ama, “Agara-murǝm mala ɓanza man ngga à nyarǝna aɓa bu Mǝtala sǝm andǝ ɓa bu Kǝrǝsti male. Sǝ domurǝm male ka masǝlǝate pà kàm ɗang!”

Sǝna 2:27

“Nǝ̀ yalia nǝ gara bolo; sǝ aɓwana mǝnana à ɓinǝcau ka, nǝ̀ arkia, nǝ̀ mesǝkia mwashat-mwashat kǝla mgbakkǝra nkenye.”

Sǝna 7:17

Acemǝnana Mǝgam mana nda a ɓaɓalǝu aban bunomurǝm ngga, nǝ̀ dupia wia yalgir amuria; nǝ̀ kánǝia aban amgbeaɗe mǝnana à pākiyi mur yilǝmu ka. Sǝ Ɓakuli ka nǝ̀ esǝkia wia mǝrǝm kat a mǝsǝia.”