Matiu 2:11 - Maləmce Məfele mala Ɓakuli: Kurcau Məbəshe

¹¹ À nǝ̀ kutio a ɓala ka, à sǝn muna andǝ ngge Maryamu, sǝ à ɓun a ɓadǝmbǝi, à peri. Pǝlǝa à panzǝki agǝna malea sǝ à pe wi aɓoro zǝnariya, andǝ lubban andǝ mǝr.

Matiu 2:11 ပူးပေါင်းရင်းမြစ်များ

Matiu 1:18

Ani sǝ ɓǝl Yesu Kǝrǝsti pa. Ngge, yì Maryamu ka Yisǝfu pur amuri nǝ̀ ali. Maryamu ka malaká yiu a ɓala mala Yisǝfu peatu ɗang, sǝ muna kpa a bumi nǝ kanì mala Bangŋo Mǝfele.

Matiu 12:46

Yesu na mur banggi ɓwabunda cau sǝ ngge andǝ amǝ'eambǝi yiu à yì came a nza. À kǝ earce ama à nǝ̀ bang cau nǝi.

Matiu 14:33

Aɓwana mǝnana aɓa waru ka à peri abani, à na ama, “Ɓafo, à nda Muna mala Ɓakuli.”

Matiu 2:10

Banɓoaria wia kǝrkǝr arǝ sǝn mǝnia yì nlero ka.

Matiu 2:2

à yì ɗiban ama, “Murǝm mala amǝ Yahudi mǝnana à loa ɓǝle ka, nda ake? Sǝm sǝn nlero mala ɓǝle a takuli, nda sǝm yiua peri abani ka.”

Luka 2:16

Pǝlǝa à lo a kaurǝa à kya kum Maryamu andǝ Yisǝfu sǝ bangna-muna aban nongŋo aɓa kpamgbang-girlina mala agirkusǝu.

Luka 2:38

Yiu yi karǝ nǝ mǝnia yì gir ka, pǝlǝa kutia pakki Ɓakuli yàwá andǝ bangcau amur muna aban aɓwana mǝnana à kǝ kundǝ akmúrú mala Urǝshalima ka.

Yohana 19:39

Nikodimus, ɓwabura mǝnana ɗiɗyal yiu aban Yesu nǝ du ka, wari ata Yisǝfu. Yiu nǝ muru mǝ'rǝmɓoarne, a bui, ace hasǝi lú. Muruì ka à pe nǝ myang nggun mǝr mana à zurǝì andǝ muku nggun-alus ka. Dǝmbǝrya male na kǝla dǝmbǝrya mala mǝssa tasau lumi-tārú.

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”

Sǝna 5:8

Lang angŋǝna malǝmce nî ka, agiryilǝmu mǝno ine andǝ aɓwana-mǝgule lumi-ɓari-nong-ine ka, à sarǝa a nzali a ɓadǝm Mǝgam. Koyana atea ka ndanǝ zangŋan, sǝ à bwal atasau zǝnariya a buia mǝnana à lumsǝia nǝ mukugir ace loasǝ yele mǝ'rǝmɓoarne ka; yì mukugir mala loasǝ yele mǝ'rǝmɓoarne ka nda ahiwi mala aɓwana mala Ɓakuli.