Matiu 19:9 - Maləmce Məfele mala Ɓakuli: Kurcau Məbəshe

⁹ Sǝ ǝn nggǝ na wun ama, ko yana mǝnana pǝr mami sǝ pa ace nongnǝban a nza nǝ doɓala raka, sǝ kya al ɓe ɓwama ka, nda arǝ pak cauɓikea mala nongnǝban a nza nǝ doɓala.”

Matiu 19:9 ပူးပေါင်းရင်းမြစ်များ

Matiu 19:10

Alaggana male pǝlǝa à ne wi ama, “Ɓǝ̀ ce na anggo a nre ɓwabura andǝ mɓwama ka, kǝpǝna ɓǝ̀ ɓwa ɓǝ̀ kǝa al-nɓwama ɗang.”

Matiu 19:8

Yesu pǝlǝia wia ama, “Musa eare ɓǝ̀ wu pǝr amālá wun ace ɓamurcandǝa ma'wun. Sǝ a share ɓanza ka, gir nî pa anggo ɗang.

Matiu 5:32

Sǝ mim ngga ǝn nggǝ na wun ama ɓwa mǝnana pǝr mami, sǝ pa ace cauɓikea mala nongnǝban a nza nǝ́ doɓala raka, ndarǝ tsǝie aɓa cauɓikea mala mǝ'nongginǝban nǝ aɓea aburana a nza nǝ́ doɓala. Sǝ ɓwa mǝnana al mǝnia yì ɓwama mǝnana burri pǝri ka, ndarǝ pak cauɓikea mala nongnǝ mālá ɓeɓwa.

Luka 16:18

Ɓwa mǝnana pǝr mami sǝ al ɓe ka nda rǝ pak cauɓikea nongnǝban a nza nǝ doɓala, sǝ ɓwa mǝnana al mɓwama mana à pǝri ka nda rǝ pak cauɓikea nongnǝban a nza nǝ doɓala.

1 Amǝ Korinti 5:1

À bangŋǝnam ce ama mǝsǝcau kìɗìkì mala nonggi nǝ rǝarǝu na kam aɓalǝ wun, ulang mǝnana ko aɓwana mǝnana à surǝ Yesu Kǝrǝsti raka, à kǝ pak ulang gir nî ɗang, mǝnana à bangŋa ama ɓeɓwa na aɓalǝ wun kǝ nong nǝ mālá tarrí ka!

1 Amǝ Korinti 7:39

Mɓwama ka, nda ɓata kùrban mala nzongcau mala doɓala, ɓǝ̀ burri nanǝ yilǝmu piu ka. Sǝ ɓǝ̀ burri pak lú ka, yì ka, nǝ̀ gandǝ al ɓe ɓwabura mǝnana kat earkiyice ka. Sǝ dumǝna púp, ɓwa mǝnana kat nǝ̀ eare nǝ̀ ali ka, nǝ̀ do ama mǝkwaɗi na.

1 Amǝ Korinti 7:4

Sǝ mɓwama a dyan ngga, yì nda mǝtala nggūrǝì ɗang, burri na. Sǝ ɓwabura gbal ka, rǝì ka male na ɗang, mala mami na.