Matiu 19:7 - Maləmce Məfele mala Ɓakuli: Kurcau Məbəshe

⁷ Pǝlǝa à ɗi ama, “Ɓǝ̀ nda anggo ka, mana tsǝa sǝ Musa bangŋa ama ɓwabura nǝ̀ gandǝ pe mami takada gau doɓala sǝ nǝ̀ pǝri ɓǝ̀ o?”

Matiu 19:7 ပူးပေါင်းရင်းမြစ်များ

Matiu 1:19

Burri Yisǝfu, acemǝnana yì ka, ɓwa mǝɓoarne na ka, eare ama nǝ̀ pe wi kirsakya a mǝsǝ aɓwana ɗang. Yì ka, pak ɗenyicau ama à nǝ̀ gau aɓa sǝmbǝrǝa.

Matiu 19:6

Lǝmndǝ ama yia ka à pa ɓari ɗǝm ɗang, à nda mwashat. Ace mani ka aɓwana mana Ɓakuli kpapinia ka kǝɓwa ɓǝ̀ kǝa gauwia ɗang.”

Matiu 19:8

Yesu pǝlǝia wia ama, “Musa eare ɓǝ̀ wu pǝr amālá wun ace ɓamurcandǝa ma'wun. Sǝ a share ɓanza ka, gir nî pa anggo ɗang.

Matiu 5:31

Ɗǝm ngga à bangŋa ama, “Ɓǝ̀ ɓwa nǝ̀ gau andǝ mami ka, dumǝna púp nǝ̀ pe wi takada gauwa.”

Markus 10:4

À eare ama, “Musa eare ama, ɓǝ̀ ɓwa ɓǝ̀ gilǝî mɓwama takada gau doɓala, sǝ ɓǝ̀ tasǝ takwari ɓǝ̀ o.”