Matiu 19:29 - Maləmce Məfele mala Ɓakuli: Kurcau Məbəshe

²⁹ Sǝ ɓwa mǝnana kat nying ɓala ko amǝ'eambǝu andǝ amǝnggaula, ko tarrû, ko nggeau, ko amuna, ko anzali, ace lullǝam ngga, nǝ̀ kumia kusǝ gbǝman. Sǝ nǝ̀ kum yilǝmu mǝnana málá male pà kàm raka.

Matiu 19:29 ပူးပေါင်းရင်းမြစ်များ

Matiu 10:22

Aɓwana kat à nǝ̀ ɓinǝmǝsǝ wun acem; sǝ ɓwa mǝnana cam kàngkàng aban ká masǝlǝate ka nǝ̀ auwa.

Matiu 13:23

Sǝ mǝnana kpa amur nzali mǝɓoarne ka cam a kun ɓwa mana ok cau mala Ɓakuli sǝ kpaki wi ka. A bui mǝnia ka pa ɓǝle gbǝman, a ɓe bui ka pa ɓǝle lumi-tongno-nong-mwashat, sǝ a ɓe ka lumi-tārú.

Matiu 13:8

Aɓea mǝsǝɓeale kpa amur nzali mǝɓoarne, à yì ɓǝl pas à kuti mǝsǝɓeale kusǝ gbǝman, aɓea ka kusǝ lumi-tongno-nong-mwashat, sǝ aɓea ka kusǝ lumi-tārú.

Matiu 16:25

Ɓwa mana kat kǝ sǝni nǝ̀ amsǝ yilǝmi ka nǝ̀ ngga ɗwanyi banì, sǝ ɓwa mǝnana kǝ turta yilǝmi acem ngga, nǝ̀ ngga kumi.

Matiu 19:16

Ɓe ɓwa yiu aban Yesu sǝ ɗi ama, “Malǝm, ya gir mǝɓoarne na mǝ nǝ pa sǝ mǝ kum yilǝmu mǝnana málá male pà kàm raka?”

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Matiu 25:46

Pǝlǝa amǝnia ka à nǝ̀ tasǝia ɓǝa kutio aɓa tanni mana málá male pà kàm raka, sǝ amǝ'cauɓoarna ka à nǝ̀ kutia ɓa yilǝmu mana masǝlǝate pà kàm raka.

Matiu 5:11

Wu ndanǝ tsǝkbu mala Ɓakuli yi mǝnana aɓwana kǝ sang wun, à kǝ pa wun tanni, à kǝ tsǝka wun acau ɗàngɗáng aɓa nyir, acemǝnana wu ndaka amǝkpatam ngga.

Matiu 6:33

Wu tsǝk alta Domurǝm mala Ɓakuli andǝ pakki agir mǝnana earkiyice ka a dǝmbǝa, sǝ amǝnia yì agir kat ka à nǝ̀ pa wun nia.

Luka 14:26

Ɓwa mǝnana kat kǝ earce kpatam, sǝ ginǝ tarrí andǝ ngge, andǝ mami, andǝ amuni, andǝ amǝ'eambǝi aburana andǝ amamǝna raka, pà nǝ̀ gandǝ duk mǝkpatam ɗang. E, ɓwa pà nǝ̀ duk mǝkpatam ɗang ɓǝ̀ ɓwe ginǝ ce nggearǝ yilǝmi acem raka.

Luka 5:11

Pǝlǝa à yì kpashi awaru a nza, sǝ à nying koya gir ka, à o ata Yesu.

Luka 6:22

Wu ndanǝ tsǝkbu mala Ɓakuli, wun mana ɓwapǝndǝa kǝ ɓinǝ mǝsǝ wun, à kǝ tar wun kǝla amǝɓane, à kǝ sanggi wun, à kǝ tunǝa wun ɓealɓikea, ata cau mem ngga!

Yohana 15:19

Ɓǝ̀ wu ndaka mala ɓanza ka, ɓanza nǝ̀ earce wun kǝla amale. Sǝ ado ka wu ndaka mala ɓanza ɗang. Acemǝnana ǝn tarki wun ɓǝ̀ wu puri ɓa ɓanza ka, nda tsǝa sǝ ɓanza kǝ ɓinǝmǝsǝ wun ngga.

Yohana 4:36

Ɓwa mǝnana nda ban pwan girɓaban ngga, Ɓakuli na arǝ pe wi tangnakusǝi, sǝ ndarǝ pwan girɓaban mala yilǝmu mǝnana pà nǝ̀ te mal raka; ace mani ka mǝ ɓeale andǝ mǝ pwan girɓaban ngga ban nǝ ɓoaria wia a tarǝia.

Amǝ Mishan 9:16

Mǝ nǝ lǝmndǝì wi agir mǝnana nǝ̀ tanni a rǝia kat ace lullǝam ngga.”

1 Amǝ Korinti 2:9

Kǝla mǝnana Malǝmce bang ngga, “Kǝ mǝsǝu malaká sǝn ɗang, kiru malaká ok ɗang, yale malaká kutio aɓa ɗenyicau mala kǝɓwa ɗang, gir mǝnana Ɓakuli gilǝkini ace aɓwana mǝnana à kǝ earce ka.”

2 Amǝ Korinti 5:16

Ace mani ka, twal adyan aban ká dǝmbǝa ka, sǝm nggǝ sǝn ɓwapǝndǝa ɗǝm nǝ sǝne mala ɓanza aɓa nggurǝu ɗang. Kat andǝ amani ama ɗiɗyal ka, sǝm twal Kǝrǝsti aɓa sǝne mala nggūrǝu ka, adyan ngga, anggo sǝ sǝm twali ɗang.

Amǝ Filipi 3:8

Sǝ kǝgir pà kàm à nǝ̀ kani arǝ surǝ Kǝrǝsti Yesu Mǝtalem ɗang. Ən nying girbunda kat ace cau male. Ən sukkinia, ǝn twalia à pà a kun kǝgir ɗang, ace mǝnana ɓǝ̀ ǝn kum Kǝrǝsti,

1 Bitǝrus 4:14

Ɓǝ̀ aɓwana kǝ sang wun acemǝnana wu nda ka amǝkpata Kǝrǝsti ka, tsǝkbu na amur wun, acemǝnana Bangŋo mala gulo andǝ mala Ɓakuli sulǝna amur wun.

3 Yohana 1:7

Acemǝnana gya malea ka, nda àkǝ̀ ce turo mala Kǝrǝsti, sǝ yia ka à kǝ ak kǝgir a bu aɓwana mǝnana amǝkwaɗi na raka ɗang.