Matiu 19:23 - Maləmce Məfele mala Ɓakuli: Kurcau Məbəshe

²³ Pǝlǝa Yesu ne alaggana male ama, “Ən nggǝ na wun mǝsǝcau, ndanǝ kwano ɓǝ̀ mǝkume ɓǝ̀ pa ɓamuri ɓǝ̀ kutio a Domurǝm mala kuli.

Matiu 19:23 ပူးပေါင်းရင်းမြစ်များ

Matiu 13:22

Mǝnana kpa aɓalǝ azwe ka nda cam a kun ɓwa mana kǝ ok ce, sǝ bumpina arǝ alta agir mala ɓanza mǝnia andǝ swarkiban mala kume à yì marǝki sǝ à tsǝi pusǝ ɓǝle ɗang.

Matiu 18:3

Sǝ na ama: Mǝsǝcau, ǝn nggǝ bangga wun, ɓǝ̀ wu nggaɗya wu do kǝla amuna mǝkeke raka, pa wu nǝ̀ kuti a Domurǝm mala kuli ɗang.

Matiu 19:22

Lang lagga ok cau mǝnia ka, nyare o nǝ bumkiɗikea, acemǝnana yì ka, mǝkume na kǝrkǝr.

Matiu 21:31

“Aɓalǝ amuna mǝnia ɓari ka yana pak gir mǝnana tarrí earce ka?” Pǝlǝa à eari Yesu ama mǝdǝmbǝa na. Yesu pǝlǝa nea wia ama: Ən nggǝ bangga wun mǝsǝcau, amǝ'aki aboalo-cemi aɓa ɓǝmbǝriban andǝ aman-gung à nǝ̀ aka wun dǝmbǝa kutio a Domurǝm mala Ɓakuli.

Matiu 5:20

Ən nggǝ na wun ama ɓǝ̀ ɓealɓoarna ma'wun kuti mala amǝ Farisi andǝ amǝkani Nggurcau mala Musa raka, wu pa wu nǝ̀ kum kutio aɓa Domurǝm mala kuli ɗang ko bǝti.

Markus 10:23

Yesu pǝlǝ rǝì sǝnban, pǝlǝa ne alaggana male ama, “Amǝkume ka, nǝ kwanbia wia sǝ à nǝ̀ kutio a domurǝm mala Ɓakuli!”

Luka 18:24

Yesu sǝni kyap-kyap, sǝ na ama, “Nǝ̀ kwano sǝ mǝgǝna nǝ̀ kutio a Domurǝm mala Ɓakuli!

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Yohana 3:5

Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

1 Amǝ Korinti 1:26

Wun amǝ'eambǝam, wu ɗenyi nǝ do ma'wun mǝnana wu duk ɗiɗyal sǝ Ɓakuli yi tunǝ wun ngga. Pas aɓalǝ wun ngga à pànǝ sǝlǝe mala ɓanza ɗang; pas aɓalǝ wun ngga à pànǝ gulo mala ɓanza ɗang; pas amǝ tau-murǝm na ɗang.

Jemis 2:6

Sǝ wun ngga wu twal amǝtǝr a kun kǝgir ɗang. Nggearǝì ka amǝkume na mǝnana à pakiyia wun tanni, à nunggiyi wun aban ká a ndaɓashi ka re?