Matiu 19:21 - Maləmce Məfele mala Ɓakuli: Kurcau Məbəshe

²¹ Yesu nyesǝi wi ama, “Ɓǝ̀ a nǝ lumsǝ nǝ cauɓoarna ka, o kya makki agirkuma mo, boale ka pe amǝtǝr, a nǝ kum gǝna a kuli. Sǝ wu yiu wu yi kpatam.”

Matiu 19:21 ပူးပေါင်းရင်းမြစ်များ

Matiu 16:24

Pǝlǝa Yesu banggi alaggana male ama: Ɓwa mǝnana kat earce ama nǝ̀ yiu atam nǝ̀ duk mǝkpatam ngga, dumǝna púp nǝ̀ nying ɗenyicau ɓamuri, nǝ̀ twal nggun-gangndi male sǝ nǝ̀ kpatam.

Matiu 19:20

Lagga mǝno ne wi ama, “Ən kpana ta anzongcau mǝnia kat. Mana ueo ɗǝm?”

Matiu 19:22

Lang lagga ok cau mǝnia ka, nyare o nǝ bumkiɗikea, acemǝnana yì ka, mǝkume na kǝrkǝr.

Matiu 19:28

Yesu nea wia ama: Ən nggǝ na wun mǝsǝcau, a pwari mana bǝsa ɓanza nǝ̀ yiu ka, Muna mala Ɓwa nǝ̀ do a bunomurǝm mǝɓoarɓwe male. Sǝ wun mǝnana wu kǝ kpatam ngga, wu nǝ̀ do amur abuno-murǝm lum-nong-ɓari gbal. Wu nǝ̀ pakki atau mala amǝ Isǝrayila lum-nong-ɓari ɓashi.

Matiu 4:19

Yesu nea wia ama, “Wu yiu a tam, mǝ nǝ tsǝk wun, wu nǝ̀ pǝlǝ amǝ oari aɓwana acem.”

Matiu 5:48

Ace mǝno ka wu lumsǝ nǝ cauɓoarna kǝla mǝnana Tar wun mana a kuli ka lumsǝ nǝ cauɓoarna ka.

Matiu 8:22

Sǝ Yesu ne wi ama, “Nying alú ɓǝa tsǝk alú malea, sǝ we ka kpatam.”

Matiu 9:9

Yesu puro nǝ̀ kuti ka yi sǝn ɓeɓwa mana à tunǝki ama Matiu mǝ'ak boalo-cemi, aban do aɓa tara ak boalo-cemi. Yesu ne wi ama, “Yiu a tam.” Kara lo o ata Yesu.

Markus 10:21

Yesu sǝni sǝnban earcearǝu, pǝlǝa ne wi ama, “Gir mwashat sǝ a ɗwanyi, o, kya mak girkuma mo kat, sǝ wu gaki amǝtǝr boale, a nǝ kum gǝna a kuli. Sǝ wu yiu wu yi kpa atam.”

Markus 2:14

Nda ban kutio ka, mǝsǝì kpa arǝ Lawi, muna mala Alfiyus, dumǝna aban ak boalo-cemi, aɓa mǝdanki cemi. Yesu ne wi ama, “Yiu atam.” Pǝlǝa Lawi lo o ate.

Markus 8:34

Pǝlǝa tunǝ ɓwabunda, andǝ alaggana male, nea wia ama: Ɓǝ̀ ɓwa twal ama nǝ̀ duk mǝkpatam ngga, dumǝna púp ɓwe nǝ̀ nying kpata agir mala ɓamuri. Ɓwe nǝ̀ twal takusǝam aɓa gandǝrǝu mala nutanni andǝ lú ulang mem amur nggun-gangndi, sǝ nǝ̀ yiu atam arǝ aban kat mǝnana mǝ nǝ ká akàm ngga.

Luka 12:33

Wu makki agirkuma ma'wun, wu pe amǝtǝr boale. Wu kumbi ɓamur rǝ wun andaboalo mǝnana à kǝ sanggi raka, sǝ wu tsǝk kume ma'wun a kuli aban mǝnana pà nǝ̀ amsǝa, sǝ amǝn'i pa nǝ̀ gbashì, ko tatǝmdi nǝ̀ kiɗiki raka.

Luka 14:33

Anggo gbal ɓǝ̀ koyan aɓalǝ wun sǝ nying girbunda male kat raka, pà nǝ̀ gandǝ duk mǝkpatam ɗang.

Luka 16:9

Yesu lidǝmbǝa nǝ cau ama: Ən nggǝ bangga wun, wu pak turo nǝ gǝna mala ɓanza, wu bwal agyajam nǝi, ace mǝnana ɓǝ̀ gǝne umna ka, Ɓakuli nǝ̀ ak wun gbal arǝ aɓala mǝnana à pà nǝ̀ kiɗiki raka.

Luka 18:22

Lang Yesu ok mǝnia ka, ne wi ama, “Ɓe gir mwashat na a ɗwanyi ka. Maki agir mǝnana kat a ndanǝia ka, gaki amǝtǝr, a wu nǝ kum gǝna a kuli, sǝ wu yiu, wu yi kpatam.”

Luka 5:27

Anzǝm man ngga Yesu puro pǝlǝa sǝn mǝ'ak boalo-cemi, lullǝi ama Lawi, dumǝna aɓa mǝdanki cemi. Yesu ne wi ama, “Lo, yiu a tam.”

Luka 6:40

Mǝ'eaulǝki gir ka kuti malǝm male ɗang. Sǝ ɓwa mǝnana à kanǝnì wi gir pepè ka, nǝ̀ pa kǝla malǝm male.

Luka 9:23

Pǝlǝa nea aɓwana kat ama, “Ɓwa mǝnana kat kǝ earce yiu atam ngga, nǝ̀ ɓinǝ ɓamurì, nǝ̀ twal nggun-gangndi male ko aya pwari ka nǝ̀ kpatam.

Yohana 10:27

Anzur mem kǝ ok giem; ǝn surǝia, sǝ à kǝ kpatam.

Yohana 12:26

Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.

Amǝ Mishan 2:45

À makki agirkuma andǝ agǝna malea, sǝ à pe koya ɓwa nani ka gir mǝnana karǝ arǝ tǝle male ka.

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.