Ən nggǝ na wun mǝsǝcau, kǝ muna-cau pà kàm, sǝ ɓe kǝgir bǝti pà kàm aɓa Nggurcau mala Musa mǝnana à nǝ̀ pusǝì ka ɗang, she ɓǝ̀ kuli andǝ nzali ka tea malǝna ka.
Ən nggǝ na wun ama ɓǝ̀ ɓealɓoarna ma'wun kuti mala amǝ Farisi andǝ amǝkani Nggurcau mala Musa raka, wu pa wu nǝ̀ kum kutio aɓa Domurǝm mala kuli ɗang ko bǝti.
Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.
Ɓǝ̀ wu nǝ̀ pe amǝtǝle ɓoro ka, wu kǝa ham nǝ ce, kǝla pě mala amǝ'kunɓarina aɓalǝ andakpapi mala amǝ Yahudi andǝ mur anjarɓala ka ɗang. À kǝ pa anggo ace mǝnana ɓǝ̀ aɓwana sǝn aturo-ɓoarna malea ɓǝa ɓwangsǝia. Ən nggǝ bangga wun mǝsǝcau, à angŋǝna tangnakusǝia cikcik.
Ɓǝ̀ wu nǝ̀ pak hiwi ka, wu kǝa pe a pě mala amǝ'kunɓarina ɗang, mǝnana à kǝ earce camnggi aɓalǝ andakpapi andǝ agauwata anjarɓala sǝ à nǝ̀ pak hiwi, ace mǝnana ɓǝ̀ aɓwana sǝnia ka. Ən nggǝ bangga wun mǝsǝcau à angŋǝna dǝmbǝa à kumǝna tangnakusǝia.
Acemǝnana, “Ɓǝ̀ mala sǝnban nǝ mǝsǝu na ka, à nǝ̀ sǝna, sǝ à pà nǝ̀ bwalte ɗang. Ɓǝ̀ okban na nǝ kiru ka, à nǝ̀ o, sǝ à pà nǝ̀ surǝì ɗang. Ɓǝ̀ ana raka à nǝ̀ nyare abanam sǝ à nǝ̀ twalia wia banì!”
À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”
acemǝnana ɓabum mǝnia yì aɓwana ka à candǝkina, sǝ yia ka à girkina akiria sǝ à kùmsǝkina amǝsǝia. Ɓǝ̀ a na raka, amǝsǝia nǝ̀ sǝn ban, akiria nǝ̀ ok ban, ɓabumia nǝ̀ kum sǝlǝe, sǝ à nǝ̀ nyare a banam, sǝ mǝ nǝ nyesǝia a bancame mǝɓoarne malea.”