Matiu 18:10 - Maləmce Məfele mala Ɓakuli: Kurcau Məbəshe

¹⁰ Wu tsǝk kir wun, wu kǝa burice mwashat ata amuna mǝkeke mǝnia ka ɗang. Ən nggǝ na wun mǝsǝcau amǝturonjar malea a koya pwari ka à nda a ɓadǝm Tárram mǝnana a kuli ka.

Matiu 18:10 ပူးပေါင်းရင်းမြစ်များ

Matiu 1:20

Lang nda mur mǝnia yì ɗenyicau ka, mǝturonjar mala Mǝtalabangŋo yi pusǝrǝi abani a lorǝo. Mǝturonjar banggi wi ama, “Yisǝfu Mǝkà Dauda, ɓangciu ɓǝ̀ kǝa pakko arǝ twal Maryamu ɓǝ̀ duk mamo ɗang. Acemǝnana muna mana a bumi ka pě mala Bangŋo Mǝfele na.

Matiu 12:20

Yì ka, nda ɓukɓuk aban aɓwana mǝnana à pànǝ rǝcandǝa raka, sǝ nǝ̀ sǝn mǝsǝswatǝr mala aɓwana mǝnana à nda ɓa tanni ka, nǝ̀ bwalia wia kam. Nǝ̀ lidǝmbǝa nǝ pa rǝcandǝa arǝ pe anggo she ɓǝ̀ tsǝngŋǝna kpata mǝsǝcau lina murǝm ngga.

Matiu 18:14

Anggo gbal sǝ Tar wun mǝnana a kuli ka eare ama ɓǝ̀ mwashat ata amǝkeke mǝnia ka ɓǝ̀ ɓwàr raka.

Matiu 18:6

Ɓǝ̀ kǝɓwa tsǝk mwashat ata amuna mǝkeke mǝnia mǝnana à earnǝ mim sǝ pak cauɓikea ka, kǝpǝna ɓǝa ɗurri ɓwe taligo a meali sǝ ɓǝa turi aɓa nggeamur mǝlime.

Matiu 2:13

Lang amǝ'sǝle amur anlero umna ka, mǝturonjar mala Mǝtalabangŋo pusǝrǝi aban Yisǝfu a lorǝo sǝ banggi wi ama, “Lo twal muna andǝ ngge wu ɓangŋa wu o a nzali Masar. Wu duk kano she ɓǝn bangŋǝno ama wu nyar ka, acemǝnana Hirǝdus na nǝ̀ ngga alta muna ama nǝ̀ wali.”

Matiu 2:19

A nzǝm lú mala Hirǝdus ka, mǝturonjar mala Mǝtalabangŋo pusǝrǝi aban Yisǝfu a lorǝo a nzali Masar.

Matiu 24:31

Sǝ nǝ̀ tasǝ amǝturonjar male nǝ tunǝban gi njawe mǝgule, à nǝ̀ dapikia aɓwana male mǝnana à tarkia ka arǝ aban kat aɓa ɓanza.

Luka 1:19

Mǝturonjar eari wi ama, “Mǝ nda Jibǝrayilu mǝnana camnggiyi a ɓadǝm Ɓakuli ka. Ɓakuli tasǝam ɓǝ̀ ǝn yi banggo mǝnia yì cau mǝɓoarne ka.

Luka 10:16

Wun amǝ kpatam, ɓwa mǝnana kwaki kiri arǝ wun ngga, nda ban kwaki kiri a rǝam, ɓwa mǝnana ginǝ wun ngga, ginǝnam, sǝ ɓwa mǝnana ginǝam ngga, ginǝna Tárram mǝnana tasǝam ngga.

Luka 16:22

A masǝlǝate ka mǝtǝr man yi wú, amǝturonjar mala Ɓakuli yi twali à um nǝi aban Ibǝrayim. Mǝkume gbal ka wú pǝlǝa à tsǝkbani.

Amǝ Mishan 10:3

Ɓe kǝ pwari nakam, a bu-pwari tārú mana pwari pǝlǝna ka, sǝni kǝla lorǝo, sǝ lorǝo na ɗang. Sǝn mǝturonjar mala Ɓakuli aban yiu abani, yi ne wi ama, “Karnilus!”

Amǝ Mishan 12:15

À banggi wi ama, “Ɓamuro pǝlǝ nǝ pǝlǝa!” Sǝ lang muna ɓine, cam kingging ama Bitǝrus na ka, nda à na ama, “Ɓǝ̀ nda na ka, mǝturonjar mala Ɓakuli mǝnana yálkiyi ka nda.”

Amǝ Mishan 12:23

Àkǝ̀ banì, mǝturonjar mala Ɓakuli kwak Hirǝdus turi a nzali, acemǝnana twal gulo Ɓakuli ka. Anggwaso li, kara wu.

Amǝ Mishan 27:23

Aɓa bu du mǝnia kuti ka, mǝturonjar mala Ɓakuli mem mǝnana ǝn nggǝ peri abani ka, yiu abanam,

Amǝ Mishan 5:19

Sǝ nǝ dú mǝno ka, mǝturonjar mala Mǝtalabangŋo mǝn a kun ndàkurban, pusǝ amǝ'mishan a nza, sǝ banggia wia ama,

Amǝ Roma 14:10

Sǝ we ado ka, palang sǝ a kǝ ɓashì mǝ'eambǝo? Palang sǝ a kǝ nyesǝ mǝ'eambǝo ɓà? Sǝm kat ka, sǝm nǝ̀ ngga came a ɓadǝm buno ɓashi mala Ɓakuli.

Amǝ Roma 14:21

Nǝ̀ ɓoaribanì wu nying li nyama andǝ nu mùr ɓǝlanggun anap, andǝ koya gir nani kat mǝnana nǝ̀ tsǝk mǝ'eambǝo nǝ̀ kpa aɓa cauɓikea ka.

Amǝ Roma 15:1

Sǝm mǝnana sǝm ndanǝ rǝcandǝa ka, ɓoaro ɓǝ̀ sǝm bwali aɓwana mǝnana à gatti ka, ce sǝm lǝmndǝ earce ɓamuru ɗang.

1 Amǝ Korinti 11:22

Wu pànǝ aɓala mǝnana wu nǝ̀ lili, wu nǝ̀ nu kàm ngga re? Ko wu kǝ earce wu nǝ̀ nyesǝ ikǝlisiya mala Ɓakuli ɓà, sǝ wu nǝ̀ pe amǝtǝr kǝsǝkya? Mana ado mǝ nǝ bangga wun? Wu kǝ earce ama ɓǝ̀ ǝn ɓwangsǝ wun le? Pà mǝ nǝ ɓwangsǝ wun ace mǝnia ka ɗang, ko bǝti!

1 Amǝ Korinti 16:11

Wu kǝa eare ɓǝ̀ kǝɓwa nyesǝi ɓà ɗang. Ɓǝ̀ nǝ̀ nyare aban yiu abanam ngga, wu pusǝbǝri pepe. Mǝ nda aban kundǝmuri andǝ amǝ'eamrǝarǝu.

1 Amǝ Korinti 9:22

Aɓalǝ aɓwana mǝnana à panǝ rǝcandǝa raka, ǝn do kǝla mwashat aɓalǝia, ace mǝnana ɓǝ̀ ǝn nunnia aban Yesu. A masǝlǝate ka ǝn duk koya gir ka aban aɓwana kat, ace mǝnana ɓǝ̀ ǝn amsǝ aɓwana aɓalǝia a koya njar mǝnana nǝ̀ gandǝ pak ka.

2 Amǝ Korinti 10:1

Mim Bulǝs ǝn nggǝ zǝmbǝa wun ace nongsǝmuru andǝ ɓukɓuka mala Kǝrǝsti, ǝn sǝlǝna wu kǝ twali ama, ɓǝ̀ mǝ nda aban wun ngga, ǝn loasǝki kunam ɗang, sǝ ɓǝ̀ mǝ nda zak ka, ǝn nggǝ na wun cau nǝ rǝcandǝa aɓalǝ acautera.

2 Amǝ Korinti 10:10

Acemǝnana aɓea aɓwana kǝ na ama, “Acautera mala Bulǝs dǝmbǝrya sǝ à ndanǝ rǝcandǝa, sǝ ɓǝ̀ nda nǝ ɓamǝsǝi aban sǝm ngga, mǝ'rǝwukea na sǝ aɓa nacau ka sǝlǝ tsǝk acau ɗang.”

Amǝ Galati 6:1

Wun amǝ'eamrǝarǝu, ɓǝ̀ mǝ'eamrǝarǝu na sǝ à kumi aɓa ɓe kǝgir mǝɓane ka, wun mǝnana wu came aɓa Bangŋo ka, wu nyesǝi amur njargula, nǝ ɓealǝu mǝɓukɓuki. Sǝ we ɓwa mǝnana a nǝ pak turo nyesǝban ngga, parkiro ace mǝnana wu kǝa kpa aɓa mǝno yì karǝkiban ɗang.

1 Amǝ Tasalonika 4:8

Ace mani ka, ɓwa mǝnana kat ɓinǝ mǝnia yì kanigir ka, pa aban ɓinǝ nzongcau mala ɓwapǝndǝa ɗang, nzongcau mala Ɓakuli na ɓinǝkiyi ka, yì mǝnana kǝ pa wun Bangŋo Mǝfele male ka.

1 Timoti 4:12

Kǝa eare ɓǝ̀ kǝ ɓwa nyesǝo ɓà, acemǝnana a nda lo-ɓwa ka ɗang. Duk girkani aban amǝkwaɗi aɓa nacau, andǝ domǝɓoarne, andǝ earcearǝu, andǝ paɓamuru, andǝ domǝɓoarnsari mo.

Amǝ Ibǝru 1:14

Nggearǝ amǝturonjar kat ka, abangŋo na mǝnana à pakkiyi turo, à kǝ turia ɓǝa kǝ ɗenyi nǝ aɓwana mǝnana à nǝ̀ kum amsǝban ngga re?

Amǝ Ibǝru 9:24

Pà aɓa ban mǝfele mǝnana bu ɓwapǝndǝa nǝ pè ka sǝ Kǝrǝsti kuti ɗang. Mǝno ka yilǝmi gir mǝɓafoe na. Yì ka, kutio a nggearǝ kuli, ace lǝmndǝ rǝì ado a ɓadǝm Ɓakuli a kúnì sǝm.

Sǝna 8:2

Pǝlǝa ǝn sǝn amǝturonjar tongno-nong-ɓari mǝnana à camnggiyi a ɓadǝm Ɓakuli ka, à pea wia anjawe tongno-nong-ɓari.