Matiu 17:5 - Maləmce Məfele mala Ɓakuli: Kurcau Məbəshe

⁵ Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Matiu 17:5 ပူးပေါင်းရင်းမြစ်များ

Matiu 12:18

“Guro mem mǝnana ǝn tarì ka ndya ka, mǝnana ǝn nggǝ earce sǝ bumam kǝ pwasǝa rǝì ka. Mǝ nǝ tsǝki wi Bangŋo mem amuri, sǝ yì ka nǝ̀ hamnǝ ɓashi mem mǝ'mǝsǝcau nì aban aɓwana a ɓanza ama à nǝ̀ kum amsǝban a buam.

Matiu 17:6

Lang alaggana male ok mǝnia yì giu ka, ǝn'o pakkia wia kǝrkǝr, pǝlǝa à kpa à kumsǝ ɓamǝsǝia a nzali.

Matiu 3:17

Aɓwana ok gi Ɓakuli nacau a kuli ama, “Mǝnia ka nda Munem, mǝnana ǝn earkiyice, mǝnana bumam kǝ pwasǝa rǝì kǝrkǝr ka.”

Markus 1:11

Gi Ɓakuli pur nǝ kuli na ama, “A nda Munem mǝnana ǝn earkiyi ace raka, mǝnana ban kǝ ɓoaram a rǝì ka.”

Markus 9:7

Pǝlǝa pǝrɓang puro yi gir muria. Gi Ɓakuli pur nǝ ɓa pǝrɓang ama, “Mǝnia ka nda Munem mǝnana ǝn earkiyi ace raka. Wu oki wi.”

Luka 3:22

Bangŋo Mǝfele sulǝ amuri nǝ nggunrǝu kǝla kutu. Gi Ɓakuli pur nǝ kuli na ama, “A nda Munem mǝnana ǝn nggǝ earceo ka, ban kǝ ɓoaram a rǝo kǝrkǝr.”

Yohana 3:16

“Ɓakuli ka earce ɓanza kǝrkǝr, sǝ yi pâ kǝ̀ Muna male mwashat ace mǝnana ɓwa mana kat pà ɓamuri abani ka ɓǝ̀ kǝa kiɗiki ɓǝ̀ ueɓà ɗang, ɓǝ̀ kum yilǝmu mǝnana málá male pà kàm raka.

Yohana 3:35

Ɓakuli earce Muni sǝ nyinggi wi girbunda kat a bui.

Yohana 5:37

Sǝ Tárram mǝnana tasǝam ngga náná kunam. Wu malaká ok gi àkǝ̀ pwari ɗang, sǝ wu malaká sǝn ɓamǝsǝi gbal ɗang.

Amǝ Mishan 1:9

Anzǝm mǝnana Yesu naná cau anggo ka, àkǝ̀ mǝsǝia à nda rǝ sǝne, kara à twali aban ká o a kuli. Kya ko aɓa pǝrɓang, à gandǝ sǝne ɗǝm ɗang.

Amǝ Mishan 7:37

Mǝnia ka nda kǝ Musa mǝnana nea amǝ Isǝrayila ama, “Ɓakuli nǝ̀ loasǝ ɓe mǝɓangna male kǝla mim àkǝ̀ ɓalǝ aɓwana ma'wun.”

Amǝ Afisu 1:6

Ace mani ka, sǝm nggǝ ɓwangsǝ Ɓakuli ace ɓwamuru male mǝgule mǝnana soapa sǝm mi amur sǝm, sǝm aɓwana mǝnana sǝm nda ka mala Muni mǝnana earkiyi ace raka.

Amǝ Kolosi 1:13

Acemǝnana amsǝna sǝm aɓata parban mala Shetan, sǝ yina nǝ sǝm aɓa Domurǝm mala Muni mǝnana earkiyi ace raka,

Amǝ Ibǝru 5:9

Lang yi kum lumsǝo nǝ bu mǝno yì njar mala tanni ka, yi duk tǝr amsǝban mǝnana málá male pà kàm raka, ace aɓwana mǝnana à kǝ kwaɗi cau male ka.

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.

Sǝna 14:14

Mǝ nda rǝ sǝnban ngga, ǝn sǝn pǝrɓang mǝpwasǝe yi puro andǝ ɓeɓwa kǝla Muna mala Ɓwa aban do amuri. Ndanǝ jeko zǝnariya amuri sǝ bwal nshiri mǝceauwe a bui.