Matiu 17:3 - Maləmce Məfele mala Ɓakuli: Kurcau Məbəshe

³ Kara Musa andǝ Iliya puro à came, à kǝ na cau nǝ Yesu.

Matiu 17:3 ပူးပေါင်းရင်းမြစ်များ

Matiu 17:2

kara rǝ Yesu twalo nggaɗi a ɓamǝsǝia. Ɓamǝsǝi ta kǝla pwari, agir-nggurǝi pǝlǝ amǝpwasǝe pwapwat.

Matiu 17:4

Pǝlǝa Bitǝrus ne Yesu ama, “Mǝtalabangŋo, ndanǝ ɓoaro mǝnana sǝm ndakani ka. Ɓǝ̀ a nǝ ear ka mǝ nǝ gilǝ agumli tārú; mwashat aceo, mwashat ace Musa sǝ mwashat ace Iliya.”

Markus 9:4

Kara Iliya, andǝ Musa, à pusǝrǝia à kǝ na cau nǝ Yesu.

Luka 1:17

Nǝ̀ aki Mǝtalabangŋo dǝmbǝa, nǝ̀ pak turo aɓa bangŋo andǝ rǝcandǝa, ulang mala Iliya mǝɓangna mala Ɓakuli. Nǝ̀ yinǝ dotarǝu mala atárru andǝ amunia. Nǝ̀ nyesǝ amǝ'mgbikiru ɓǝa kum sǝlǝe mala amǝ ɓealɓoarna, ace tsǝk aɓwana ɓǝa gilǝki rǝia ace yiu mala Mǝtalabangŋo.

Luka 16:16

Nggurcau mala Musa andǝ amalǝmce mala amǝ'ɓangna mala Ɓakuli ka à nǝ̀ bwalkiyia wun gara ba yiu mala Yohana Mǝbatisǝma. Lo arǝ abaku mǝno ka sǝ à camarǝ hamnǝ cau Mǝɓoarne mala Domurǝm mala Ɓakuli, sǝ ko yan ngga kǝ ɓariki kǝrkǝr nǝ kutio kam.

Luka 24:27

Pǝlǝa tite nǝ Nggurcau mala Musa andǝ Kanigir mala amǝ'ɓangna mala Ɓakuli kat, bǝlkia wia ɓalǝ acau mǝnana à gilǝia aɓalǝ Amalǝmce amuri ka.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Luka 9:33

Lang amǝnia yì aɓwana na ban nying Yesu à nǝ̀ o ka, Bitǝrus pǝlǝa ne wi ama, “Ɓwamǝgule, ndanǝ ɓoaro mǝnana sǝm nda kani ka. Sǝm nǝ̀ gilǝ agumli tārú, mwashat ka nda aceo, mwashat ace Musa, sǝ mǝnia mwashat ka nda ace Iliya.” Sǝ yì ka, surǝ cau mǝnana nakiyi ka ɗang.

Yohana 1:17

Ɓakuli pa sǝm Nggurcau nǝ bu Musa, sǝ nǝ bu Yesu Kǝrǝsti sǝ pa sǝm ɓwamuru andǝ mǝsǝcau.