Matiu 17:27 - Maləmce Məfele mala Ɓakuli: Kurcau Məbəshe

²⁷ Sǝ ace mǝnana ɓǝ̀ sǝm ka lul bumia raka, kyane a kun nggeamur kya tur nli. Nji mǝnana a nǝ tita bwale ka, mǝn kuni, a wu nǝ kum boalo kam. Twali kya mbwe na boalo-cemi ma'sǝm nǝi, mem andǝ mo.”

Matiu 17:27 ပူးပေါင်းရင်းမြစ်များ

Matiu 17:26

Bitǝrus eari wi ama, “A bu abǝri.” Pǝlǝa Yesu ne wi ama, “Lǝmndǝ ama amǝtala la ka, à pa aɓa mbwe ɗang.

Matiu 18:6

Ɓǝ̀ kǝɓwa tsǝk mwashat ata amuna mǝkeke mǝnia mǝnana à earnǝ mim sǝ pak cauɓikea ka, kǝpǝna ɓǝa ɗurri ɓwe taligo a meali sǝ ɓǝa turi aɓa nggeamur mǝlime.

Matiu 18:8

Ɓǝ̀ buo ko kusǝo kǝ tsǝo a kǝ pak cauɓikea ka, kasǝi turi. Kǝpǝna wu kuti a yilǝmu nǝ bu-kasǝa ko kusǝu-kasǝa amur mǝnana wu dum nǝ abuo ɓari ko akusǝo ɓari sǝ ɓǝa turo aɓa bǝsa mǝnana pà nǝ̀ linggi raka.

Matiu 5:29

Ɓǝ̀ mǝsǝo mǝli kǝ tsǝo a kǝ pak cauɓikea ka, pusǝì turi. Kǝpǝna wu ɗwanyi ɓe kǝ bareo mwashat amur mǝnana ɓǝa tur nggūrǝo kat aɓa tuli-bǝsa ka.

Matiu 5:30

Sǝ ɓǝ̀ buo mǝli kǝ tsǝo a kǝ pak cauɓikea ka, kasǝi turi. Kǝpǝna wu ɗwanyi ɓe kǝ bareo mwashat amur mǝnana ɓǝa tur nggūrǝo kat aɓa tuli-bǝsa ka.

Markus 9:42

Ɓǝ̀ koyana sǝ tsǝk mwashat aɓalǝ amuna mǝnana à earnǝ mim, sǝ pak cauɓikea ka, nǝ̀ ɓoari ɓǝa ɗurri wi nggea taligo a meali, sǝ ɓǝa turi aɓa nggeamur.

Markus 9:43

Ace mani ka, ɓǝ̀ buo kǝ cio a kǝ pak cauɓikea ka, kasǝi kpat. Nǝ̀ ɓoaribani wu kutio a yilǝmu mana málá male pà kàm raka nǝ bu mwashat, amur mana a nǝ dum nǝ abuo ɓari sǝ à nǝ̀ turo aɓa lu-bǝsa, aban mǝnana bǝsa male kǝ linggi raka.

Luka 17:2

Ɓǝ̀ ɓwa nǝ̀ tsǝk mwashat ata amǝnia yì amuna ɓǝ̀ pak cauɓikea ka, kǝpǝna ɓǝa ɗurri ɓwe taligo a meali sǝ ɓǝa ramte aɓa nggeamur.

Yohana 6:61

Kǝɓwa ne wi ɗang, sǝ Yesu ka sǝlǝna ama alaggana male na aban nggwani amur man yì kanigir ka, pǝlǝa nea wia ama, “Kanigir man tsǝk wun bum wun kiɗiki le?

Amǝ Roma 14:21

Nǝ̀ ɓoaribanì wu nying li nyama andǝ nu mùr ɓǝlanggun anap, andǝ koya gir nani kat mǝnana nǝ̀ tsǝk mǝ'eambǝo nǝ̀ kpa aɓa cauɓikea ka.

1 Amǝ Korinti 8:13

Ace mani ka, ɓǝ̀ girlina mǝnana ǝn nggǝ li ka, nǝ̀ tsǝk mǝ'eambǝam nǝ̀ kpa aɓa cauɓikea ka, pà mǝ nǝ li ulang mǝno yì nyama ɗǝm ɗang, acemǝnana mǝ ngga ci ɓǝ̀ kpa ka ɗang.

1 Amǝ Korinti 8:9

Kat andǝ amani ka, wu tsǝk kir wun, ɓǝ̀ sǝlǝe mala do kum-ɓamuru ma'wun, ɓǝ̀ kǝa tsǝk aɓwana mǝnana à pànǝ rǝcandǝa aɓa paɓamuru malea raka, ɓǝa kpa ɗang.

2 Amǝ Korinti 6:3

Sǝm ngga, sǝm nggǝ dukdo a njar mǝnana ɓǝ̀ sǝm ngga dupi kǝɓwa tǝ́r annda raka, ace mǝnana kǝɓwa ɓǝ̀ kǝa kum mǝɓane aɓa turo mishan ma'sǝm ɗang.

2 Amǝ Korinti 8:9

Wu sǝlǝna nǝ ɓwamuru mala Mǝtala sǝm Yesu Kǝrǝsti; mǝnana kat andǝ amani ama yì ka, mǝkume na ka, yi duk mǝtǝ̀r ace wun, ace mǝnana wun, aɓa dotǝ̀r male ka, ɓǝ̀ wu pǝlǝa amǝkume.

1 Amǝ Tasalonika 5:22

Wu kǝa sungŋo aban gir mǝnana kat pur mǝɓike ka ɗang.

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.