Matiu 17:17 - Maləmce Məfele mala Ɓakuli: Kurcau Məbəshe

¹⁷ Yesu pǝlǝa na ama, “Wun aɓwana mala nza mala kìɗìkì andǝ amǝ'ɗwanyi paɓamuru aban Ɓakuli! Nǝ̀ ngga ká a ya pwari sǝ mǝ nǝ do ata wun sǝ wu nǝ̀ kànì pak ɓe kǝgir? Nǝ̀ ngga ká a ya pwari sǝ mǝ nggǝ twal gandǝrǝu nǝ ɗwanyi earnǝ cau ma'wun a rǝam? Wu yinǝ mune abanam.”

Matiu 17:17 ပူးပေါင်းရင်းမြစ်များ

Matiu 13:58

Pakki agir-ndǝlǝki pas a la male ɗang ace ɗwanyi earnǝɓwa malea.

Matiu 16:8

Yesu yi sǝlǝia wia nǝ cau mǝno à nakiyi ka sǝ ɗia ama, “Palang sǝ wu kǝ na cau arǝarǝ wun amur ɗwanyi bǝredi? Paɓamuru ma'wun kyau fat!

Matiu 17:16

Ən yinǝi aban alaggana mo sǝ à gandǝ twalban kwane ɗang.”

Matiu 17:18

Yesu pǝlǝa sà arǝ kukwar mǝnana arǝ muna ka. Pǝlǝa kukwar puri rǝì. Àkǝ̀ banì rǝ mune mala.

Matiu 6:30

Ɓǝ̀ Ɓakuli kǝ pakki abondo agir-nggurǝu anggo ka, mǝnana à ndakam yalung sǝ li ka à pisǝnia a bǝsa ka, pà nǝ̀ pakka wun agir-nggurǝu mǝnana kuti mǝno ka re? Ma'wun ngga guliarǝu mana wu ndanǝi aban Ɓakuli ka nda ɓiki kyauwe ka!

Matiu 8:26

Sǝ nea wia ama, “Wun ngga, guli ma'wun arǝ Ɓakuli kyau fat. Palang sǝ ɓangciu pakka wun?” Pǝlǝa lo sà arǝ gung andǝ eaki-nkono mala nggeamur. Kara ban pwal atea ɗǝong.

Markus 16:14

Nǝ nzǝmo ka Yesu yi pusǝrǝi aban alaggana man lum-nong-mwashat ka aban li girlina a tarǝia. Pǝlǝa nunkiria ace ɗwanyi earnǝ cau andǝ murcandǝa malea mǝnana à ɓinǝ akcau mala aɓwana mǝnana à sǝni anzǝm loapi ɓembe male ka.

Markus 9:19

Yesu nea wia ama, “Wun amǝ ɗwanyi earnǝ Ɓakuli! Banem nǝ̀ sau lang ata wun sǝ wu nǝ̀ kani earnǝ cau? Banem nǝ̀ sau lang aban twal gandǝa nǝ wun? Wu yinǝam nǝ mune!”

Luka 24:25

Pǝlǝa Yesu nea wia ama, “Wu gǝmi fat, sǝ ɓamur wun dǝmbǝri arǝ bwalta acau mǝnana kat amǝ'ɓangna mala Ɓakuli na ka!

Luka 9:41

Sǝ Yesu pǝlǝia wia ama, “Wun a nza man ngga wu nda wu pak murcandǝa sǝ wu ɗwanyi paɓamuru aban Ɓakuli ka! Banem nǝ̀ sau lang aban do sǝnǝa wun sǝ wu nǝ̀ kànì pak ɓe kǝgir? Nǝ̀ ngga ká a ya pwari sǝ mǝ nǝ nggǝ twal gandǝrǝu nǝ wun?” Pǝlǝa ne ɓwabure ama, “Yinǝ munio kani.”

Yohana 20:27

Pǝlǝa lǝmndǝì Toma abui sǝ ne wi ama, “Sǝn abuam; sǝ wu tsǝk munabuo kani; sarǝ buo ci a rǝ pengye mana a mǝsǝ nkanggariam ngga. Ɗeki ɓabum tuti mo, earnǝ cau!”

Amǝ Mishan 13:18

Twal gandǝrǝu nǝ aɓealǝu malea aɓalǝ apǝlǝa lumi-ine mala gya malea a ɓabondo.

Amǝ Mishan 2:40

Pǝlǝa Bitǝrus banggia wia aɓea acau pas sǝ nunkiria ama, “Wu amsǝ ɓamur rǝ wun aɓa nza mǝɓike mǝnia ka!”

2 Amǝ Korinti 11:1

Ən nggǝ earce nǝma ɓǝ̀ wu twal gandǝa nǝ mim, nǝ ɓwaɓana mem bǝti. Ida, wu twal gandǝa nǝ mim!