Matiu 16:27 - Maləmce Məfele mala Ɓakuli: Kurcau Məbəshe

²⁷ Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 16:27 ပူးပေါင်းရင်းမြစ်များ

Matiu 13:41

Muna mala Ɓwa nǝ̀ tur amǝturonjar male, ɓǝa yi pusǝ koya gir kat mǝnana kǝ yinǝ cauɓikea, andǝ aɓwana kat mǝnana à kǝ pak gir mǝɓane aɓa Domurǝm male ka.

Matiu 13:49

Anggo sǝ nǝ̀ pa a masǝlǝata ɓanza. Amǝturonjar mala Ɓakuli nǝ̀ yiu à nǝ̀ yia pusǝki amǝ'ɓealɓikea aɓalǝ amǝ'ɓealɓoarna

Matiu 24:30

Sǝ anggo ka, gir mǝnana nǝ̀ lǝmndǝ ama Muna mala Ɓwa na kǝ yiu ka nǝ̀ pusǝrǝi a kuli. Ɓwabunda man kat a ɓanza ka nǝ̀ ɓua. À nǝ̀ sǝn Muna mala Ɓwa aban yiu aɓalǝ apǝrɓang a bumkuli, nǝ rǝcandǝa andǝ ɓoarɓwa mǝgule.

Matiu 25:31

A pwari mana Muna mala Ɓwa nǝ̀ yiu aɓa gulo male, andǝ amǝturonjar kat ate ka, nǝ̀ yia do amur bunomurǝm male.

Matiu 26:64

Yesu eare ama, “E, kǝ nda a bang ngga, sǝ ǝn nggǝ bangga wun kat, “ ‘A dǝmbǝa ka wu nǝ̀ sǝn Muna mala Ɓwa dumǝna ata bu-mǝli mala Ɓakuli Mǝtalabangŋo, aban yiu aɓalǝ apǝrɓang a bumkuli.’”

Matiu 8:20

Yesu ne wi ama, “Amǝ'nzǝgban ndanǝ atuli sǝ amuna-nyal mana à kǝ gya kuli ka à ndanǝ andea, sǝ Muna mala Ɓwa ka pànǝ ban mǝnana nǝ̀ nong kam ngga ɗang.”

Markus 14:62

Yesu ear ama, “Mǝ nda! “Sǝ pà nǝ̀ sau ɗang wu nǝ̀ sǝn Muna mala Ɓwa aban do, a buno mala rǝcandǝa, a bu-mǝli mala Ɓakuli, aban yiu aɓalǝ apǝrɓang nǝ kuli.”

Markus 8:38

Wu kǝa pak kǝsǝkyem andǝ cau mem aɓa mǝnia yì ɓanza mǝ ɗwanyi do nǝ mǝsǝcau aban Ɓakuli, andǝ mǝnana lumsǝ nǝ cauɓikea ka ɗang. Ɓǝ̀ kǝɓwa pak kǝsǝkyem ngga, mim Muna mala Ɓwa ka, mǝ nǝ pak kǝsǝkye gbal a pwari mǝnana mǝ nǝ nyar nǝi aɓa ɓoarɓwa mala Tárram, andǝ amǝturonjar mǝfele male ka.

Luka 21:27

Anggo ka à nǝ̀ sǝn Muna Mala Ɓwa aban yiu aɓa pǝrɓang nǝ rǝcandǝa andǝ ɓoarɓwa mǝgule.

Luka 22:69

Twal ado aban ká ka, Muna Mala Ɓwa nǝ̀ do a bu-mǝli mala Ɓakuli mǝnana Karmur gulo kat ka.”

Luka 9:26

Ɓǝ̀ kǝsǝkya kǝ pakki ɓwa a rǝam andǝ cau mem ngga, kǝsǝkya nǝ̀ pakki Muna mala Ɓwa a rǝì, a pwari mǝnana nǝ̀ yiu nǝi, aɓa ɓoarɓwa male andǝ ɓoarɓwa mala Tarrí andǝ mala amǝturonjar mǝfele ka.

Yohana 21:22

Yesu eari wi ama, “Ɓǝ̀ ǝn eare nǝma yì ka, ɓǝ̀ do nǝ yilǝmu ba nyare mem ngga, mana oasǝo a ɓalǝi? We ka, kpatam!”

Yohana 21:23

Kara cau akban aɓalǝ acili amǝkpata Yesu ama mǝnia yì lagga ka, pà nǝ̀ wu ɗang. Sǝ anggo sǝ Yesu na ɗang. Yesu ka bang nǝ bangŋa ama, “Ɓǝ̀ ǝn eare nǝma yì ka, ɓǝ̀ do nǝ yilǝmu ba nyare mem ngga, mana oasǝo?”

Amǝ Mishan 1:11

Sǝ à bangŋa ama, “Wun amǝ Galili, palang sǝ wu cam kani aban sǝnban a kuli? Mǝnia yì Yesu à twali arǝ wun aban ká kuli ka, nǝ̀ ngga nyare kǝla mǝno wu sǝni aban o a kuli ka.”

Amǝ Roma 14:12

Mǝno ka lǝmndǝ ama ko yana ata sǝm ngga, nǝ̀ bǝl kuni nǝ ɓamuri aban Ɓakuli.

Amǝ Roma 2:6

Ɓakuli nǝ̀ ɓashi koyana le ka amur gir mǝnana pak ka.

1 Amǝ Korinti 15:23

Sǝ mǝnia yì loapi ɓembe nǝ yilǝmu ka, nzongŋi nakam, ko yan ngga ndanǝ banì male aɓa tsaɗi atarǝu: Kǝrǝsti nda mǝnana a dǝmbǝa à tita loasǝe ka; sǝ a pwari nyare yiu male ka, nǝ̀ loasǝ aɓwana mǝnana amale na ka.

1 Amǝ Korinti 3:13

turo mala ko ya ɓwa ka nǝ̀ pusǝrǝi, acemǝnana a Pwari mala Kǝrǝsti ka, tea nǝ̀ puro. Bǝsa na nǝ̀ pusǝ tea ka. Sǝ bǝsa na nǝ̀ karǝki koya turo nani ɓwa pè ka.

1 Amǝ Korinti 8:8

Sǝ girlina ka ndá nǝ̀ yinǝ sǝm tu aban Ɓakuli ka ɗang. Kǝgir pà nǝ̀ amsǝa arǝ sǝm ɗang, yi mǝnana ɓǝ̀ sǝm lì raka, sǝ pà sǝm nǝ̀ kum ɓe kǝgir gbal ɗang, yi mǝnana ɓǝ̀ sǝm lì ka.

2 Amǝ Korinti 5:10

Acemǝnana sǝm kat ka, dumǝna púp sǝm nǝ̀ ngga came, sǝ do ma'sǝm nǝ̀ lǝmndǝ kwas, a ɓadǝm buno pak ɓashi mala Kǝrǝsti. Ko yan ata sǝm ngga nǝ̀ kum gir mana kārǝa arǝ gir mǝnana pè aɓa mǝnia yì nggūrǝu a ɓanza ka, ko mǝɓoarne ko mǝɓike.

Amǝ Afisu 6:8

Wu sǝlǝ ama Mǝtalabangŋo nǝ̀ mbwe ko yana le ka tangnakusǝi, ace turo mǝɓoarne mǝnana pak ka, ko a nda guro ko a ndanǝ doɓamuro.

Amǝ Kolosi 3:25

Sǝ ɓǝ̀ wu kǝ pak turo ɓealɓikea ka, à nǝ̀ mbwe wun nǝ tangnakusǝu mǝkwanbanì. Acemǝnana ɓashi mala Ɓakuli aban aɓwana kat mǝ'mwashati na.

1 Amǝ Tasalonika 1:10

Ɗǝm ngga à bang cau mala do kundǝmuru ma'wun arǝ yiu mala Muna mala Ɓakuli nǝ kuli, yì muna male mana loasǝi a ɓembe ka. Nda Yesu mana nda mǝ'amsǝ sǝm a bu tanni mala bumlulla mǝɓike mala Ɓakuli mǝnana kǝ yiu ka.

1 Amǝ Tasalonika 4:16

Acemǝnana Mǝtalabangŋo nǝ ɓamuri ka, nǝ̀ sulǝ nǝ kuli, nǝ giu sàrǝban mǝcande mala gbani mala amǝturonjar, andǝ ɓua mala njawe tunǝban mala Ɓakuli. Sǝ aɓwana mǝnana à wú aɓa Kǝrǝsti ka, à nda à nǝ̀ tita loapi ɓembe nǝ yilǝmu ka.

Jemis 5:7

Wun amǝ'eamrǝarǝu, wu dum nǝ munyi ba pwari mǝnana Yesu Mǝtalabangŋo nǝ̀ yiu nǝi ka. Wu sǝn domunyi mala mǝ'rya mǝnana kǝ pa aban kundǝ mbulo dǝmbǝa andǝ masǝlǝata mbulo ka. Kǝ dum nǝ tsǝkɓalǝu ace agir ɓaban ɓǝa pa ɓǝlea mǝɓoarne.

1 Bitǝrus 1:17

Wu ɗenyi ama, Tárru mǝnana a kuli, wu pakkiyi hiwi abani ka, kǝ lǝmndǝ tarban ɗang. Yì ka, nǝ̀ kasǝi ɓwa ɓashi, ko nǝ̀ pe wi tangnakusǝi mǝnana karǝ arǝ gir mǝnana pè ka. Ace mani ka, wu masǝlǝ do yilǝmu ma'wun kǝla abǝri akani a ɓanza, nǝ ɓanggi Ɓakuli.

1 Yohana 2:28

Sǝ ado ka, wun amunem, wu lidǝmbǝa nǝ do aɓa dotarǝu wunǝa Kǝrǝsti, ace mǝnana nyare male mǝnana nǝ̀ pusǝna rǝì nǝi ka, sǝm nǝ̀ kum mǝsǝkang-kangŋa mala sungŋo a ɓadǝmbǝi, sǝ pa sǝm nǝ̀ kum kǝsǝkya ɗang.

Yahuda 1:14

Sǝ Inok, mǝnana nda tongno-nong-ɓaria kau, twal a ɓǝlban mala Adamu ka, ɓangnǝ-ɓangna amur a'ulang amǝnia yia aɓwana ka. Bangŋa ama: “Wu sǝni, Mǝtalabangŋo nia kǝ yiu andǝ amǝturonjar male amǝfele mǝnana à pà nǝ̀ gandǝ ɓalǝia raka,

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.

Sǝna 20:12

Sǝ Ən sǝn aɓwana mǝnana à wuna ka, ɓwa mǝgule andǝ ɓwa mǝkyauwe, aban came a ɓadǝm bunomurǝm nì. Pǝlǝa à mǝnggi amalǝmce, sǝ à yì mǝn ɓe malǝmce, mǝnia ka nda Malǝmce Yilǝmu. Sǝ aɓwana mǝnana à wuna ka, à pakkia wia ɓashi arǝ agir mǝnana à pak ka, kǝla mǝnana ndakam à gilǝia aɓalǝ amalǝmce mǝno ka.