Matiu 16:24 - Maləmce Məfele mala Ɓakuli: Kurcau Məbəshe

²⁴ Pǝlǝa Yesu banggi alaggana male ama: Ɓwa mǝnana kat earce ama nǝ̀ yiu atam nǝ̀ duk mǝkpatam ngga, dumǝna púp nǝ̀ nying ɗenyicau ɓamuri, nǝ̀ twal nggun-gangndi male sǝ nǝ̀ kpatam.

Matiu 16:24 ပူးပေါင်းရင်းမြစ်များ

Matiu 10:38

Ɓwa mǝnana twal nggun-gangndi male sǝ yiu atam raka, kārǝa nǝ̀ duk mǝkpatam ɗang.

Matiu 27:32

Lang à purni ɓa nggeala ka, à kya je andǝ ɓeɓwa mala nggeala Sayirin, lullǝi ama Shiman. À tsǝi púp ɓǝ̀ aki Yesu twal nggun-gangndi.

Markus 10:21

Yesu sǝni sǝnban earcearǝu, pǝlǝa ne wi ama, “Gir mwashat sǝ a ɗwanyi, o, kya mak girkuma mo kat, sǝ wu gaki amǝtǝr boale, a nǝ kum gǝna a kuli. Sǝ wu yiu wu yi kpa atam.”

Markus 15:21

Ɓe ɓwa Sayirin na ban kutio, lullǝi ama Shiman, tar a Alizanda andǝ Rufus, pur nǝ muna-la aban yiu a nggeala. Asoje ci púp ɓǝ̀ twal nggun-gangndi mala Yesu.

Markus 8:34

Pǝlǝa tunǝ ɓwabunda, andǝ alaggana male, nea wia ama: Ɓǝ̀ ɓwa twal ama nǝ̀ duk mǝkpatam ngga, dumǝna púp ɓwe nǝ̀ nying kpata agir mala ɓamuri. Ɓwe nǝ̀ twal takusǝam aɓa gandǝrǝu mala nutanni andǝ lú ulang mem amur nggun-gangndi, sǝ nǝ̀ yiu atam arǝ aban kat mǝnana mǝ nǝ ká akàm ngga.

Luka 14:27

Sǝ ɓǝ̀ ɓwa twal nggun-gangndi male yiu atam raka, pà nǝ̀ gandǝ duk mǝkpatam ɗang.

Luka 23:26

Lang à nunggina Yesu aban o ka, à kya kum Shiman ɓwa Sayirin, pur nǝ ɓabondo nǝ̀ ká aɓa là. À bwali à parri wi nggun-gangndi a muri, sǝ à ci ɓǝ̀ twali, ɓǝ̀ kpa nǝi ata Yesu.

Yohana 19:17

À tsǝki wi nggun-gangndi mǝnana à nǝ̀ ká gballì amuri ka, a meali, sǝ pur aban ká aban mǝnana à kǝ tunǝi ama “Ban kpouloɓamuru” ka. Nǝ kun Ibǝru ka, à tunǝ banì ama, “Golgota.”

Yohana 21:19

Yesu na anggo ace mǝnana ɓǝ̀ lǝmndǝ ulang njar mǝnana Bitǝrus nǝ̀ wù nǝi ka, mǝnana nǝ̀ gusǝlǝ lullǝ Ɓakuli ka. Pǝlǝa Yesu ne wi ama, “Yiu atam.”

Yohana 21:22

Yesu eari wi ama, “Ɓǝ̀ ǝn eare nǝma yì ka, ɓǝ̀ do nǝ yilǝmu ba nyare mem ngga, mana oasǝo a ɓalǝi? We ka, kpatam!”

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Kolosi 1:24

Sǝ ado ka ban kǝ ɓoaram arǝ tanni mǝnana ǝn nggǝ nu ace wun ngga. Acemǝnana aɓa tanni mem a nggūrǝu ka, mǝ nda ban ɓariki mǝ lumsǝkun gir mǝnana ueo aɓa tanni mala Kǝrǝsti ace nggūrǝi, yì amǝkpate.

1 Amǝ Tasalonika 3:3

Sǝm pa anggo, ace mǝnana ɓǝ̀ ɓeɓwa aɓalǝ wun, ɓǝ̀ kǝa dǝurǝo ata cau mala amǝnia yì atanni ka ɗang. Sǝ wu sǝlǝna ama mǝno ka kàni mala Ɓakuli na ace sǝm.

2 Timoti 3:12

E, sǝ koya ɓwa na ear ama nǝ̀ duk do ɓealɓoarna aɓa Kǝrǝsti Yesu ka, à nǝ̀ pe wi tanni.

1 Bitǝrus 2:21

Nda àkǝ̀ ce mǝnia ka sǝ Ɓakuli tunǝ wun, acemǝnana Kǝrǝsti gbal ka, nu tanni ace wun sǝ nyingga wuni kǝla girkani, ace mǝnana ɓǝ̀ wu twal kusǝì ka.