Matiu 16:21 - Maləmce Məfele mala Ɓakuli: Kurcau Məbəshe

²¹ Twal a pwari mǝno ka Yesu tita mǝnggi alaggana male ɓa cau ama, “Dumǝna púp mǝ nǝ ká a Urǝshalima, mǝ nǝ ká nu tanni kǝrkǝr a bu aɓwana-mǝgule, agbani pǝris andǝ amǝkani nggurcau. À nǝ̀ wal-luem, sǝa ma a tāruia nongŋo ka mǝ nǝ loapi ɓembe nǝ yilǝmu.”

Matiu 16:21 ပူးပေါင်းရင်းမြစ်များ

Matiu 12:40

Kǝla mǝnana Yunana pak pwari tārú andǝ du tārú a bum nggea nji ka, anggo gbal sǝ Muna mala Ɓwa nǝ̀ pak pwari tārú andǝ du tārú aɓa nzali.

Matiu 16:22

Bitǝrus pǝlǝa tunǝi zak sǝ pǝrki nǝ ce a kuni ama, “Pà nǝ̀ pak ɗang, Mǝtalabangŋo. Kǝgir pà nǝ̀ kumo anggo ɗang!”

Matiu 16:28

Ən nggǝ na wun aɓa mǝsǝcau ama, aɓea ɓwana na akani aban came mǝnana à pà nǝ̀ wu ɗang she ɓǝa sǝna yiu mala Muna mala Ɓwa a Domurǝm male ka.

Matiu 17:12

Sǝ ǝn nggǝ na wun ama Iliya ka yina, sǝ à sǝlǝ ama yì na ɗang, sǝ à pangŋǝni wi gir mǝnana bumia earkiyice ka. Anggo gbal sǝ Muna mala Ɓwa nǝ̀ nu tanni a buia.”

Matiu 17:9

Lang à ndaban sulǝi mur nkono ka Yesu kwarkiria ama, “Wu kǝa ne kǝɓwa ce gir mǝnana wu sǝn ngga ɗang she ɓǝa loasǝna Muna mala Ɓwa a ɓembe ka.”

Matiu 20:28

Nda kǝla Muna mala Ɓwa, mǝnana yiu ace dumsǝ aɓwana aguro raka. Yiu ace duk guro sǝ nǝ̀ pa yilǝmi ace amsǝ aɓwana pas.”

Matiu 26:2

“Wu sǝlǝna ama ueo nongŋo ɓari sǝ Lamsan Yalimuru nǝ̀ tite. Aɓalǝ amǝno yia apwari mala Lamsan ngga sǝ ɓeɓwa nǝ̀ ngga mak Muna mala Ɓwa, a bu aɓimǝbura, sǝ à nǝ̀ ngga gballì a nggun-gangndi.”

Matiu 26:47

Nda ɓa na cau piu, Yahuda mǝnana nda aɓalǝ alaggana male man lum-nong-ɓari ka, yi tusǝo. Yiu andǝ aɓwana pas nǝ anggea-byau andǝ agara a buia. Agbani pǝris andǝ aɓwana-mǝgule mala amǝ Yahudi nǝ̀ tasǝia.

Matiu 27:12

Lang agbani pǝris andǝ aɓwana-mǝgule yi banggi acau à tsǝki Yesu a rǝì ka, duk kuni piu.

Matiu 27:63

À ne wi ama, “Ɓwamǝgule, ɓalǝ sǝm kasǝa ama mana mǝno yì mǝswarki aɓwana ndanǝ yilǝmu ka, bangŋa ama a nzǝm nongŋo tārú ka nǝ̀ loapi ɓembe.

Matiu 28:6

Pa akani ɗang; Ɓakuli loasǝni nǝ yilǝmu, kǝla mǝnana bangga wun ngga. Wu yiu wu yi sǝn ban mana nong kam ngga.

Markus 8:31

Pǝlǝa tita banggia wia gir mǝnana nǝ̀ kumi ka. Na ama, “Muna mala Ɓwa ka nǝ̀ nu tanni ɗàngɗáng. Aɓwana-mǝgule andǝ agbani pǝris, andǝ amalǝm Nggurcau mala Musa nǝ̀ ɓinǝ mǝsǝì, à nǝ̀ wal-lui. Sǝ a tāruia nongŋo ka, nǝ̀ lo nǝ yilǝmu.”

Markus 9:12

Yesu earia wia ama, “E, Iliya nǝ̀ yiu a dǝmbǝa, nǝ̀ yia gilǝki agir kat ɓǝa duk pepe. Sǝ Malǝmce ka, na gbal mbo ama, Muna mala Ɓwa ka nǝ̀ tanni kǝrkǝr sǝ à nǝ̀ ginǝi?

Luka 17:25

Sǝa ma peatu ka, Muna mala Ɓwa nǝ̀ nu tanni kǝrkǝr arǝ agir pas, sǝ aɓwana mǝnana a nza man ngga à nǝ̀ ɓinǝ mǝsǝì.

Luka 24:46

Nyare nea wia ama, “Mǝnia ka nda gir mǝnana à gilǝ ka: Kǝrǝsti Mǝ'amsǝban, nǝ̀ nu tanni, nǝ̀ wu, sǝ nǝ̀ loapi ɓembe nǝ yilǝmu, a tāruia pwari.

Luka 9:31

À pusǝ rǝia aɓa ɓoarɓwa mala kuli, aban na cau andǝ Yesu. À bang cau amur lú male, mǝnana nǝ̀ yia lumsǝo a Urǝshalima ka.