Matiu 16:16 - Maləmce Məfele mala Ɓakuli: Kurcau Məbəshe

¹⁶ Shiman Bitǝrus pa eare ama, “A nda Kǝrǝsti, Muna mala Ɓakuli mǝyilǝmuì.”

Matiu 16:16 ပူးပေါင်းရင်းမြစ်များ

Matiu 1:16

Sǝ Yakupu yi ɓǝl Yisǝfu, bura Maryamu. Maryamu na yi ɓǝl Yesu, mana à tunǝki ama Kǝrǝsti ka.

Matiu 14:33

Aɓwana mǝnana aɓa waru ka à peri abani, à na ama, “Ɓafo, à nda Muna mala Ɓakuli.”

Matiu 16:15

Pǝlǝa Yesu ɗia ma, “Sǝ wun ngga, wu kǝ na ama mǝ nda yan?”

Matiu 26:63

Yesu duk kuni piu. Pǝris mǝgule ne wi ama, “Ən nggǝ kpapio wunǝ Ɓakuli Mǝyilǝmuì wu bangga sǝm ko a nda Kǝrǝsti, Muna mala Ɓakuli?”

Matiu 27:54

Lang ɓwamǝgule mala asoje andǝ asoje mǝno à tamsǝia yal Yesu sǝn dǝurǝo mala nzali andǝ agir mana à pak kat ka, ɓangciu pakkia wia, sǝ à na ama, “Ɓafo, ɓwa man ngga Muna mala Ɓakuli na.”

Matiu 4:3

Mǝkarǝkiban pǝlǝa yiu abani sǝ ne wi ama, “Ɓǝ̀ a nda muna mala Ɓakuli ka, banggi atali mǝnia ɓǝa pǝlǝ nɗǝmo.”

Markus 14:61

Sǝ Yesu ka duk kuni piu, na kǝ cau ɗang. Nyare pǝris mǝgule ɗi ama, “A nda Kǝrǝsti, yì Muna mala Ɓakuli le?”

Luka 2:11

Yalung aɓa nggeala mala Dauda ka, à ɓǝlǝ́na wun Mǝ'amsǝban; yì nda Kǝrǝsti Mǝtalabangŋo.

Yohana 1:49

Pǝlǝa Nataniyel ne Yesu ama, “Rabbi, a nda Muna mala Ɓakuli! A nda Murǝm mala amǝ Isǝrayila!”

Yohana 11:27

Pǝlǝa Marta eari wi ama, “E, Mǝtalabangŋo, ǝn earǝna nǝ we, ama a nda Kǝrǝsti Mǝ'amsǝban, Muna mala Ɓakuli, mǝnana Ɓakuli bangŋa ama nǝ̀ yiu a ɓanza ka.”

Yohana 20:31

Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.

Yohana 6:57

“Kǝla mǝnana Tárram mana nǝ yilǝmu ka turam, sǝ àtàcau male sǝ ǝn dum nǝ yilǝmu ka, anggo gbal ɓwa mǝnana li nyam nggūrǝam ngga nǝ̀ dum nǝ yilǝmu àtàcau mem.

Yohana 6:68

Shiman Bitǝrus eari wi ama, “Mǝtala sǝm, aban yan sǝ sǝm nǝ̀ ká le? A nda mǝnana nǝ cau mala pà yilǝmu mǝnana pà nǝ̀ mal raka.

Yohana 6:69

Sǝ adyan ngga sǝm pànà ɓamur sǝm, sǝ sǝm sǝlǝna ama a nda kǝ Mǝfele mǝnana pur aban Ɓakuli ka.”

Amǝ Mishan 14:15

Wun aɓwana, palang sǝ wu kǝ pak mǝnia yì gir ka? Sǝm gbal ka sǝm ndaka ɓwapǝndǝa kǝla wun. Sǝm yina wun nǝ Cau Amsǝban mala Ɓakuli. Cau mǝnana ama ɓǝ̀ wu nying kpata amǝnia yì agir mǝɓane mǝnana à panǝ yilǝmu raka. Wu nyare aban Ɓakuli mana nǝ yilǝmu, yì ɓwa mǝnana pusǝ kuli, andǝ nzali, andǝ nggeamur andǝ agir mǝnana aɓalǝia kat ka.

Amǝ Mishan 8:36

À nda ban ká a njargula ka, à yì bwal ɓe ban mǝnana nǝ mur ka. Pǝlǝa bedǝran na ama, “Sǝni! Mur nia ka! Mana nǝ̀ tsǝa sǝ à pà nǝ̀ pakkam batisǝma ɗang?”

Amǝ Mishan 8:37

[Filip ne wi ama, “Ɓǝ̀ a paɓamuro nǝ ɓabumo mwashat ka, à nǝ̀ gandǝ pakko.” Pǝlǝa bedǝran eari wi ama, “Ən earǝna nǝma Yesu Kǝrǝsti ka Muna mala Ɓakuli na.”]

Amǝ Mishan 9:20

Anggo kara tita hamnǝ cau amur Yesu arǝ andakpapi ama, “Ɓafo, Yesu ka muna mala Ɓakuli na!”

Amǝ Roma 1:4

Sǝ à yì lǝmndǝí, Muna mala Ɓakuli na, nǝ loasǝo mǝnana à loasǝi a ɓembe nǝ rǝcandǝa mala Bangŋo Mǝfele ka. Yì nda Yesu Kǝrǝsti Mǝtala sǝm.

2 Amǝ Korinti 1:19

Acemǝnana Yesu Kǝrǝsti Muna mala Ɓakuli, mǝnana mim sǝnǝ Silas andǝ Timoti, sǝm hamnǝ cau male aban wun ngga, “E” na andǝ “Awo” a tarǝia ɗang. A ɓalǝi ka, “E” na, a koya pwari ka.

2 Amǝ Korinti 3:3

Nda a banfana ama, wu nda ka cautera mǝnana Kǝrǝsti nǝ nggearǝì nǝ̀ gilǝì ka. Sǝ yì cautera ka nda gir mǝnana pur aɓa turo-mishan ma'sǝm ngga. À gilǝì nǝ biro ɗang, nda nǝ Bangŋo mala Ɓakuli mǝyilǝmuì sǝ à gilǝì. Pà amur akpamgbang tali sǝ à gilǝì ɗang, nda a ɓabum ɓwapǝndǝa.

2 Amǝ Korinti 6:16

Sǝ mana dapi Ndàmǝgule mala Ɓakuli andǝ nda ka lú? Sǝm ngga, sǝm nda ka ndàmǝgule mala Ɓakuli Mǝyilǝmui. Kǝla mǝnana Ɓakuli na ka: “Mǝ nǝ do aɓalǝ aɓwana mem, mǝ nǝ gya aɓalǝia, Mǝ nǝ duk Ɓakuli amuria, sǝ yia ka, à nǝ̀ duk aɓwana mem.”

1 Amǝ Tasalonika 1:9

Aɓwana nǝ ɓamuria na à cama rǝ na cau mala agir mǝɓoarne mana wu pak kat ace ak sǝm, mana sǝm waria sǝn wun ngga. À bang ce vwakibu ma'wun arǝ ankúl ace kpata Ɓakuli mǝ'mǝsǝcau nì andǝ mǝyilǝmuì.

1 Timoti 3:15

ɓǝ̀ ǝn wari tu raka, wu surǝ ulang do mǝnana koyan aɓalǝ amǝ'ɓala mala Ɓakuli nǝ̀ dum nǝi ka. Acemǝnana ikǝlisiya mala Ɓakuli mǝyilǝmuì ka, nda nggun ɓalǝu andǝ kusǝɓa mala mǝsǝcau.

1 Timoti 4:10

Nda gir mǝnana tsǝa sǝ sǝm nggǝ pak turo kǝrkǝr, sǝm nggǝ lidǝmbǝa nǝ ɓariki, acemǝnana tsǝkɓalǝu ma'sǝm ngga, nda amur Ɓakuli mǝyilǝmuì, yì Mǝ'amsǝban mala aɓwana kat, nggeamurǝmi ka aɓwana mǝnana à paɓamuria abani ka.

Amǝ Ibǝru 10:31

Nggea gir ɓangciu na kǝrkǝr ɓǝ̀ ɓwa kpa a ɓabu Ɓakuli mǝyilǝmuì.

Amǝ Ibǝru 12:22

Sǝa ma yiu ma'wun ngga, wu yina aban Nkono Siyona, a nggeala mala Ɓakuli mǝyilǝmuì, a Urǝshalima mǝnana a kuli, aban mǝnana á-pas amur á-pas mala amǝturonjar nakam aban rambǝa aɓa banɓoarnado ka.

Amǝ Ibǝru 3:12

Wun amǝ'eamrǝarǝu, wu tsǝkir wun, ɓǝa kǝa kum kǝɓwa aɓalǝ wun mǝnana ndanǝ ɓabum mala ɓealɓikea andǝ ɗwanyi earnǝ cau mana nǝ̀ ci nǝ̀ bwaki bui arǝ kpata Ɓakuli mǝyilǝmuì ka ɗang.

Amǝ Ibǝru 9:14

Sǝ gir mǝnana kuti mǝno kuko ka, nkila mala Kǝrǝsti nǝ̀ pè. Kǝrǝsti mǝnana cauɓikea pa a rǝì raka, pa ɓamuri kǝla gir'nkila aban Ɓakuli, aɓa rǝcandǝa mala Bangŋo mǝnana tè malkiyi raka. Nkila male nǝ̀ lak ɓabum sǝm aɓalǝ aturo mǝpǝndǝke mǝnana à nǝ̀ ká nǝ sǝm a lú ka. Sǝ anggo ka, sǝm nǝ̀ peri aban Ɓakuli mǝyilǝmuì.

1 Yohana 4:15

Ɓwa mǝnana kat bang bwāng ama, Yesu ka Muna mala Ɓakuli na ka, nda aɓa dotarǝu andǝa Ɓakuli, sǝ Ɓakuli na aɓa dotarǝu andǝi.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

1 Yohana 5:5

Sǝ yana ɓwe mǝno likiyi-murǝm amur ɓanza ka? Nda kǝ ɓwa mǝnana earǝna ama Yesu nda Muna mala Ɓakuli ka.

Sǝna 7:2

Pǝlǝa ǝn sǝn ɓe mǝturonjar aban eauwe a kuli nǝ njartakuli, nǝ gbǝlman-parbu mala Ɓakuli mǝyilǝmuì a bui. Loasǝ gi bang-bang na cau nǝ amǝturonjar mǝno ine ka, yia mǝnana Ɓakuli pania wia rǝcandǝa ɓǝa kiɗiki nzali andǝ nggeamur ka, ama,