Matiu 15:36 - Maləmce Məfele mala Ɓakuli: Kurcau Məbəshe

³⁶ Sǝ twal abǝredi tongno nong-ɓari andǝ anji, lang pangŋǝni Ɓakuli yàwá ka, pǝlǝa ɓwanggia sǝ pe alaggana male. Sǝ yia gbal ka, à gaki aɓwana.

Matiu 15:36 ပူးပေါင်းရင်းမြစ်များ

Matiu 14:19

Pǝlǝa tsǝk aɓwana ɓǝa do amur munabondo. Sǝ twal abǝredi mǝnia tongno andǝ anji ɓari ka, loasǝ mǝsǝì a kuli pakki Ɓakuli yàwá, sǝ ɓwanggia, pǝlǝa pe alaggana male, sǝ yia gbal ka à gakia aɓwana.

Matiu 15:35

Pǝlǝa Yesu ne ɓwabunda ɓǝa do a nzali.

Luka 22:17

Pǝlǝa Yesu twal kwap mala mur ɓǝlanggun anap, sǝ pakki Ɓakuli yàwá, sǝ na ama, “Wu ak mǝnia ka, wu gaki arǝ wun.

Luka 22:19

Pǝlǝa twal bǝredi, pakki Ɓakuli yàwá, ɓwani, sǝ pea wia, nea wia ama, “Mǝnia ka nda nggūrǝam, mǝnana ǝn pa ace wun ngga, wu kǝ pak mǝnia ka, ace ɗenyi nǝ mim.”

Luka 24:30

À yì dumǝna amur girlina ka, yi twal bǝredi, pakki Ɓakuli yàwá, sǝ ɓwani pea wia.

Yohana 6:11

Yesu pǝlǝa twal akuro-nɗǝmo, pakki Ɓakuli yàwá, sǝ gaki aɓwana mǝno à dumnǝdo ka. Anggo sǝ pang nǝ anji. Yia mǝno kat ka à lili girlina kárǝìa.

Yohana 6:23

Aɓea waru mǝnana à pùr a Tiberiya ka à yiu à kya kpashi tu nǝ́ ban mǝnana Mǝtalabangŋo pak yàwá amur girlina sǝ pè ɓwapǝndǝa à li kam ngga.

Amǝ Mishan 27:35

Anzǝm mǝnana Bulǝs bangŋǝna cau anggo ka, pǝlǝa twal bǝredi, sǝ pak yàwá aban Ɓakuli a ɓadǝmbǝia kat, ɓwan bǝredi, sǝ tita she.

Amǝ Roma 14:6

Aɓwana mǝnana à gusǝlǝ ɓe pwari ace peri aban Mǝtalabangŋo ka, à pa anggo ace pe Mǝtalabangŋo gulo. Aɓwana mǝnana à nǝ̀ gandǝ li ko ya ulang girlina nani ka, à pè ace gusǝlǝ Mǝtalabangŋo, acemǝnana à kǝ pakki Ɓakuli yàwá ace girline. Sǝ aɓwana mǝnana à ɓinǝ li ka aɓea girlina ka, à pa anggo gbal, ace pe Mǝtalabangŋo gulo, andǝ pak yàwá aban Ɓakuli.

1 Amǝ Korinti 10:31

Sǝ ko ɓǝ̀ girlina na a nǝ li, ko a nǝ nu ka, ko ɓǝ̀ mana a nǝ pak kat ka, pe ace gusǝlǝ lullǝ Ɓakuli.

1 Amǝ Korinti 14:16

Sǝ ɓǝa kǝ ɓwangsǝ Ɓakuli nǝ bangŋo nǝmurǝì ka, lang sǝ aɓwana mǝnana à oeo sǝ à bwalta cau mo raka à nǝ̀ ear ama ɓǝ̀ do anggo? Palang sǝ à nǝ̀ bwalo kam arǝ pak yàwá yi mǝnana yia ka à surǝ cau mǝnana a nakiyi raka?