Matiu 15:31 - Maləmce Məfele mala Ɓakuli: Kurcau Məbəshe

³¹ Ɓwapǝndǝa ndali lang à sǝn amǝ'talasǝuɓunna aban na cau, aɓwan à su ka à lo tak, agbakǝre lo à kǝ gya, sǝ ante kǝ sǝnban. Pǝlǝa à ɓwangsǝki Ɓakuli mala amǝ Isǝrayila.

Matiu 15:31 ပူးပေါင်းရင်းမြစ်များ

Matiu 15:30

Ɓwabunda pas yiu abani. À yiu nǝ aɓwana mana à su ka, ante, a gbakǝre, amǝ'talasǝuɓunna andǝ acilia pas, à yì nongsǝia a ɓadǝmbǝi; sǝ twalia wia ban akwano malea.

Matiu 18:8

Ɓǝ̀ buo ko kusǝo kǝ tsǝo a kǝ pak cauɓikea ka, kasǝi turi. Kǝpǝna wu kuti a yilǝmu nǝ bu-kasǝa ko kusǝu-kasǝa amur mǝnana wu dum nǝ abuo ɓari ko akusǝo ɓari sǝ ɓǝa turo aɓa bǝsa mǝnana pà nǝ̀ linggi raka.

Matiu 21:14

Ante andǝ agbakǝre yiu abani aɓa Ndàmǝgule mala Ɓakuli, yi twalia wia ban akwano malea.

Matiu 8:10

Lang Yesu ok cau mǝnia ka, ce nî pe wi ndali. Sǝ pǝlǝa ne amǝkpate ama, “Ən nggǝ na wun mǝsǝcau, ǝn malaká kum kǝɓwa aɓa nzali Isǝrayila nǝ guliarǝu mǝgule kǝla man ɗang.

Matiu 9:32

À nda ban puro à nǝ̀ o ka, aɓea ɓwana yiu nǝ ɓeɓwa mǝnana kukwar kutia rǝì sǝ kǝ gandǝ na cau raka aban Yesu.

Matiu 9:33

Yesu pusǝ kukwar mǝnana a rǝì ka, àkǝ̀ banì ɓwa mǝnana kǝ gandǝ na cau ɗiɗyal raka, tita na cau. Ɓwabunda ndali sǝ à na ama, “Sǝm malaká sǝn kǝgir kǝla man aɓa Isǝrayila ɗang.”

Matiu 9:8

Aɓwana mana à ram ngga, ɓangciu pakkia wia arǝ gir mana à sǝn ngga. À ɓwangsǝ Ɓakuli mǝnana pe aɓwana-mǝpǝnde ulang man yì rǝcandǝa ka.

Markus 2:12

Pǝlǝa mǝkwano lo, twal kala male, àkǝ̀ ɓamǝsǝia kat, aban o. Koyan ngga gir nî pakki wi ndali, à gusǝlǝ Ɓakuli à kǝ bangŋa ama, “Sǝm malaká sǝn ulang mǝnia yì gir ka ɗang!”

Markus 7:37

Gir nî pea wia ndali kǝrkǝr, à camarǝ ɓǝsǝlǝki ce ama, “Koya gir mana kǝ pe ka mǝɓoarne na!” À nyare à na ama, “Nggearǝ amǝ kir'ara ka kǝ tsǝia à kǝ okban, sǝ amǝ talasǝɓunna ka, pea wia nacau!”

Markus 9:43

Ace mani ka, ɓǝ̀ buo kǝ cio a kǝ pak cauɓikea ka, kasǝi kpat. Nǝ̀ ɓoaribani wu kutio a yilǝmu mana málá male pà kàm raka nǝ bu mwashat, amur mana a nǝ dum nǝ abuo ɓari sǝ à nǝ̀ turo aɓa lu-bǝsa, aban mǝnana bǝsa male kǝ linggi raka.

Luka 14:13

Ɓǝ̀ a nǝ tunǝban ace ligirlina banɓoarnado ka, tunǝ amǝtǝr, amǝkusǝu-wuna, agbakǝre, andǝ ante.

Luka 14:21

Guro nyare yi ne mǝtala-ɓala male acau mǝno kat. Mǝtala-ɓala ka bumi lullo, pǝlǝa banggi guro male ama, “Nyare o amur anjargula andǝ anreɓala, kyane kya tunǝki amǝtǝr, amǝ kusǝ-wuna, ante andǝ agbakǝre.”

Luka 18:43

Àkǝ̀ banì gbal kara kum sǝnban, sǝ kpa ata Yesu aban o, kǝ ɓwangsǝki Ɓakuli. Lang ɓwapǝndǝa mǝnana kat sǝni ka, yia gbal ka à ɓwangsǝ Ɓakuli.

Luka 7:16

Ko yan ngga gir nî karmuri, pǝlǝa à ɓwangsǝ Ɓakuli, à kǝ na ama, “Ɓe mǝɓangna mǝgule pusǝna rǝì aban sǝm. Ɓakuli yina ace amsǝ aɓwana male!”

Yohana 9:24

Aɓwana-mǝgule nyar ɓaria à tunǝ ɓwa mǝno nte na ɗiɗyal ka, sǝ à ne wi ama, “Pe Ɓakuli gulo, na sǝm mǝsǝcau! Sǝm sǝlǝna ama ɓwabura mǝnana mǝnmbo amǝsǝo ka mǝ'cauɓikea na.”