Matiu 15:28 - Maləmce Məfele mala Ɓakuli: Kurcau Məbəshe

²⁸ Yesu pǝlǝa ne wi ama, “Mɓwama, paɓamuru mo ka nggea mǝgule na! Zǝmbǝa mo ka à ongŋǝni.” Kara àkǝ̀ banì rǝ muni mala.

Matiu 15:28 ပူးပေါင်းရင်းမြစ်များ

Matiu 14:31

Kara Yesu lǝmndǝ bui bwali sǝ ne wi ama, “We ka, guliarǝu mo kyau fat, palang sǝ a tuti a ɓabumo?”

Matiu 15:27

Mɓwame eare ama, “E, Mǝtalabangŋo, nggearǝ anvwa ka à kǝ tarki aɓwanggina girlina mǝnana à kǝ kpaki a nzali a ban-li mala amǝtalea ka.”

Matiu 8:10

Lang Yesu ok cau mǝnia ka, ce nî pe wi ndali. Sǝ pǝlǝa ne amǝkpate ama, “Ən nggǝ na wun mǝsǝcau, ǝn malaká kum kǝɓwa aɓa nzali Isǝrayila nǝ guliarǝu mǝgule kǝla man ɗang.

Matiu 8:13

Yesu pǝlǝa ne ɓwamǝgule soje ama, “O a ɓala. Kǝla mǝnana a pa ɓabumo a rǝì ka, anggo sǝ nǝ̀ pa.” Akǝ̀ ɓa nacau mǝno ka rǝ mune mala.

Matiu 9:22

Yesu pǝlǝ rǝì sǝni, sǝ ne wi ama, “Mɓwama, ɓangciu ɓǝ̀ kǝa pakko ɗang! Guliarǝu mo twalǝno ban kwano mo.” Àkǝ̀ banì mǝno sǝ rǝ mɓwame mala.

Markus 5:34

Yesu ne wi ama, “Munem, guliarǝu mo a rǝam twalǝno ban rǝkwana. O aɓa rǝpwala. Tanni mo malǝna.”

Luka 17:5

Pǝlǝa Amǝ'mishan ne Mǝtalabangŋo ama, “Tsǝk paɓamuru ma'sǝm ɓǝ̀ gulo.”

Luka 7:50

Pǝlǝa Yesu ne mɓwama mǝno ama, “Paɓamuru mo amsǝno; o ata dorǝpwala mo.”

Luka 7:9

Lang Yesu ok man yì cau ka, ndali kǝrkǝr, pǝlǝ rǝì aban ɓwabunda mǝnana à kǝ yiu ate ka, nea wia ama, “Ən nggǝ na wun, ǝn malaká kum guliarǝu mǝgule ulang man aɓa nzali Isǝrayila ɗang!”

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.