Matiu 15:27 - Maləmce Məfele mala Ɓakuli: Kurcau Məbəshe

²⁷ Mɓwame eare ama, “E, Mǝtalabangŋo, nggearǝ anvwa ka à kǝ tarki aɓwanggina girlina mǝnana à kǝ kpaki a nzali a ban-li mala amǝtalea ka.”

Matiu 15:27 ပူးပေါင်းရင်းမြစ်များ

Matiu 15:26

Yesu pǝlǝi wi ama, “Ɓoaro ɓǝa twal girlina mala amuna ɓǝa pe anvwa ɗang.”

Matiu 15:28

Yesu pǝlǝa ne wi ama, “Mɓwama, paɓamuru mo ka nggea mǝgule na! Zǝmbǝa mo ka à ongŋǝni.” Kara àkǝ̀ banì rǝ muni mala.

Matiu 5:45

Ɓǝ̀ wu pa anggo ka wu nǝ̀ duk amuna mala Tar wun mǝnana a kuli ka. Acemǝnana yì ka, kǝ tsǝk pwari male kǝ ta amur aɓwana amǝɓane andǝ amǝɓoarne, sǝ kǝ nya mbulo amur amǝ pak cauɓoarna andǝ amǝ pak ɓealɓikea.

Matiu 8:8

Ɓwamǝgule soje pǝlǝa eari wi ama, “Ɓwamǝgule, ǝn kārǝa wu yiu a ɓala mem ɗang. Ne kwane cau, sǝ muna-ɓala mem ngga rǝì nǝ̀ mala.

Markus 7:28

Pǝlǝa mɓwame ne Yesu ama, “Mǝna ka mǝsǝcau na, Ɓwamǝgule, sǝa ma ko aban li ka anvwa kǝ kumo à kǝ li ɓwanggine mala girlina mala amuna mǝnana kǝ sukkio a nzali ka.”

Luka 16:21

Rǝi kǝ ɓǝla arǝ li gir mǝnana ɓwano kpa a ɓadǝm mǝkume ka. Nggearǝ anvwa ɗǝm à yiu à kǝ lenzǝki anpenye male.

Luka 18:13

Sǝ mala mǝcemi ka cam kuko. Eare ama nǝ̀ loasǝ muri a kuli ɗang, wal kikili na ama, “Ɓakuli, sǝn mǝsǝswatǝr mem, mim ngga mǝ nda mǝ'cauɓikea!”

Amǝ Roma 10:12

Aɓa mǝnia ka kǝgir gakita ɓwa Yahudi andǝ ɓwa mǝnana ɓwa Yahudi na raka ɗang. Yia kat ka, à ndanǝ Mǝtalabangŋo mwashat mǝnana nda Mǝtalabangŋo amur aɓwana kat, sǝ atsǝkbu male mǝnana nyangsang ngga kǝ soapia aɓwana mǝnana kat à kǝ warinǝ ɓua malea abani ka.

Amǝ Roma 3:19

Sǝm sǝlǝna ama gir mǝnana kat Nggurcau na ka, nda aban ne aɓwana mǝnana à nda aɓata Nggurcau ka, ace mǝnana ɓǝ̀ ɓwa ɓǝ̀ kǝa kum kún nacau ɗang, sǝ ɓanza kat ka à nǝ̀ yinǝi a ɓadǝm ɓashi mala Ɓakuli.

Amǝ Roma 3:29

Sǝ ana raka, Ɓakuli ka, mala amǝ Yahudi na nǝmurǝia le? Yì ka, Ɓakuli mala acili anzali na kat gbal re? E, nda acea.

Amǝ Roma 3:4

Ko bǝti! Sǝ ɓǝ̀ koyan ngga mǝ'nyir na ka, Ɓakuli ka mǝ'mǝsǝcau na. Kǝla mǝnana Malǝmce bang ngga: “À nǝ̀ kumo nǝ mǝsǝcau, aɓa cau mana a na ka, sǝ ɓǝa wulio ka, a nǝ li ɓashi.”

Amǝ Afisu 3:19

Ən nggǝ zǝmbǝa ama ɓǝ̀ wu surǝ earcearǝu mala Kǝrǝsti, mǝnana gul kǝrkǝr, à pà nǝ̀ gandǝ bwalte kat raka, ace mǝnana ɓǝ̀ wu kum lumsǝo pepe nǝ pa mala Ɓakuli arǝ anjari kat.

Amǝ Afisu 3:8

Ko kat andǝ amani ama mǝ nda rítǎu mala aɓwana mala Ɓakuli kat ka, yi pam mǝnia yì ɓwamuru mala banggi aɓwana arǝ anzali cau male. Yì Cau Amsǝban amur atsǝkbu mǝnana à pà nǝ̀ gandǝ bwal maɗanyia raka, mǝnana à malea na aɓa kpapi malea andǝa Kǝrǝsti ka.