Matiu 14:3 - Maləmce Məfele mala Ɓakuli: Kurcau Məbəshe

³ Hirǝdus angŋǝna dǝmbǝa bwalǝna Yohana kùrni sǝ oasǝni a ndàkurban. Kùrri ace Hirǝdiya mala Filip mǝ'eambǝi yì Hirǝdus.

Matiu 14:3 ပူးပေါင်းရင်းမြစ်များ

Matiu 11:2

Yohana Mǝbatisǝma ka nda a ndàkurban sǝ ok ce agir mana Kǝrǝsti kǝ pea ka, pǝlǝa tur alaggana male

Matiu 14:6

A pwari pakiɗire ɓǝlban mala Hirǝdus ka, nsari mala Hirǝdiya tánggwam mǝnana tsǝk Hirǝdus banɓoari wi kǝrkǝr,

Matiu 4:12

Lang Yesu ongŋǝna ama murǝm Hirǝdus Antipas kùrna Yohana a ndàkurban ngga, lo ɗeki nzali Yahudi o a bu-nzali Galili.

Markus 6:14

Murǝm Hirǝdus Antipas ok ce amǝnia yì agir ka, acemǝnana lullǝ Yesu akiban. Aɓea aɓwana kǝ na ama, “Yohana Mǝbatisǝma na loapi ɓembe ka! Nda gir nî sǝ kum mǝnia yì rǝcandǝa pakki agir-ndali ka.”

Markus 6:17

Hirǝdus nǝ nggearǝì ka tasǝna aɓwana à kya bwalǝna Yohana, à oasǝni a ndàkurban. Pak mǝnia ka ace Hirǝdiya, mala mǝ'eambǝi Filip, mǝnana yì, yì Hirǝdus ali ate ka.

Markus 6:19

Nda gir nî sǝ Hirǝdiya bwal Yohana a bumi, kǝ earce wal-lui ka, sǝ ɓǝ̀ pà nǝ́ eare mala Hirǝdus raka, pà nǝ̀ gandǝ pakki wi kǝgir ɗang.

Markus 6:22

Muna-ɓwama mala Hirǝdiya puro aɓa tūli sǝ tanggwam nǝ ta ana, ban ɓoari Hirǝdus andǝ abǝri mǝnana tunǝia li ka. Gandǝa Murǝm banggi muna-ɓwama ama, “Zǝm ko mana gir nî kat a earki ce ka, mǝ nǝ po wi.”

Markus 8:15

Lang à ndarǝ o aɓa waru ka, Yesu nun kiria ama, “Wu par kir wun arǝ yis mala amǝ Farisi andǝ mala Hirǝdus.”

Luka 13:1

A pwari mǝno ka, aɓea ɓwana nakam àkǝ̀ banì, à ne Yesu cau mala amǝ Galili mǝnana à ndarǝ gir'nkila aban Ɓakuli sǝ Bilatus tsǝa à wal-luia ka.

Luka 13:31

Anggo ka aɓea amǝ Farisi yiu aban Yesu à yì ne wi ama, “Nying ban mǝnia ka, o a ɓe ban ɗàng. Hirǝdus kǝ earce wal-luio.”

Luka 23:11

Hirǝdus andǝ asoje male pak ceì ɓa, à nyesǝi gir oalo na. À makki wi adaura murǝm a rǝì pǝlǝa à nyesǝi aban Bilatus.

Luka 23:7

Lang sǝlǝna ama Yesu ka puro a nzali mǝnana aɓata yalban mala murǝm Hirǝdus ka, pǝlǝa tasǝi aban Hirǝdus, mǝnana yì gbal ka nda a Urǝshalima àkǝ̀ ɓalǝ anongge mǝno ka.

Luka 3:1

Nda aɓa lum-nong-tongnoea pǝlǝa mala do murǝm mala Kaisar Tiberiya, murǝm mǝgule mala amǝ Roma. Buntu Bilatus nda nggwamna mala bu-nzali Yahudi. Hirǝdus nda murǝm mala bu-nzali Galili, sǝ mǝ'eambǝi Filip nda murǝm mala abu-nzali Ituriya andǝ Tǝrakonitis. Lisaniyas nda murǝm mala bu-nzali Abilini.

Luka 8:3

andǝ Joana mālá Kuza, mǝnana kǝ ɗenyi nǝ ɓala mala Murǝm Hirǝdus ka, sǝ Suzana andǝ acilia pas. À kǝ pakki Yesu andǝ alaggana male gbasha nǝ girkuma malea.

Amǝ Mishan 12:1

A baku mǝno ka Murǝm Hirǝdus mǝnana à tunǝki ama Agǝripa ka tita pea aɓea amǝkwaɗi aɓa ikǝlisiya tanni.

Amǝ Mishan 4:27

Acemǝnana anggo sǝ Hirǝdus andǝ Buntu Bilatus kpapi kunarǝia aɓa mǝnia yì la ka. À kpapi kunarǝia andǝ aɓwana mǝnana à surǝ Ɓakuli raka, andǝ amǝ Isǝrayila kat, nǝ ɓibura arǝ Yesu, yì guro mo Mǝfele, yì ɓwa mana a ci nda Kǝrǝsti Mǝ'amsǝban ngga.