Matiu 14:29 - Maləmce Məfele mala Ɓakuli: Kurcau Məbəshe

²⁹ Yesu ne wi ama, “Yiu.” Bitǝrus pǝlǝa sulǝi ɓa waru sǝ gya amur mùr aban ká aban Yesu.

Matiu 14:29 ပူးပေါင်းရင်းမြစ်များ

Matiu 14:28

Pǝlǝa Bitǝrus ne wi ama, “Mǝtalabangŋo, ɓǝ̀ a nda ka, banggam ɓǝn gya amur mùr ɓǝn kyane abano.”

Matiu 14:30

Lang sǝn eaki-nkono mala mùr ka, ɓangciu pakki wi, kara tita ko a mùr. Mak zwalo ama, “Mǝtalabangŋo, amsǝam!”

Matiu 17:20

Yesu nea wia ama: Nda acemǝnana paɓamuru ma'wun ngga gatti. Sǝa ma ǝn nggǝ na wun mǝsǝcau, ɓǝa bangŋa ama wu earnǝ Ɓakuli bǝti kǝla kyauwe mala mǝsǝ musta ka, wu nǝ̀ gandǝ ne mǝnia yì nkono ka ama, “Turî ban mǝnia, o kano” sǝ yì ka, nǝ̀ turó. Ɓe kǝgir pà kàm nǝ̀ gandǝ wun ɗang.

Matiu 21:21

Yesu nea wia ama, “Ɓafo, ǝn nggǝ na wun, ɓǝ̀ wu ndanǝ paɓamuru sǝ wu tuti aɓa ɗenyicau raka, mǝnia yì gir à pakki nggun ngga nda mana nǝmurǝì wu nǝ̀ gandǝ pe ka ɗang. Ɓǝ̀ wu nǝ̀ nê mǝnia yì nkono ama, ‘Lo, kya kpa aɓa nggeamur’ ka, anggo sǝ nǝ̀ pa.

Markus 9:23

Yesu ɗi ama, “Ace mana sǝ a na ama, ‘ɓǝ̀ a nǝ gandǝi ka?’ Ko man ngga nǝ̀ gandǝ pa aban ɓwa mǝnana earnǝ cau mala Ɓakuli nǝ ɓabumi kat ka.”

Luka 17:6

Mǝtalabangŋo pea wia eare ama: Ko ɓǝ̀ guliarǝu ma'wun kyauwe kǝla mǝsǝ musta ka, wu nǝ̀ gandǝ banggi nggea nggun mǝnia ka ama, “U, kya kpa aɓa nggeamur!” Sǝ yì ka, nǝ̀ kpata cau ma'wun.

Amǝ Mishan 3:16

Nǝ guliarǝu aɓa lullǝ Yesu, sǝ mǝnia yì gbakǝre ka kum rǝcandǝa. Sǝ wun ngga, wu sǝlǝna rǝ ulang gbakǝri male ɗiɗyal. Sǝ paɓamuru aban Yesu nǝ̀ yinǝi wi nǝ rǝcandǝa mala nggūrǝi, kǝla mǝno ado wun kat wu sǝni ka.

Amǝ Roma 4:19

Ibǝrayim ngga apǝlǝa male málá à nǝ̀ lumsǝ gbǝman mwashat. Yi sǝni ka ena a nggūrǝi, mǝnana à nǝ̀ twali ama yì ka, lú na. Sǝ ɗǝm ngga yi sǝn mami Saratu ka ena, sǝ gandǝ ɓǝli wi muna ɗang. Kat andǝ amǝno ka, paɓamuru mala Ibǝrayim aban Ɓakuli ka, gatti ɗang.

Amǝ Filipi 4:13

Mǝ nǝ gandǝ pak koya gir ka, nǝ rǝcandǝa mǝnana Kǝrǝsti kǝ pam ngga.