Matiu 14:26 - Maləmce Məfele mala Ɓakuli: Kurcau Məbəshe

²⁶ Lang alaggana male nǝ̀ sǝni aban gya amur mùr ka, ɓangciu pakkia wia. À mak zwalo, à na ama, “Kukwar na!”

Matiu 14:26 ပူးပေါင်းရင်းမြစ်များ

Luka 24:23

sǝ à kya kum luí ɗang. À nyare à yì na sǝm ama à sǝn causǝna mala amǝturonjar, mǝnana à bangŋa ama ndanǝ yilǝmu ka.

Luka 24:37

À ndali, ɓangciu pakkia wia, à twali kǝla lú na à sǝn ngga.

Luka 24:45

Pǝlǝa mǝn ɗenyicau malea ace mǝnana ɓǝa surǝ Amalǝmce mala Ɓakuli.

Luka 24:5

Nǝ ɓangciu a rǝia amamǝna man timuria a nzali. Sǝ aɓwana mǝno nea wia ama, “Ace mana sǝ wu kǝ alta ɓwa mǝnana nǝ yilǝmu ka aɓalǝ alú?

Amǝ Mishan 12:15

À banggi wi ama, “Ɓamuro pǝlǝ nǝ pǝlǝa!” Sǝ lang muna ɓine, cam kingging ama Bitǝrus na ka, nda à na ama, “Ɓǝ̀ nda na ka, mǝturonjar mala Ɓakuli mǝnana yálkiyi ka nda.”

Sǝna 1:17

Lang mǝ nǝ yia sǝni ka, kara ǝn kpa a nzali a kusǝì kǝla ɓwa mǝnana wuna ka. Pǝlǝa yi tsǝk bui-mǝli a muram sǝ nam ama: Ɓangciu ɓǝ̀ kǝa pakko ɗang! Mǝ nda Mǝdǝmbǝa, ǝn tita agir kat, sǝ mǝ nda Mǝtankwang, mǝ nǝ masǝlǝ agir kat!