Matiu 14:19 - Maləmce Məfele mala Ɓakuli: Kurcau Məbəshe

¹⁹ Pǝlǝa tsǝk aɓwana ɓǝa do amur munabondo. Sǝ twal abǝredi mǝnia tongno andǝ anji ɓari ka, loasǝ mǝsǝì a kuli pakki Ɓakuli yàwá, sǝ ɓwanggia, pǝlǝa pe alaggana male, sǝ yia gbal ka à gakia aɓwana.

Matiu 14:19 ပူးပေါင်းရင်းမြစ်များ

Matiu 14:18

Sǝ na ama, “Wu yinǝam nǝia akani.”

Markus 6:39

Yesu pǝlǝa nea wia ama ɓǝa tsǝk aɓwana kat ɓǝa do mbop-mbop amur bondo mǝpwale.

Markus 6:41

Pǝlǝa Yesu twal agbatali bǝredi mǝnia tongno andǝ anji ɓari ka a bui. Loasǝ mǝsǝì a kuli, pak hiwi amuria. Pǝlǝa ɓwanggi agbatali bǝredi, pe alaggana male ɓǝa gakia aɓwana. Ɗǝm ngga ɓwanggi anji mǝnia ɓari ka pea wia, ace mǝnana koyan ngga ɓǝ̀ kumo.

Markus 7:34

Yesu pǝlǝa loasǝ mǝsǝì a kuli, tusǝ ɓālǝi nǝ mǝsǝswatǝr, sǝ na ama, “Efata!” Tǝri ama, “Mǝna!”

Luka 22:17

Pǝlǝa Yesu twal kwap mala mur ɓǝlanggun anap, sǝ pakki Ɓakuli yàwá, sǝ na ama, “Wu ak mǝnia ka, wu gaki arǝ wun.

Luka 22:19

Pǝlǝa twal bǝredi, pakki Ɓakuli yàwá, ɓwani, sǝ pea wia, nea wia ama, “Mǝnia ka nda nggūrǝam, mǝnana ǝn pa ace wun ngga, wu kǝ pak mǝnia ka, ace ɗenyi nǝ mim.”

Luka 24:30

À yì dumǝna amur girlina ka, yi twal bǝredi, pakki Ɓakuli yàwá, sǝ ɓwani pea wia.

Luka 9:14

Aburana mǝnana abanì ka à bwal á-tongno. Pǝlǝa Yesu ne alaggana male ama, “Wu tsǝia ɓǝa do mbop-mbop lumi-tongno-tongno.”

Luka 9:16

Yesu twal abǝredi mǝnia tongno andǝ anji ɓari ka, pǝlǝa loasǝ muri a kuli pak yàwá, sǝ ɓwanggia, pe alaggana male ɓǝa gaki ɓwabunda.

Yohana 11:41

Pǝlǝa aɓea ɓwana mǝnana abanì ka à gǝshi talî. Yesu loasǝ mǝsǝì a kuli sǝ na ama, “We Dâ, ǝn pakko yàwá mǝnana a ongŋǝnam ngga.

Yohana 6:23

Aɓea waru mǝnana à pùr a Tiberiya ka à yiu à kya kpashi tu nǝ́ ban mǝnana Mǝtalabangŋo pak yàwá amur girlina sǝ pè ɓwapǝndǝa à li kam ngga.

Amǝ Mishan 27:35

Anzǝm mǝnana Bulǝs bangŋǝna cau anggo ka, pǝlǝa twal bǝredi, sǝ pak yàwá aban Ɓakuli a ɓadǝmbǝia kat, ɓwan bǝredi, sǝ tita she.

Amǝ Roma 14:6

Aɓwana mǝnana à gusǝlǝ ɓe pwari ace peri aban Mǝtalabangŋo ka, à pa anggo ace pe Mǝtalabangŋo gulo. Aɓwana mǝnana à nǝ̀ gandǝ li ko ya ulang girlina nani ka, à pè ace gusǝlǝ Mǝtalabangŋo, acemǝnana à kǝ pakki Ɓakuli yàwá ace girline. Sǝ aɓwana mǝnana à ɓinǝ li ka aɓea girlina ka, à pa anggo gbal, ace pe Mǝtalabangŋo gulo, andǝ pak yàwá aban Ɓakuli.

1 Amǝ Korinti 10:16

Nggearǝ kwap mǝnana sǝm nggǝ nu aban likwar mala Mǝtalabangŋo, sǝm nggǝ pak yàwá ace kǎ, nda tsǝa sǝ sǝm duk mwashat aɓa nkila Kǝrǝsti ka re? Sǝ bǝredi mǝnana sǝm nggǝ ɓwano sǝm nggǝ she a tarǝ sǝm nggǎ, nda tsǝa sǝm duk mwashat aɓa nggurǝ Kǝrǝsti ka re?

1 Amǝ Korinti 10:31

Sǝ ko ɓǝ̀ girlina na a nǝ li, ko a nǝ nu ka, ko ɓǝ̀ mana a nǝ pak kat ka, pe ace gusǝlǝ lullǝ Ɓakuli.

1 Amǝ Korinti 11:24

sǝ pak yàwá aban Ɓakuli. Pǝlǝa ɓwani, sǝ bangŋa ama, “Mǝnia ka nggūrǝam na, mǝnana à pà ace wun ngga. Wu kǝ pak mǝnia ka ace ɗenyi nǝ mim.”

Amǝ Kolosi 3:17

Sǝ ɓǝ̀ mana kat wu nǝ̀ pa, ko wu nǝ̀ na ka, wu pe nǝ ɗenyicau ama wu nda ban pe kǝla amǝnakun Mǝtalabangŋo Yesu, wu kǝ pakki Tar sǝm Ɓakuli yàwá nǝ bani yì Kǝrǝsti.