Matiu 13:52 - Maləmce Məfele mala Ɓakuli: Kurcau Məbəshe

⁵² Pǝlǝa nea wia ama “Ace mani ka, mǝ'eaulǝki Nggurcau mala Musa mǝnana à kani wi gir, kum kwar rǝǔ ace Domurǝm mala kuli ka, nda kǝla mǝtala-ɓala mǝnana kǝ pusǝ gǝna mǝbǝshe andǝ amǝ'e aɓa bah male ka.”

Matiu 13:52 ပူးပေါင်းရင်းမြစ်များ

Matiu 12:35

Ɓwa mǝɓoarne kǝ pusǝ aɓa cau mǝɓoarne mǝnana rambǝa a ɓabumi ka, sǝ ɓwa mǝɓane gbal ka kǝ pusǝ aɓa mǝɓane mǝnana rambǝa a ɓabumi ka.

Matiu 13:51

Yesu ɗia ama, “Wu bwalǝna ta amǝnia yì acau ka le?” À ear ama, “E, kpana sǝm.”

Matiu 13:53

Lang Yesu malǝna naki amǝnia yì akanicau ka, pǝlǝa loapi banì.

Matiu 23:34

Ace mani ka mǝ ndo mǝ nǝ tura wun ban nǝ amǝ'ɓangna, andǝ amǝ'sǝle, andǝ amǝkanigir. Aɓea atea ka wu nǝ̀ walia, wu nǝ̀ gballia a nggun; sǝ acilia ka wu nǝ̀ kwea aɓalǝ andakpapi sǝ wu nǝ̀ pǝrtea arǝ ala, wu nǝ̀ pea wia tanni.

Matiu 28:19

Ace mǝno ka, wu kyane aban ɓwapǝndǝa arǝ anzali kat, wu yinǝia ɓǝa pǝlǝ amǝkpatam. Wu pakkia wia batisǝma aɓa lullǝ Ɓakuli Tarrû, andǝ mala Muni, andǝ mala Bangŋo Mǝfele.

Luka 11:49

Mǝnia ka nda cau mǝnana Ɓakuli bangŋa amur wun ngga, “Mǝ nǝ tura wun ban nǝ amǝ'ɓangna andǝ amǝ'mishan, aɓea ka wu nǝ̀ wal-luia sǝ acilia ka wu nǝ̀ pea wia tanni.”

Yohana 13:34

Sǝ ace mǝno ka mǝ ndarǝ pa wun bǝsa nzongcau: Wu earce rǝarǝ wun. Kǝla mǝnana ǝn earce wun ngga, anggo sǝ wu nǝ̀ dum nǝ earcea rǝ wun.

2 Amǝ Korinti 6:10

Kat andǝ amani ama à tsǝk sǝm aɓa bumkiɗikea ka, sǝm nda aɓa bumpwasǝa ko aya pwari. Ko ɓǝ̀ ndo ama sǝm nda ka amǝtǝr ka, sǝm nggǝ tsǝk aɓwana pas à duk amǝkume. Mǝsǝcau na ama sǝm pànǝ kǝgir ɗang, sǝa ma girbunda kat ka ma'sǝma.

Amǝ Afisu 3:4

Ɓǝ̀ wu ɓal gir mǝnana ǝn gilǝ ka, wu nǝ̀ gandǝ bwalta sǝlǝe mǝnana mǝ ndanǝi aɓa mǝnia yì kane amur Kǝrǝsti ka. Yì kane mǝnana Ɓakuli sǝmbǝrǝ ce ɗiɗyal,

Amǝ Afisu 3:8

Ko kat andǝ amani ama mǝ nda rítǎu mala aɓwana mala Ɓakuli kat ka, yi pam mǝnia yì ɓwamuru mala banggi aɓwana arǝ anzali cau male. Yì Cau Amsǝban amur atsǝkbu mǝnana à pà nǝ̀ gandǝ bwal maɗanyia raka, mǝnana à malea na aɓa kpapi malea andǝa Kǝrǝsti ka.

Amǝ Kolosi 1:7

Abafǝras, ɓi'sǝm mǝturo mǝnana sǝm earkiyi ace raka, nda ɓwa mǝnana nǝ baní sǝ wu kum sǝlǝe amur mǝnia yì ɓwamuru ka. Yì ka, mǝturo mala Kǝrǝsti na nǝ mǝsǝcau, sǝ nda mǝnana kǝ bwala sǝm turo ace wun ngga.

Amǝ Kolosi 3:16

Ɓǝ̀ cau mala Kǝrǝsti, nǝ ɓoaro male kat ka, ɓǝ̀ lumsǝ ɗenyicau ma'wun. Wu kǝ kania rǝ wun gir sǝ wu kwarkir rǝarǝ wun, nǝ sǝlǝe mǝnana kat Kǝrǝsti pa sǝm ngga. Wu kǝ tuka anggyal ɓa Malǝmce mala Anggyal, andǝa mǝnana à cia nǝ tsǝa ka, andǝ anggyal ɓabangŋo, aban Ɓakuli nǝ ɓabum mana lumsǝ nǝ pak yàwá ka.

1 Timoti 3:6

Ɓwamǝgule mur ikǝlisiya ka, ɓǝ̀ kǝa duk ɓwa mǝnana loa paɓamuri aban Ɓakuli ka ɗang, acemǝnana nǝ̀ nggǝ twalɓamuri. Sǝ twalɓamuru nǝ̀ ci nǝ̀ kpa aɓa ulang ɓashi mǝnana à nǝ̀ pakki mǝɓealɓikea ka.

Titus 1:9

Dumǝna púp ama nǝ̀ bwal kàngkàng arǝ kanigir mana à nǝ̀ earnǝi, kǝla mǝnana à kani wi ka. Anggo sǝ nǝ̀ kumo nǝ̀ bwali aɓwana kam nǝ kanigir mǝɓoarne, sǝ nǝ̀ lǝmndǝì aɓwana mǝnana à kǝ ɓinǝ mǝnia yì kanigir ka, ɓwarkio malea.