Matiu 13:47 - Maləmce Məfele mala Ɓakuli: Kurcau Məbəshe

⁴⁷ Ɗǝm ngga, Domurǝm mana a kuli ka nda kǝla ndámbú mǝgule mǝnana à turi a nggeamur sǝ bwal koya ulang nji kat ka.

Matiu 13:47 ပူးပေါင်းရင်းမြစ်များ

Matiu 13:44

Domurǝm mala kuli ka nda kǝla gǝna mǝnana sǝmbǝrǝa a ɓe ɓaban ngga. Ɓe ɓwa kumi sǝ sǝmbǝrǝi. Banɓoarnado tsǝi makki agirkuma male kat, yi kúr mǝno yì ɓaban ngga.

Matiu 13:46

Lang yi kumǝna mǝɓoarne ka, pǝlǝa nyare o kya makki agir male kat sǝ yi kúrí.

Matiu 13:48

Lang ndámbú lumsǝna ka, amǝkpakia sunyi à yinǝi a nza. À yì do à tarki anji mǝɓoarne aɓalǝ azace, sǝ amǝɓane ka à sukkia.

Matiu 4:19

Yesu nea wia ama, “Wu yiu a tam, mǝ nǝ tsǝk wun, wu nǝ̀ pǝlǝ amǝ oari aɓwana acem.”

Markus 1:17

Yesu nea wia ama, “Wu yiu atam, mǝ nǝ tsǝk wun wu nǝ̀ duk amǝbwalki aɓwana.”

Luka 5:10

Anggo gbal sǝ aɓi amǝturo mala Shiman, yia Jemis andǝ Yohana, amuna mala Zabadi ndali. Yesu pǝlǝa ne Shiman ama, “Ɓangciu ɓǝ̀ kǝa pakko ɗang, twal ado ka, aɓwana na a nǝ nggǝ bwalia ɓǝa yiu abanam ngga, anji na ɗang.”

Yohana 15:2

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Yohana 15:6

Ɓǝ̀ ko ya ɓwa na sǝ do a ɓalǝam raka, nda kǝla bu-nggun mǝnana à turi sǝ im ngga; a'ulang abu-nggun mǝno ka aɓwana kǝ ramnggia, à nǝ̀ soea aɓa bǝsa à nǝ̀ pisǝia.

Amǝ Mishan 20:30

Sǝ a nggearǝ ɓalǝ wun ngga, aɓea aɓwana nǝ̀ lo à nǝ̀ ɓosǝki kusǝ mǝsǝcau. À nǝ̀ kutia kanigir-nyir ace mǝnana à nǝ̀ kum aɓea aɓwana mǝnana à nǝ̀ swarkia ɓǝa pǝlǝ amǝkpata tea ka.

1 Amǝ Korinti 11:19

Dumǝna púp kun wun nǝ̀ gakia, ace mǝnana aɓwana mǝnana aɓalǝ wun nǝ mǝsǝcau mala Ɓakuli ka, ɓǝa surǝia.

2 Amǝ Korinti 11:26

Kusǝ pas mǝ nda rǝ twalbǝri mǝsauwe. Sǝ arǝ amǝno yì agya ka, ǝn kum ɓamuram aɓa ká-mǝɓane arǝ anggeasala a mùr-longŋa, ká-mǝɓane a bu amǝ'ɓǝmbǝriban, ká-mǝɓane a bu aɓwana mem amǝ Yahudi andǝ aɓwana mǝnana amǝ Yahudi na raka. Ən kum ɓamuram aɓa ká-mǝɓane a bu amǝ loasǝ munǝo aɓa nggeala; ɓǝ́n wuna a ɓabondo; ɓǝ́n wuna aɓa nggeamur, sǝ ɓǝ́n wuna a bu amǝ'eamrǝarǝu amǝ'nyir nì.

Amǝ Galati 2:4

Mǝno yì cau ka lo, ace aɓea ɓwana mǝnana à na ama à nda ka amǝ kpata Yesu, sǝ ɓafo à nda raka. Yia ka, à kutio aɓalǝ sǝm zàng, à kǝ shenzǝki sǝm, à kǝ earce iu panzǝban mǝnana sǝm ndanǝi aɓa Kǝrǝsti Yesu ka. À kǝ ear ama à nǝ̀ nyesǝ sǝm ɓǝ̀ sǝm duk guro mala anggurcau mala amǝ Yahudi.

Sǝna 3:1

Gilǝî mǝturonjar mala ikǝlisiya mǝnana a Sardis ka ama: Mǝnia ka nda cautera mǝnana pur nǝban Yì ɓwa mǝnana bwal abangŋo tongno-nong-ɓari mala Ɓakuli andǝ anlero tongno-nong-ɓari a bui ka. Ən surǝ aturo mo. Aɓwana kǝ twalo ama a ndanǝ yilǝmu, sǝ mǝsǝcau ka, a nda lú.