Matiu 13:25 - Maləmce Məfele mala Ɓakuli: Kurcau Məbəshe

²⁵ Lang aɓwana na ntulo kat ka, ɓimǝbura yiu yi ɓeal nkwangŋan aɓa mǝssa, sǝ pǝlǝa o.

Matiu 13:25 ပူးပေါင်းရင်းမြစ်များ

Matiu 13:24

Yesu nea wia ɓe kanicau ɗǝm ama: À nǝ̀ kànì Domurǝm mala kuli arǝ ɓeɓwa mǝnana ɓeal mǝsǝɓeale mǝɓoarne a ɓaban male ka.

Matiu 13:26

Mǝssa tita bwalo, sǝ nkwangŋan pusǝrǝi.

Matiu 13:27

Aguro mala mǝtala ɓabanì yiu abani sǝ à ɗi ama, “Ɓwamǝgule, mǝsǝɓeale mǝɓoarne na a ɓeal a ɓaban mo ka re? Sǝ ankwangŋan pur nǝ kǝshe?”

Matiu 13:29

Sǝ earia wia ama, “Awo, acemǝnana ɓǝ̀ wu ndarǝ ukki ankwangŋan ngga, wu nǝ̀ gandǝ ukkia andǝa mǝssa.

Matiu 13:30

Wu ɗekia ɓǝa gulo a tarǝia. Pwari wale ka mǝ nǝ ne amǝturo ɓǝa tar nkwangŋan ɓǝa kurkia sǝ ɓǝa pisǝia. Sǝ mǝssa ka ɓǝa soapa mi a ba.”

Matiu 13:39

Ɓibura mǝnana ɓeal nkwangŋan ngga nda Shetan. Wal-mǝsa ka nda masǝlǝata ɓanza, sǝ amǝ'walmǝsa ka à ndaka amǝturonjar mala Ɓakuli.

Matiu 25:5

Bura-manfela ka banì sauwa yiu tu ɗang, nda ntulo aki ansarina man gandǝa à koa ntulo kat.

Amǝ Galati 2:4

Mǝno yì cau ka lo, ace aɓea ɓwana mǝnana à na ama à nda ka amǝ kpata Yesu, sǝ ɓafo à nda raka. Yia ka, à kutio aɓalǝ sǝm zàng, à kǝ shenzǝki sǝm, à kǝ earce iu panzǝban mǝnana sǝm ndanǝi aɓa Kǝrǝsti Yesu ka. À kǝ ear ama à nǝ̀ nyesǝ sǝm ɓǝ̀ sǝm duk guro mala anggurcau mala amǝ Yahudi.

Amǝ Ibǝru 12:15

Wu parkir wun, kǝɓwa ɓǝ̀ kǝa gatti kum ɓwamuru mala Ɓakuli ɗang. Ce wu eare nlerǝ bumkpǝmna to aɓalǝ wun, mana nǝ̀ yinǝ tanni, sǝ nǝ̀ tsǝk aɓwana pas ɓǝa pǝndǝki ka ɗang.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.

2 Bitǝrus 2:1

Sǝ amǝ'ɓangna mǝ'nyirì gbal ka à lo aɓalǝ amǝ Isǝrayila, sǝ kǝla mǝno ka amǝkanigir mǝ'nyirì nǝ̀ ngga lo aɓalǝ wun. Aɓa kutan à nǝ̀ yiu nǝ akanigir mǝ'nyirì mǝnana à nǝ̀ kiɗikina paɓamuru mala aɓwana nǝia ka, yale à nǝ̀ tǝmce Mǝtalabangŋo mǝnana akmúr sǝm aɓalǝ acauɓikea ma'sǝm ngga. Anggo sǝ à nǝ̀ nunmbi ɓamuria kiɗikiban a kaurǝa.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 13:14

Nǝ agir-ndǝlǝki mǝnana à eari wi ɓǝ̀ pea a ɓadǝm nyamɓikea mǝdǝmbe ka, twalo swarki aɓwana kat mǝnana à nda ka amǝkpata ɓanza man ngga. Cia ɓǝa ɓak ɓǝ̀nzál mala nyamɓikea mǝdǝmbe mǝnana à tsǝki wi mpenye nǝ nggeabyau ɓǝ́ nǝ̀ wal-lui sǝ yi au ka.

Sǝna 2:20

Sǝa ma mǝnia nda gir mǝnana ǝn ɓínǝì a rǝo ka. A kǝ eari Jezebel, mɓwama mǝno tunǝki ɓamuri ama mǝɓangna ka, kǝ tsǝk aguro mem ɓǝa ɓwarki tanjar, ɓǝa li girlina mǝnana à ci ata ankúl, sǝ ɓǝa pak cauɓikea nongginǝ-rǝaria.