Matiu 13:22 - Maləmce Məfele mala Ɓakuli: Kurcau Məbəshe

²² Mǝnana kpa aɓalǝ azwe ka nda cam a kun ɓwa mana kǝ ok ce, sǝ bumpina arǝ alta agir mala ɓanza mǝnia andǝ swarkiban mala kume à yì marǝki sǝ à tsǝi pusǝ ɓǝle ɗang.

Matiu 13:22 ပူးပေါင်းရင်းမြစ်များ

Matiu 12:32

Ɓwa mǝnana na cau kyauwikiban amur Muna mala Ɓwa ka à nǝ̀ twali wi banì, sǝ ɓwa mǝnana na cau kyauwikiban amur Bangŋo Mǝfele ka à pà nǝ̀ twali wi banì ɗang, a ɓanza mǝnia andǝ ɓanza mǝnana nǝ̀ yiu ka.

Matiu 13:39

Ɓibura mǝnana ɓeal nkwangŋan ngga nda Shetan. Wal-mǝsa ka nda masǝlǝata ɓanza, sǝ amǝ'walmǝsa ka à ndaka amǝturonjar mala Ɓakuli.

Matiu 13:40

Kǝla mǝnana à kǝ ram nkwangŋan sǝ à nǝ̀ pisǝì a bǝsa ka, anggo sǝ nǝ̀ pa a masǝlǝata ɓanza gbal.

Matiu 13:7

Aɓea mǝsǝɓeale kpa aɓalǝ azwe. Azwe gulo à sorǝkia.

Luka 12:15

Pǝlǝa ne ɓwabunda ama, “Wu parkir wun, wu yal rǝ wun arǝ koya ulang kikil ka, acemǝnana lakki mala agirkuma mala ɓwa ka, nda yilǝmi ɗang.”

Luka 12:21

A masǝlǝate ka Yesu bangŋa ama, “Anggo sǝ nǝ̀ kum ɓwa mǝnana rambǝi ɓamuri gǝna, sǝ yì ka, mǝtǝ̀r na aban Ɓakuli ka.”

Luka 21:34

Wu parkir wun wu kǝa eare ɓǝ̀ ɗenyicau ma'wun lumsǝ nǝ likiagir, wal-wale andǝ pisǝ ɓalǝu arǝ alta agir ɓanza, gandǝa mǝno yì pwari ka nǝ̀ yia yasǝlǝ wun ngga ɗang.

Luka 8:14

Amǝsǝɓeale mǝnana à kpa aɓalǝ azwe ka, à ndaka aɓwana mǝnana à ak cau mala Ɓakuli, sǝ nǝ nzǝmo ka aɗenyicau mala doɓanza andǝ alta kume, sǝ bumpina arǝ kum banɓoarnado mala gir ɓanza, yi tsǝa ko à ɓǝl ɗang.

Amǝ Mishan 8:18

Lang Shiman sǝnǝna amǝ'mishan à tsǝk buia amur aɓwana sǝ à kum Bangŋo Mǝfele ka, pǝlǝa yinǝia wia nǝ boalo,

Amǝ Roma 12:2

Wu kǝa kpata ɓealǝu andǝ kuncau mala mǝnia yì ɓanza ka ɗang. Wu ɗeki Ɓakuli ɓǝ̀ nggaɗi wun nǝ tsǝk ɗenyicau ma'wun ɓǝ̀ duk bǝshe. Anggo sǝ wu nǝ̀ gandǝ surǝ nê mala Ɓakuli, mǝnana mǝɓoarne na, andǝ mǝnana nǝ̀ duk gir-á abani, sǝ nda pepè ka.

1 Amǝ Korinti 1:20

Sǝ ake sǝ amǝ'sǝle pa? Sǝ amǝɓalgir ka à nda ke? Amǝ sǝlǝ makgir amur acau mala ɓanza man ngga à nda ke? Ɓakuli lǝmndǝ ma ama sǝlǝe mala ɓanza ka gǝmi na re?

1 Amǝ Korinti 2:6

Sǝm ngga, sǝm nggǝ hamnǝ cau mala sǝlǝe aban aɓwana mǝnana à karǝna ɓwa aɓa Bangŋo ka. Sǝ mǝnia ka sǝlǝe mala ɓanza man na ɗang, ko sǝlǝe mala aɓwana mǝnana amurǝma na a ɓanza man, amǝnana rǝcandǝa malea na ban mal ka ɗang.

1 Amǝ Korinti 2:8

Kǝɓwa pà kàm aɓalǝ amurǝma mala nza man mǝnana surǝ mǝnia yì sǝlǝe ka ɗang. Ɓǝa pǝlǝa ama à surǝni ka, ɓǝ́ à gballì ma Mǝtalabangŋo mǝnana nǝ gulo kat ka ɗang.

1 Amǝ Korinti 3:18

Ɓǝ̀ kǝɓwa ɓǝ̀ kǝa swarki ɓamuri ɗang. Sǝ ɓǝ̀ ɓe kǝɓwa aɓalǝ wun kǝ sǝni kǝla ndanǝ sǝlǝe mala ɓanza man ngga, yì ka, ɓǝ̀ kpata njar mǝnana amǝɓanza twali ɓanggea na ka, sǝ yì ka, nǝ̀ duk mǝsǝle aɓa mǝsǝcau.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

Amǝ Galati 1:4

Yesu pa yilǝmi ace acauɓikea ma'sǝm, kǝla mǝnana Ɓakuli Tar sǝm kani ka, ace mǝnana ɓǝ̀ amsǝ sǝm, a bu mǝnia yì nza mǝɓealɓike sǝm nda a ɓalǝi ka.

Amǝ Afisu 2:2

Amǝno yia apwari ka, wu kǝ dukiado ma'wun aɓa cauɓikea kǝla mǝnana acili amǝ ɓanza kǝ pa, aban kpata Shetan, mana ginggi nǝ ɓanza mana à sǝnggiyi raka, sǝ bangŋo male na kǝ pak turo aɓalǝ aɓwana mǝnana à kǝ oki Ɓakuli raka.

1 Timoti 6:17

Kwarkir amǝkume mǝnana a ɓanza man ngga, ɓǝa kǝa twalɓamuria ɗang, sǝ ɓǝa kǝa tsǝkɓalǝia arǝ agǝna malea mǝnana à kǝ kuti nǝ kutio ka ɗang. Tsǝkɓalǝu malea ka, ɓǝ̀ do amur Ɓakuli, yì ɓwa mǝnana kǝ pa sǝm nyangsang agir mǝnana kat sǝm nggǝ earce ace banɓoarnado ma'sǝm ngga.

2 Timoti 4:10

Acemǝnana Dimas ɗeki nam, ace earce mǝnia yì ɓanza ka, umǝna a Tasalonika. Sǝ Kǝrǝsen ngga, umǝna a Galati, sǝ mala Titus ka, umǝna a Dalmatiya.