Matiu 13:11 - Maləmce Məfele mala Ɓakuli: Kurcau Məbəshe

¹¹ Yesu earia wia ama: Surǝ gir-ɓasǝmbǝra mala Domurǝm mala kuli ka à pana wuni, sǝ yia ka à pea wia ɗang.

Matiu 13:11 ပူးပေါင်းရင်းမြစ်များ

Matiu 13:10

Alaggana male yiu abani à ɗi ama, “Ace mana sǝ a kǝ ne aɓwana cau nǝ kanicau?”

Matiu 16:17

Yesu ne wi ama: Tsǝkbu na muro, we Shiman muna mala Yunana, acemǝnana sure mala ɓwapǝndǝa na lǝmndǝo mǝnia yì gir ka ɗang. Tárram mǝnana a kuli ka nda.

Matiu 19:11

Pǝlǝa Yesu nyesǝia wia ama, “Koyan sǝ nǝ̀ ak mǝnia yì kanigir ka ɗang, she aɓwana mǝnana Ɓakuli pa ce nì acea ka.

Matiu 20:23

Yesu nea wia ama, “Ɓafo, wu nǝ̀ gandǝ nu tanni mǝnana mǝ nǝ nu ka, sǝa ma pa ban-do a buam-mǝlì ko mǝnggare ka pà aɓa rǝcandǝa mem ɗang. Amǝnia yì aban ngga nda ace aɓwana mǝnana Tárram gilǝkia wia ka.”

Markus 10:40

Sǝa ma, pa aɓa buam ɓǝn tsǝk ɓwa ɓǝ̀ do ata buam mǝli ko a buam mǝnggare ɗang. Ɓakuli gilǝki amǝno yì aban ngga ace aɓwana mǝnana tarkia ka.”

Markus 4:11

Nea wia ama: Ma wun ngga girsǝmbǝrǝa aɓa domurǝm mala Ɓakuli ka à pana wuni ɓǝ̀ wu surǝì. Sǝa ma aɓwana mana à pa aɓalǝ wun raka, koya gir ka à nǝ̀ banggia wia nǝ kanicau.

Luka 8:10

Pǝlǝa nea wia ama: Wun ngga à pana wun surǝ gir ɓa sǝmbǝrǝa mala Domurǝm mala Ɓakuli. Sǝ mala acili aɓwana ka, ǝn nggǝ nea wia nǝ kanicau ace mǝnana ɓǝa lumsǝ cau ɓa Malǝmce mǝnana ama: “À nǝ̀ sǝnban, sǝ à pà nǝ̀ sǝn kǝgir ɗang; À nǝ̀ okban, sǝ ce pà nǝ̀ kpakia wia ɗang.”

Yohana 6:65

Pǝlǝa nea wia ama, “Mǝnia ka nda gir mǝnana tsǝa sǝ ǝn na wun ama, kǝɓwa pà nǝ̀ gandǝ yiu abanam ɗang, she ɓǝ̀ Tárram earǝnì wi ka.”

Yohana 7:17

Ɓwa mǝnana kat earǝna ama nǝ̀ pak gir mǝnana Ɓakuli earkiyi ce ka, nǝ̀ sǝlǝa ko kanigir mem ngga pur nǝ ban Ɓakuli, ko mala ɓamuram na ǝn nggǝ na ka.

Amǝ Mishan 16:14

Ɓe mɓwama mwashat aɓalǝ amamǝna mǝnana ok sǝm ngga, lullǝi ama Lidiya, ɓwa nggeala Tiyatǝra, mǝ makki anggurbyau mǝcande na. Yì ka, mɓwama na mana kǝ peri aban Ɓakuli pepe ka. Lang kwaki kiri aban ok sǝm ngga, Mǝtalabangŋo mǝn ɓabumi ɓǝ̀ ak cau mana Bulǝs kǝ na ka.

Amǝ Roma 11:25

Wun amǝ'eamrǝarǝu, Ən nggǝ earce ɓǝ̀ wu surǝ mǝnia yì cau mana nda ɓa sǝmbǝrǝa ɗiɗyal sǝ adyan ngga, Ɓakuli pusǝni a banfana ka, ace mǝnana wu kǝa dum nǝ twalɓamuru raka. Murcanda mǝnia yipi amǝ Isǝrayila ka, nǝ̀ ngga malâ, ɓǝ̀ lakki mala aɓwana mǝnana amǝ Isǝrayila na raka, mǝnana à nǝ̀ kum amsǝban mala Ɓakuli, yi lumsǝna ka.

Amǝ Roma 16:25

Ɓǝ̀ sǝm pe Ɓakuli gulo! Acemǝnana nǝ̀ gandǝ tsǝk wun, wu nǝ̀ cam nǝ rǝcandǝa aɓa paɓamuru ma'wun, kǝla mǝnana ǝn nggǝ hamnǝi aɓa Cau Amsǝban ngga. Mǝnia yì cau amur Yesu Kǝrǝsti ka, yi lǝmndǝ kane male Ɓakuli, yì kane male mǝnana à sǝmbǝrǝ ce ɓara-ɓara.

1 Amǝ Korinti 13:2

Ɓǝa bangŋa ama, mǝ ndanǝ ɓoro mala na ɓabum Ɓakuli, ko ǝn bwalta acau ɓa-sǝmbǝrǝa kat, sǝ ǝn surǝ koya gir ka, ko mǝ ndanǝ guli arǝ Ɓakuli, ulang mana nǝ̀ gandǝ gǝshi ankono, sǝ ǝn panǝ earcearǝu raka, mǝ nda kǝgir ɗang.

1 Amǝ Korinti 15:51

Wu kwaki kir wun mǝ ara wun ɓe cau ɓa-sǝmbǝrǝa: sǝm kat sǝ sǝm nǝ̀ wu ɗang, sǝa ma sǝm kat sǝ à nǝ̀ nggaɗi sǝm.

1 Amǝ Korinti 2:14

Sǝ ɓwa mǝnana pànǝ Bangŋo mala Ɓakuli raka, pà nǝ̀ gandǝ ak aɓoro mǝnana à pur aban Bangŋo mala Ɓakuli ka ɗang. Mǝno yì ɓwa ka pà nǝ̀ gandǝ surǝ amǝnia yì agir ka ɗang, acemǝnana agir mǝɓane na abani, sǝ pà nǝ̀ surǝia ɗang, acemǝnana agir ka nǝ bu Bangŋo mala Ɓakuli sǝ à nǝ̀ surǝia.

1 Amǝ Korinti 2:7

Sǝlǝe mǝnana sǝm nggǝ hamnǝi ka, sǝlǝe mala Ɓakuli na, mǝnana sǝmbǝrǝi ɗiɗyal ka. Sǝ mǝnia yì sǝlǝe ka, Ɓakuli pe ace ɓoaro ma'sǝm, twal a share ta ɓanza.

1 Amǝ Korinti 4:1

Sǝm ngga, wu sǝn sǝm kǝla amǝturo mala Kǝrǝsti mana tsǝk sǝm, ɓǝ̀ sǝm bǝlia aɓwana ɓalǝ agir mǝsǝcau mala Ɓakuli mǝnana sǝmbǝrǝ cea ɗiɗyal sǝ adyan ngga lǝmndǝnia ka.

1 Amǝ Korinti 4:7

We ka, a nda ɗàng andǝ acili aɓwana le? Mana gir nì a ndanǝi mǝnana à po nǝ pa raka? Sǝ ɓǝa po nǝ pa ka, man tsǝa sǝ a kǝ nggori kǝla a pak turo ace?

Amǝ Afisu 1:18

Ən nggǝ pak hiwi gbal ama, ɓabum wun ɓǝ̀ lumsǝ nǝ tǎlaban, ace mǝnana ɓǝ̀ wu surǝ tsǝkɓalǝu mana Ɓakuli tunǝ wun aɓalǝi ka. Sǝ mǝnia yì tsǝkɓalǝu mǝnana nda ace aɓwana male mǝfele ka, nda mǝnana ama, ɓǝa kum agir mǝɓoarne kǝkǝr aɓa liɓala mǝgule, mǝnana Ɓakuli bangŋa ama nǝ̀ pea wia ka.

Amǝ Afisu 1:9

Adyan ngga, Ɓakuli lǝmndǝna sǝm kane male mǝnana lǝmndǝi aban kǝɓwa ɗiɗyal raka, mǝnana kani ace lumsǝ banɓoarnado male nǝ bu Kǝrǝsti ka.

Amǝ Afisu 5:32

Mǝnia ka, nggea gir sǝmbǝrǝa mǝgule na, mǝnana à pusǝ ɓālǝi aban aɓwana ɗiɗyal raka, sǝa ma mǝ ndarǝ bangŋa ama, mǝnia yì cau ka, à nda rǝ kani arǝ Kǝrǝsti andǝ ikǝlisiya.

Amǝ Afisu 6:19

Wu pak hiwi acem gbal. Wu zǝmbǝi Ɓakuli, ɓǝ̀ pam cau mǝnana mǝ nǝ na ka, ɓǝ̀ ǝn mǝn kunam mǝ nǝ bǝlki ɓa mǝsǝcau mǝnana Ɓakuli lǝmndǝa sǝmi aɓa Cau Amsǝban ngga.

Amǝ Kolosi 2:2

Ən nggǝ pak mǝnia ace mǝnana ɓǝa kum ɓak ɓabum, sǝ ɓǝa duk mwashat aɓa earcearǝu. Ən nggǝ earce nǝma ɓǝa kum lumsǝo mala ɓabumcandǝa ama à bwalǝna ta kane mala Ɓakuli mana sǝmbǝrǝ ce ɗiɗyal ka, yì Kǝrǝsti nǝ ɓamuri.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

1 Timoti 3:9

Dumǝna pup à nǝ̀ bwal gir mana à lǝmndǝi nda mǝsǝcau mǝlime mala do paɓamuru mala amǝkwaɗi nǝ ɗenyicau mǝɓoarnsari.

Jemis 1:5

Ɓǝ̀ kǝɓwa aɓalǝ wun ɗwanyi sǝlǝe ace pak mǝɓoarne ka, ɓǝ̀ zǝmbǝa aban Ɓakuli mǝnana kǝ pa nǝ ɓabumi kat nggwani pà kàm raka. Sǝ à nǝ̀ pe wi.

1 Yohana 2:20

Sǝ wun ngga, à ɗarǝna wun nǝ Bangŋo Mǝfele, sǝ wun kat ka wu surǝna rǝ mǝsǝcau.

1 Yohana 2:27

Sǝ wun ngga, rǝcandǝa mala Bangŋo Mǝfele mǝnana wu kumo a bui ka, nda aɓalǝ wun. Pà nǝ̀ ɓoaro ɓǝ̀ ɓe kǝɓwa kania wun ɗang, acemǝnana mǝno yì rǝcandǝa mala Bangŋo male ka kǝ kania wun agirbunda kat, sǝ yi rǝcandǝa ka, mǝɓafoe na, mǝ'nyirì na ɗang; sǝ kǝla mǝnana kǝ kania wun ngga, wu do aɓa dotarǝu andǝi.