Matiu 12:34 - Maləmce Məfele mala Ɓakuli: Kurcau Məbəshe

³⁴ Wun amuna baffu, lang sǝ cau mǝɓoarne nǝ̀ pur a kun wun, yi mǝnana wu ndaka amǝ'ɓealɓikea ka? Gir mǝnana nda a ɓabum ngga, nda kún banggiyi ka.

Matiu 12:34 ပူးပေါင်းရင်းမြစ်များ

Matiu 12:35

Ɓwa mǝɓoarne kǝ pusǝ aɓa cau mǝɓoarne mǝnana rambǝa a ɓabumi ka, sǝ ɓwa mǝɓane gbal ka kǝ pusǝ aɓa mǝɓane mǝnana rambǝa a ɓabumi ka.

Matiu 15:18

Sǝ agir mǝnana à kǝ pur a kun ɓwa ka à kǝ̀ yiu nǝ ɓabumi, sǝ à ndaka mǝnana à nǝ̀ tsǝk ɓwa nǝ̀ do nǝ pǝndǝkya ka.

Matiu 23:33

Wun an'yau, wun amuna baffu! Lang sǝ wu nǝ̀ api ɓashi ká lu-bǝsa?

Matiu 3:7

Sǝ lang Yohana sǝn amǝ Farisi andǝ amǝ Saduki à nǝ̀ nggǝ yiu pas abani ace mǝnana ɓǝa pakkia wia batisǝma ka, nea wia ama, “Wun amuna an'yau barya! Yan nun kir wun ama ɓǝ̀ wu ɓanggi ɓashi mala Ɓakuli mǝnana kǝ yiu ka?

Luka 3:7

Yohana ne aɓwabunda mǝnana à kǝ yiu abani ɓǝ̀ pakkia wia batisǝma ka ama, “Wun amuna baffu, yan sangsǝ kir wun ama ɓǝ̀ wu ɓanggi nggea bumlulla mala Ɓakuli mǝnana kǝ yiu ka?

Luka 6:45

Ɓwa mǝɓoarne ka, mǝɓoarne mǝnana lumsǝ ɓabumi ka, nda kǝ puro a kuni ka. Sǝ ɓwa mǝɓane ka kǝ pusǝ mǝɓane mǝnana lumsǝ ɓabumi ka. Gir mǝnana lumsǝ ɓabum ɓwa ka, nda kǝ pur a kuni ka.

Yohana 8:44

Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.

Amǝ Afisu 4:29

Wu kǝa eare cau mǝɓane ɓǝ̀ pur a kun wun ɗang. Wu kǝ na cau mǝnana nǝ̀ ɓakban ngga, ace mǝnana ɓǝa amǝ'oe ɓǝa kum ɓwamuru a ɓalǝi.

Amǝ Afisu 5:4

Naki acaubwena, andǝ ndoro mǝɓane, andǝ banggia cau mǝɓangge ka, ɓǝ̀ kǝa pur a kun wun ɗang. Kǝ yàwá na wu nǝ̀ nggǝ pakki Ɓakuli ka.

Jemis 3:2

Acemǝnana sǝm kat ka sǝm nggǝ ɓwarkio arǝ anjar pas. Ɓǝ̀ ɓwa kǝ ɓwarki aɓalǝ acau male raka, man yì ɓwa ka lumsǝna ɓwa, mǝnana nǝ̀ gandǝi nǝ̀ bwal ɓamuri a koya njar kat ka.

1 Yohana 3:10

Mǝnia ka, nda gir mǝnana gakita amuna mala Ɓakuli andǝ amuna mala Shetan ngga: Ɓwa mǝnana kat kǝ pak cauɓoarna raka, muna mala Ɓakuli na ɗang, anggo sǝ ɓwa mǝnana kǝ earce mǝ'eambǝi raka, yì gbal ka muna mala Ɓakuli na ɗang.