Matiu 12:31 - Maləmce Məfele mala Ɓakuli: Kurcau Məbəshe

³¹ Ace mani ka ǝn nggǝ na wun ama, ko ya cauɓikea andǝ na caukyauwikiban mǝnana aɓwana ne amur Ɓakuli ka à nǝ̀ twalbani, sǝ ɓwa mǝnana na cau kyauwikiban amur Bangŋo mala Ɓakuli ka, à pà nǝ̀ twali wi banì ɗang.

Matiu 12:31 ပူးပေါင်းရင်းမြစ်များ

Luka 12:10

Ɓwa mǝnana kat bangcau mǝɓane amur Muna mala Ɓwa ka, à nǝ̀ twali wi banì, sǝ ɓwa mǝnana na cau kyauwikiban amur Bangŋo Mǝfele ka, à pà nǝ̀ twalbani ɗang.

Amǝ Mishan 7:51

Wun amǝ murcandǝa, andǝ amǝ ɗwanyi surǝ Ɓakuli aɓa ɗenyicau ma'wun! Kir wun dǝmbǝri aban ok cau mala Ɓakuli fat! Wu nda kǝla aká wun gbal, wu camarǝ mgbiki Bangŋo Mǝfele kiru!

Amǝ Ibǝru 10:26

Ɓǝ̀ sǝm gine sǝ sǝm lidǝmbǝa nǝ pak cauɓikea kpakpak, anzǝm mǝnana sǝm sǝlǝna rǝ mǝsǝcau ka, kǝ ɓe gir'nkila pà kàm mǝnana ueo ɗǝm à nǝ̀ pa ace twalban acauɓikea ka ɗang.

Amǝ Ibǝru 10:29

Sǝ mala ɓwa mǝnana ɓǝsǝki Muna mala Ɓakuli, parki a ɓakusǝi, sǝ nyesǝ ce nkila male ɓà, kǝla gir mǝfele na raka, ɓashi male nǝ̀ ɓiki pa kǝrkǝr. Acemǝnana mǝnia yì nkila ka nda nkila mala kurcau mǝnana panzǝi aɓalǝ acauɓikea male ɓǝ̀ duk mala Ɓakuli ka. Sǝ ɗǝm ngga ɓǝ̀ mǝno yì ɓwa ka sanggi Bangŋo Mǝfele mǝnana kǝ yinǝ ɓwamuru mala Ɓakuli amur sǝm ngga, ɓashi mǝnana nǝ̀ sulǝo amuri ka, nǝ̀ ɓiki pa kǝrkǝr.

Amǝ Ibǝru 6:4

Aɓwana mǝnana à purî ɓa paɓamuru malea arǝ Kǝrǝsti ka, à pà nǝ̀ gandǝ nyesǝia ɗǝm ɓǝa pwanzali ɗang. Lang sǝ mani ka nǝ̀ pa anzǝm mana à kumǝna tǎlaban a ɓabumia, à ongŋǝna ɓoro mana yiu nǝ kuli, mana Ɓakuli kǝ pea aɓwana male, sǝ à kumǝna kāmbe malea mala Bangŋo Mǝfele, sǝ à nyare à yì pǝlǝ nǝ nzǝmia ka?

1 Yohana 1:9

Sǝa ma ɓǝ̀ sǝm bang acauɓikea ma'sǝm ngga, yì ka, mǝ'mǝsǝcau na, mǝɓealɓoarna na, mǝnana nǝ twala sǝm ban acauɓikea ma'sǝm, sǝ nǝ̀ lak sǝm aɓalǝ aɓealɓikea ma'sǝm kat ka.

1 Yohana 5:16

Ɓǝ̀ ɓwa sǝn mǝ'eambǝi aban pak cauɓikea mǝnana pà nǝ̀ ká nǝí a lú raka, ɓǝ̀ pak hiwi, sǝ Ɓakuli ka nǝ̀ pe wi yilǝmu. Mǝ ndarǝ na cau amur aɓwana mǝnana cauɓikea malea pà nǝ̀ ká nǝia a lú raka. Cauɓikea nakam mǝnana nǝ̀ ká nǝ ɓwa a lú ka. Ən pa aban bangŋa ama ɓǝà pak hiwi amur ulang mǝno ka ɗang.