Matiu 12:25 - Maləmce Məfele mala Ɓakuli: Kurcau Məbəshe

²⁵ Yesu surǝ ɗenyicau malea pǝlǝa nea wia ama: Nzali mana kat aɓwana male kǝ munǝo a rǝarǝia ka domurǝm malea nǝ̀ kìɗìkì. Là ko ɓala mǝnana gau ka pà nǝ̀ cam ɗang.

Matiu 12:25 ပူးပေါင်းရင်းမြစ်များ

Matiu 9:4

Acemǝnana Yesu surǝ na rǝ ɗenyicau malea ka, banggia wia ama, “Palang sǝ wu kǝ pak ɗenyicau mǝɓane a ɓabum wun anggo?

Markus 2:8

Anggo ka kara Yesu sǝlǝ ɗenyicau mǝnana a ɓabumia ka, sǝ ɗia ama, “Palang sǝ wu kǝ ndali amur mǝnia yì agir ka a ɓabum wun?

Yohana 21:17

Yesu nyare ɗi Shiman Bitǝrus tāruia ɗiban ɗǝm ama, “Shiman muna mala Yohana, a kǝ earcem le?” Bum Bitǝrus kiɗiki nǝ mǝnia yì tāruia ɗiban ngga. Nda sǝ ne Yesu ama, “Mǝtalabangŋo, a surǝ agir kat. A sǝlǝna ama mim ngga ǝn nggǝ earceo!” Pǝlǝa Yesu banggi wi ama, “Tsǝkir anzur mem.

1 Amǝ Korinti 2:11

Yana surǝ gir mǝnana nda a ɓabum ɓwa ka? Kǝ bangŋo mala ɓwa mǝnana nda a ɓalǝi ka, nda surǝ agir male ka re? Anggo gbal, kǝ Bangŋo mala Ɓakuli na surǝ agir male kat ka.

Amǝ Galati 5:15

Sǝ ɓǝ̀ akuni lǝmndǝì arǝ wun earcearǝu, wu camarǝ munǝo andǝ loasǝban a rǝarǝ wun ngga, wu parkir wun, ɓǝ̀ a na raka wu nǝ̀ kiɗiki rǝarǝ wun.

Amǝ Ibǝru 4:13

Kǝgir pà kàm ata agir mǝnana à pusǝia ka, mǝnana nǝ̀ sǝmbǝrǝi Ɓakuli ka ɗang. Koya gir ka, nda gbǝrangtang sǝ nong kwas a ɓadǝmbǝi. Sǝ yì nda kǝ ɓwa mǝnana sǝm nǝ̀ ngga bǝlki aturo ma'sǝm a ɓadǝmbǝi ka.

Sǝna 16:19

Nggeala mǝgule Babila ka, gau arǝ abanì tārú, sǝ anggea-là mala anzali ɓanza pas ka, à kpakia, à sukki amur rǝarǝia. Nda sǝ Ɓakuli ɗenyi nǝ Babila Mǝgule, sǝ ci ɓǝ̀ nu aɓa kwar mǝnana à lumsǝì nǝ mùr-anap mala bumlulla mǝgule male aɓa ukkio male ka.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.