Matiu 12:20 - Maləmce Məfele mala Ɓakuli: Kurcau Məbəshe

²⁰ Yì ka, nda ɓukɓuk aban aɓwana mǝnana à pànǝ rǝcandǝa raka, sǝ nǝ̀ sǝn mǝsǝswatǝr mala aɓwana mǝnana à nda ɓa tanni ka, nǝ̀ bwalia wia kam. Nǝ̀ lidǝmbǝa nǝ pa rǝcandǝa arǝ pe anggo she ɓǝ̀ tsǝngŋǝna kpata mǝsǝcau lina murǝm ngga.

Matiu 12:20 ပူးပေါင်းရင်းမြစ်များ

Matiu 11:28

Wu yiu abanam, wun kat mǝnana wu kǝ tanni sǝ twalo dǝmbǝrya wun ngga, mǝ nǝ pà wun usǝlǝo.

Matiu 11:7

Lang alaggana mala Yohana purna à nǝ̀ nggǝ o ka, Yesu tita ne aɓwana cau amur Yohana ama: Mǝnana wu puro wu wario a ɓabondo aban Yohana ka, mana ɗe wu wari a sǝne? Wu wari a sǝn ndǝrdangŋa mǝnana gung kǝ dǝurǝki ka le?

Luka 4:18

“Bangŋo mala Mǝtalabangŋo na a muram, acemǝnana tarnam ɓǝn hamnǝ Cau Mǝɓoarne aban amǝtǝr. Tasǝam ɓǝ̀n yi hamnǝ cau mala panzǝban aban aɓwana mǝnana à kùria ka. Ɓǝa nyesǝi ante mǝsǝu sǝnban, sǝ ɓǝa pusǝ aɓwana mǝnana à nda aɓata parban ngga a gung.

2 Amǝ Korinti 2:14

Sǝa ma ɓǝa pakki Ɓakuli yàwá! Acemǝnana ko aya pwari, aɓa dotarǝu ma'sǝm sǝnǝa Kǝrǝsti ka, kǝ ging nǝ sǝm aɓa limurǝm. Kǝ pakturo nǝ sǝm ace mesǝ mǝsǝcau mǝnana nǝ̀ tsǝk aɓwana ɓǝa surǝ Kǝrǝsti a koya ban, kǝla rǝm muru-mǝrǝmɓoarne.

2 Amǝ Korinti 2:7

Sǝ adyan ngga, ɓoaro wu twali wi banì, sǝ wu giriki, ace mǝnana bumkiɗikea ɓǝ̀ kǝa kuti rǝcandǝa male gandǝa ɓǝ̀ ɓunggi ɓabumi ka ɗang.

Sǝna 6:2

Pǝlǝa ǝn soa mǝsǝam, kara ǝn sǝn pǝ̀r mǝpwasǝe a ɓadǝmbǝam aban came! Ɓwa mǝnana a nzǝmi kwakiyi ka, ndanǝ nta a bui. À oasǝi wi jeko amuri, sǝ puro kǝ tswaki aban ká kǝla mǝlimurǝm mana she nǝ̀ limurǝm arǝa lwa ka.