Matiu 12:15 - Maləmce Məfele mala Ɓakuli: Kurcau Məbəshe

¹⁵ Yesu yi sǝlǝia wia ka, pǝlǝa nying banì. Aɓwana pas o ate. Amǝkwano mǝnana aɓalǝia ka, Yesu yi twalia wia ban arǝkwana malea kat.

Matiu 12:15 ပူးပေါင်းရင်းမြစ်များ

Matiu 10:23

Ɓǝa pà wun tanni a ɓe la ka, wu ɓangŋa wu kya ɓe. Ən nggǝ na wun mǝsǝcau kaniama wu nǝ̀ mal gya arǝ ala mala amǝ Isǝrayila kat ka, Muna mala Ɓwa nyarǝna yina.

Matiu 19:2

Ɓwabunda pas o ate, sǝ amǝ rǝkwana mana aɓalǝia ka twalia wia ban akwano malea akano.

Markus 6:56

Koya ban Yesu kar kam ngga: aɓalǝ amuna-là, andǝ alamǝgule, andǝ anzǝm ala ka, à nongsǝ amǝ rǝkwana a kun alimo. À zǝmbǝi wi ama ko ɓǝ̀ kun daura male na ka, à nǝ̀ je; sǝ aɓwana mǝnana kat à je ka, à kum sonzǝban.

Luka 5:22

Yesu surǝ ɗenyicau malea pǝlǝa ɗia ma, “Ace mana sǝ wu kǝ ɗikiban a ɓabum wun amur man yì cau ka?

Luka 6:12

Aɓalǝ anonggeo mǝno ka, Yesu o a bum nkono nǝ̀ ká pak hiwi. Bankwari aban hiwi aban Ɓakuli.

Luka 9:11

Ɓwabunda ok ce, kara à pwan rǝia à o ate. Yesu gingsǝia, sǝ nea wia cau amur Domurǝm mala Ɓakuli, sǝ aɓwana mǝnana à yiu sǝ à nda aɓa rǝkwana ka, twalia wia ban arǝkwana malea.

Yohana 11:54

Ace mani ka Yesu nyare ging ɗǝm bwāng aɓalǝ amǝ Yahudi ɗang. Nying Urǝshalima sǝ o a muna-la Ifǝrem, mǝnana nda nǝ ɓabondo, tu aban kpawanban ngga. Akano sǝ kya do andǝ alaggana male.

Yohana 7:1

Anzǝm man ngga, Yesu gya aɓa nzali Galili; eare kutio aɓa bu-nzali Yahudi ɗang, acemǝnana aɓwana-mǝgule mala amǝ Yahudi mǝnana akano ka, à nda ban alte à nǝ̀ wal-lui.

Yohana 9:4

Ado mǝnana pwari nakam ngga, dumǝna púp sǝm nǝ̀ pak turo mala Tárram mǝnana tasǝam ngga. Dù na kǝ yiu ka, mǝnana kǝɓwa pà nǝ̀ pak turo raka.

Amǝ Galati 6:9

Ace mani ka, ɓǝ̀ sǝm ngga aulǝ nǝ pak gir mǝnana mǝɓoarne na ka ɗang. Ɓǝ̀ pwari yi karǝna ka, sǝm nǝ̀ ngga kum tangnakusǝu mǝɓafoe, yì mǝnana ɓǝ̀ aulǝa pa ka sǝm, sǝm bwaki bu sǝm raka.

1 Bitǝrus 2:21

Nda àkǝ̀ ce mǝnia ka sǝ Ɓakuli tunǝ wun, acemǝnana Kǝrǝsti gbal ka, nu tanni ace wun sǝ nyingga wuni kǝla girkani, ace mǝnana ɓǝ̀ wu twal kusǝì ka.