Matiu 12:14 - Maləmce Məfele mala Ɓakuli: Kurcau Məbəshe

¹⁴ Amǝ Farisi pǝlǝa à puro a nza à kya kurkunarǝia amur njar mǝnana à nǝ̀ kumo à nǝ̀ wal Yesu ka.

Matiu 12:14 ပူးပေါင်းရင်းမြစ်များ

Matiu 26:4

sǝ à kurkunarǝia ama à nǝ̀ bwal Yesu a sǝmbǝrǝa à nǝ̀ wal-lui.

Matiu 27:1

Lang ban kwarna adyan ngga, agbani pǝris kat andǝ aɓwana-mǝgule à yì dapi à kurkunarǝia amur Yesu à nǝ̀ wal-lui.

Markus 14:1

Anongŋo ɓari a dǝm Lamsan mala Yalimuru andǝ Lamsan mala Bǝredi mǝnana Yis pa a rǝì raka, agbani pǝris andǝ amalǝm Nggurcau mala Musa ka, à nda ban alta njar aɓa sǝmbǝrǝa, mǝnana à nǝ̀ bwalǝna Yesu nǝi à nǝ̀ wal-luí ka.

Markus 3:6

Kara amǝ Farisi puro a nza, à kya kum aɓwana mala Hirǝdus, à kurkun a rǝarǝia andǝia, amur wal-lú Yesu.

Luka 22:2

Agbani pǝris andǝ amalǝm Nggurcau mala Musa came arǝ alta njargula mǝnana à nǝ̀ walna Yesu nǝi aɓa sǝmbǝrǝa ka, acemǝnana ɓangciu kǝ pakkia wia arǝ aɓwana malea.

Luka 6:11

Sǝa ma amǝ Farisi andǝ amalǝm Nggurcau mala Musa ka bumia lul kǝrkǝr, à tita banggia rǝia gir mǝnana à nǝ̀ pak nǝ Yesu ka.

Yohana 10:31

Amǝ Yahudi pwan atali ɗǝm ama à nǝ̀ ɓukki.

Yohana 10:39

Nyar ɗǝm ngga, à ɓariki ama à nǝ̀ bwal Yesu, kara puri ɓabuia.

Yohana 11:53

Twal amǝno yì pwari ka, aɓwana mǝgule mala amǝ Yahudi kutia alkita anjar mǝnana à nǝ̀ wal-lú Yesu ka.

Yohana 11:57

Anggo ka agbani Pǝris andǝ amǝ Farisi angŋa dǝmbǝa à hamǝna ama, ɓǝ̀ kǝɓwa surǝna rǝ ban mǝnana Yesu na kam ngga, ɓwe ɓǝ̀ yì na ce, ace mǝnana à nǝ̀ bwali ka.

Yohana 5:18

Ace mani ka, aɓwana-mǝgule mala amǝ Yahudi ɓariki kǝrkǝr ama à nǝ̀ wal-lú Yesu, acemǝnana yàl nzongcau mala Sabbat nǝmurǝì ɗang, tunǝ Ɓakuli ama Tarrí. Anggo ka ndaban karǝ ɓamuri arǝ Ɓakuli.

Yohana 7:30

Lang Yesu bangŋǝna cau man anggo ka, aɓwana-mǝgule mala amǝ Yahudi ɓariki ama à nǝ̀ bwali, sǝ kǝɓwa tsǝk bu a rǝì ɗang, acemǝnana pwari male malaká pak ɗang.

Yohana 7:32

Amǝ Farisi ok ɓwabunda aban sherǝ amǝnia yì acau ka amur Yesu, pǝlǝa yia andǝ agbani pǝris tasǝ amǝyal Ndàmǝgule mala Ɓakuli ama ɓǝa kya bwali.

Yohana 7:44

Aɓea aɓwana ka eare malea ka à nǝ̀ bwal Yesu, sǝ kǝɓwa gandǝ tsǝk bu a rǝì ɗang.

Yohana 8:59

À nǝ̀ ok mǝno yì cau ka, kara à pwan atali ama à nǝ̀ ɓukki, sǝ Yesu gbar rǝì, pǝlǝa puro nying Ndàmǝgule mala Ɓakuli.