Matiu 11:6 - Maləmce Məfele mala Ɓakuli: Kurcau Məbəshe

⁶ Tsǝkbu mala Ɓakuli na amur aɓwana mana à kum ɓe kǝgir annda a rǝam raka.”

Matiu 11:6 ပူးပေါင်းရင်းမြစ်များ

Matiu 13:21

Sǝ acemǝnana nlerǝi ko a nzali raka, gandǝ came banì sau ɗang. Pwari mǝnana tanni yipi wi acemǝnana paɓamuri arǝ cau mala Ɓakuli ka, nǝ̀ kaurǝ a kpa.

Matiu 18:7

Caukwanban na nǝ ɓanza ace agir mǝnana à kǝ tsǝk aɓwana ɓǝa pak cauɓikea ka! Agir tamban ngga à nǝ̀ yiu púp. Sǝa ma caukwanban na nǝ ɓwa mǝnana à kǝ pur nǝbani ka!

Matiu 24:10

Aɓalǝ amǝno yì apwari ka aɓwana pas nǝ̀ nying paɓamuru malea a rǝam, à nǝ̀ oasǝkimúr rǝarǝia sǝ à nǝ̀ ɓinǝmǝsǝ rǝarǝia.

Matiu 26:31

Lang à nda amur nkono Olif ka, Yesu pǝlǝa ne alaggana male ama, “A ɓa dù man yalung ngga, wun kat wu nǝ̀ mǝsǝe, wu nǝ̀ ɗekiam. Mǝnia ka nda acemǝnana aɓa Malǝmce ka Ɓakuli bangŋa ama: “ ‘Mǝ nǝ wal yalgir, sǝ anzur mana a domwan ngga à nǝ̀ mesǝke.’

Matiu 5:29

Ɓǝ̀ mǝsǝo mǝli kǝ tsǝo a kǝ pak cauɓikea ka, pusǝì turi. Kǝpǝna wu ɗwanyi ɓe kǝ bareo mwashat amur mǝnana ɓǝa tur nggūrǝo kat aɓa tuli-bǝsa ka.

Markus 6:3

Kafinta man na mbak? Yì nda muna mala Maryamu mbo, sǝ amǝ'eambǝi Jemis, Yisǝfu, Yahuda andǝ Shiman, andǝ amǝ'eambǝi amuna mamǝna pa kani aban sǝm re?” Kara bumia kiɗiki a rǝì, à ginǝ earnǝi.

Luka 2:34

Pǝlǝa Shimiyan tsǝkia wia bu sǝ ne ngge Maryamu ama, “Kwaki kiro pepe: Mǝnia yì Muna ka Ɓakuli tsǝngŋǝni ama nǝ̀ duk tǝr kpa andǝ lo mala ɓwapǝndǝa pas a Isǝrayila. Yì ka, nǝ̀ duk gir'lǝmndǝa mǝnana pur nǝ ban Ɓakuli, mǝnana aɓwana pas nǝ̀ na mǝɓane amuri ka.

Luka 7:23

Ɓwa mǝnana makgir cau mem raka ndanǝ tsǝkbu mala Ɓakuli!”

Yohana 16:1

Ən na wun amǝnia yì acau ka, ace mǝnana wu kǝa vwaki bu wun arǝ paɓamuru ma'wun abanam ɗang.

Yohana 6:66

Ace cau mǝnana Yesu na ka, twal àkǝ̀ pwari mǝno ka, amǝkpate pas nyari te, à o à ɗeki.

1 Amǝ Korinti 2:14

Sǝ ɓwa mǝnana pànǝ Bangŋo mala Ɓakuli raka, pà nǝ̀ gandǝ ak aɓoro mǝnana à pur aban Bangŋo mala Ɓakuli ka ɗang. Mǝno yì ɓwa ka pà nǝ̀ gandǝ surǝ amǝnia yì agir ka ɗang, acemǝnana agir mǝɓane na abani, sǝ pà nǝ̀ surǝia ɗang, acemǝnana agir ka nǝ bu Bangŋo mala Ɓakuli sǝ à nǝ̀ surǝia.

Amǝ Galati 5:11

Wun amǝ'eamrǝarǝu, ɓǝa bangŋa ama ado mǝno ka, cau mala kasǝ-ɓatau na ǝn nggǝ hamnǝi piu ka, palang sǝ mǝ nda aɓa nutanni a bu amǝ Yahudi? Sǝ ɓǝ̀ nda anggo ka, hamnǝ Cau Amsǝban mala Kǝrǝsti Yesu mǝnana ǝn nggǝ hamnǝi amur lú male a nggun-gangndi ka, ɓǝ́ pà nǝ̀ yinǝ bumkiɗikea aban amǝ Yahudi ɗang.

1 Bitǝrus 2:8

Sǝ ɗǝm ngga, “Nda tali mǝnana kǝ tsǝk ɓwapǝndǝa à kǝ anndǝ ka, tali mǝnana kǝ cia à kǝ kpa ka.” À kǝ annda, acemǝnana à kpata cau mala Ɓakuli ɗang, sǝ mǝnia ka, nda gir mǝnana Ɓakuli tsǝkia wia ka.