Matiu 11:26 - Maləmce Məfele mala Ɓakuli: Kurcau Məbəshe

²⁶ E, Dâ, anggo sǝ ɓoarô ama ɓǝ̀ pa.

Matiu 11:26 ပူးပေါင်းရင်းမြစ်များ

Luka 10:21

Amǝno yì pwari ka, Yesu lumsǝ nǝ bumpwasǝa aɓa Bangŋo Mǝfele sǝ bangŋa ama, “Ən ɓwangsǝkio we Dâ, Mǝtala kuli andǝ nzali, acemǝnana a sǝmbǝrǝ amǝnia yì agir ka arǝ amǝ'sǝle andǝ amǝsurǝe, sǝ a lǝmndǝia aban amuna mǝkeke. E, Dâ, mǝnia ka nda gir mǝnana pwasǝ bumo ka.”

Luka 22:42

ama, “Dâ, ɓǝ̀ a wu nǝ ear ka, twalam mǝnia yì kwap mala tanni ka: sǝ mǝnia ka kane mem ma ɗang, ɓǝ̀ do ama kane mo na.”

Luka 23:34

Pǝlǝa Yesu na ama, “Dâ, twalia wia banì, acemǝnana à surǝ gir mana à pakki ka ɗang.” Pǝlǝa à ko caca amur agir-nggurǝu male, à gakia rǝia.

Yohana 11:41

Pǝlǝa aɓea ɓwana mǝnana abanì ka à gǝshi talî. Yesu loasǝ mǝsǝì a kuli sǝ na ama, “We Dâ, ǝn pakko yàwá mǝnana a ongŋǝnam ngga.

Yohana 12:27

Ado ka ɓabumam kǝ pi, sǝ aman sǝ mǝ nǝ na? Mǝ nǝ na nǝma, “Dâ, amsǝam aɓa mǝnia yì tanni ka ɓǝ̀ kǝa sulǝ a muram ɗang” le? Awo! Mǝnia ka nda tǝr yiu mem, acemǝnana ɓǝn kutio aɓa mǝnia yì bu-pwari mala tanni ka.

Yohana 12:28

We Dâ, yinǝ gulo ace lullǝo! Kara Ɓakuli na cau nǝ kuli ama, “Ən angŋa dǝmbǝa ǝn gusǝlǝna lullǝam, sǝ Mǝ nǝ gusǝlǝi ɗǝm.”

Amǝ Roma 9:18

Ace mani ka, Ɓakuli kǝ lǝmndǝ ɓwamuru male amur ko yana eare nǝ̀ lǝmndǝì ɓwamuru ka, sǝ kǝ candǝ mur ɓwa mǝnana eare nǝ̀ candǝ muri ka.

Amǝ Afisu 1:11

Sǝ acemǝnana à dapina sǝm sǝnǝa Kǝrǝsti ka, sǝm angŋǝna liɓala a bu Ɓakuli, acemǝnana ak dǝmbǝa tàr sǝm ɓǝ̀ sǝm duk amale aɓa kpata kane male, sǝ yì nǝ nggearǝì ka kǝ tsǝk koya gir ka ɓǝ̀ pa kǝla mǝnana ɓabumi earkiyice ka.

Amǝ Afisu 1:9

Adyan ngga, Ɓakuli lǝmndǝna sǝm kane male mǝnana lǝmndǝi aban kǝɓwa ɗiɗyal raka, mǝnana kani ace lumsǝ banɓoarnado male nǝ bu Kǝrǝsti ka.

Amǝ Afisu 3:11

Mǝnia ka nda kànì male ɓara-ɓara arǝ anza kat, mǝnana yi lumsǝì aɓa Kǝrǝsti Yesu Mǝtala sǝm ngga.

2 Timoti 1:9

Ɓakuli amsǝ sǝm, sǝ tunǝ sǝm ɓǝ̀ sǝm duk aɓwana male amǝ fele. Pa ace aturo mǝnana sǝm pak ka ɗang, nda àkǝ̀ ce male yì kani mana pusǝ sǝm ace ka, andǝ ɓwamuru male. Pa sǝm mǝnia yì ɓwamuru ka nǝ bu Kǝrǝsti Yesu sǝ yi kwakita ɓanza.