Matiu 11:23 - Maləmce Məfele mala Ɓakuli: Kurcau Məbəshe

²³ Sǝ we Kapanahum ngga, ama à nǝ̀ loasǝo a kuli le? Awo, a nggearǝ nzali a tuli-lú sǝ à nǝ̀ yinǝ we. Ɓǝ̀ ama agir-ndali mana ǝn pakkia a ɓalǝo ka ǝn pangŋǝnia a Sodom ngga ɓǝ yalung ngga ndakam piu.

Matiu 11:23 ပူးပေါင်းရင်းမြစ်များ

Matiu 10:15

Ən nggǝ na wun mǝsǝcau, a pwari ɓashi ka, amǝ Sodom andǝ amǝ Gomora ka, ɓashi malea nǝ̀ ɓoari mala amǝla mǝno.

Matiu 16:18

Sǝ we Bitǝrus ka a nda tali, sǝ amur tali mǝnia ka mǝ nǝ ɓak Ikǝlisiya mem, sǝ rǝcandǝa mala Lú pa nǝ̀ gandǝi ɗang.

Matiu 17:24

Lang Yesu andǝ alaggana male bwalǝna Kapanahum ngga, amǝcemi ɓa Ndàmǝgule mala Ɓakuli yiu aban Bitǝrus sǝ à ɗi ama, “Mǝtala-ɓala ma'wun ngga kǝ mbwe boalo cemi mala Ndàmǝgule re?”

Matiu 4:13

Banì sau a Nazarat ɗang, turo kya do a Kapanahum, a kun Garang Galili a bui mala amǝ Zebulu andǝ amǝ Naftali.

Matiu 8:5

Kutio mala Yesu aɓa nggeala Kapanahum ka, ɓe ɓwamǝgule mala asoje yiu abani kǝ zǝmbǝi wi

Luka 10:15

Sǝ we Kapanahum ngga! A kǝ́ sǝni kǝla à nǝ̀ loasǝo aban ká kuli le? Awo! À nǝ̀ turo a nzali àkǝ̀ ɓa tuli-lú!

Luka 14:11

Acemǝnana koya ɓwa na mana twal ɓamuri ka, à nǝ̀ nyesǝi ɓà, sǝ ɓwa mǝnana nongsǝ ɓamuri ka, à nǝ̀ gusǝlǝi.

Luka 16:23

Akano a ɓanza mala alú, aban mana kya kuti kam aɓa kwanban mala tanni mǝkǝrkǝr nì ka, loasǝ mǝsǝì sǝn Ibǝrayim kuko andǝ Liazaro a kanggari.

Luka 4:23

Yesu nea wia ama: Ɓafo ka wu nǝ̀ nam mǝnia yì kun-nacau ka, ama, “Mǝsonzǝo, sonzǝ ɓamuro!” Ɗǝm ngga wu nǝ̀ nam ama, “Agir mǝnana sǝm ok ama a pakkia a Kapanahum ngga, pea kani a là mo.”

Amǝ Mishan 2:27

We ka, a pà nǝ nying yilǝmem ɓǝ̀ ueo aɓalǝ alú ɗang, sǝ a pà wu nǝ nying guro mo Mǝfele ɓǝ̀ rǝmbǝo a ɓembe ɗang.

Amǝ Mishan 2:31

Dauda ka sǝnǝna gir mǝnana Ɓakuli nǝ̀ ngga pa a dǝmbǝa ka, nda gir mǝnana tsǝa sǝ na cau amur loapi ɓembe mala Kǝrǝsti ka. Yi mǝnana bangŋa ama, Ɓakuli nyi a ɓembe ɗang, sǝ nggūrǝi gbal ka rǝm raka.

Yahuda 1:7

Ɗǝm ngga wu ɗenyi nǝ gir mǝnana kum amǝ Sodom andǝ Gomora, andǝ acili ala mǝnana abania tu, mǝnana à kuti aɓa do kìɗìkì mala nonggi nǝ rǝarǝu andǝ pakki agir suno nongnǝban mǝnana kyanggi do mǝɓoarne ka, kǝla mana amǝturonjar mǝno pe ka. Ɓakuli sok bǝsa amuria, ace mǝnana ɓǝ̀ duk girkani aban aɓwana kat, mala pibǝsa mǝnana malkiyi raka.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 11:8

Luia nǝ̀ nong amur njargula aɓa nggeala mǝnana a kun-ndunocau ka à tunǝi ama Sodom andǝ Masar, sǝ akàm gbal sǝ à gballì Mǝtalea amur nggun-gangndi.

Sǝna 20:13

Nggeamur ndǝli alú mǝnana a ɓalǝi ka. Lú andǝ Domurǝm mala lú ka, à pusǝ alú-aɓwana mǝnana aɓalǝia ka. Sǝ ko ya ɓwa ka, à pakki wi ɓashi arǝ aturo male mǝnana pak ka.

Sǝna 6:8

Pǝlǝa ǝn sǝni ka, ɓe pǝ̀r mǝ'gwalani puro yi came! Ɓwa mǝnana kwakiyi ka, lullǝi ama Lú, sǝ Domurǝm mala Lú kǝ gya ate tu. Yia Lú andǝ Domurǝm mala Lú ka, à pea wia rǝcandǝa mala pakturo nǝ lwa, andǝ nzala, andǝ kwano, sǝ anyamcandǝa mǝnana a ɓanza ka, ɓǝa kiɗiki banì mwashat aɓa gauwe ine mala ɓanza.